Gen ជាឆ្កែមួយក្បាលមានជំងឺប្រចាំខ្លួនច្រើននៅតែរស់នៅយ៉ាងសប្បាយរីករាយ

ថ្ងៃសុក្រ 17/07/2020 | 13:55 ល្ងាច

តើអ្នកចូលចិត្តសត្វចិញ្ចឹមជាឆ្កែឬឆ្មា? តោះមកក្រឡេកមើលរូបភាពដែលគួរអោយអស់សំណើចមួយចំនួន។ ថ្ងៃនេះយើងនឹងមើលរូបថតរបស់ Gen ប្រភេទឆ្កែ Corgi ដែលកំប្លែងបំផុតនៅក្នុងប្រទេសជប៉ុន។

ប្រសិនបើមិនជឿសូមមើលរូបថតខាងក្រោមនេះ។

ក្រសែភ្នែករបស់ Gen ពេលកំពុងសម្លឹងមើលអាហារដូចជាចង់ស្រក់ទឹកមាត់។

អ្នកដែលចិញ្ចឹមមើលថែឆ្កែមួយក្បាលនេះនិយាយថាវាពិតជាស្និទ្ធស្នាលជាមួយមនុស្ស ចូលចិត្តគេងលើគ្រែជាមួយម្ចាស់ ហើយមានភាពរួសរាយរាក់ទាក់ជាមួយអ្នកដទៃ។

ទោះយ៉ាងណាគួរអោយអាណិត Gen ជាឆ្កែមួយក្បាលមានជំងឺខ្សោយតំរងនោមបណ្តាលវាលេចនោមច្រើនដង ហើយតែងតែមានអារម្មណ៍ស្រេកទឹក ហូរទឹកភ្នែក ស្លេកស្លាំង និងសម្ពាធឈាមខ្ពស់ -ល- ។ ក្រៅពីនេះ Gen មានជំងឺប្រកាច់ក្រពេញប្រូស្តាតតាំងពីកំណើត។

Gen ត្រូវទៅពិនិត្យនៅគ្លីនិចជាប្រចាំ ត្រូវចាក់ថ្នាំ និងផឹកថ្នាំជាច្រើនប្រភេទ ប៉ុន្តែវាជាឆ្កែមួយក្បាលដែលមានសុភមង្គលព្រោះមានម្ចាស់ស្រលាញ់។ សត្វចិញ្ចឹមមានជំងឺប្រចាំខ្លួនមិនមែនជាលេសអោយយើងបោះបង់វានោះទេ ប្រហែលជាអាយុរបស់ Corgi មួយក្បាលនេះអាចនឹងខ្លី ដូច្នេះហើយវាគួរតែទទួលបានក្តីស្រលាញ់។