ទស្សនាវីដេអូបង្ហាញពីទិដ្ឋភាពប្រទេសជប៉ុនក្នុងឆ្នាំ ១៩១៣

ក្នុងឆ្នាំ ១៩១៣ នៅពេលនោះខ្ញុំមិនទាន់កើតទេ សូម្បីតែជីដូនរបស់ខ្ញុំក៏មិនទាន់កើតដែរ។ យ៉ាងណាមិញ នៅសម័យ​នោះទីក្រុង​តូក្យូ​កំពុង​តែ​ធ្វើ​នគរូប​នីយកម្ម​យោងទៅតាមអ្វីដែលខ្ញុំបានរៀន។

នោះជាពេលដែលប្រជាជនជប៉ុនបង្ហាញពីមហិច្ឆិតាទៅលើជនជាតិរុស្ស៊ីដែលខ្លាំងពូកែក្នុងឆ្នាំ ១៩០៥ ហើយនៅ​​ក្នុង​ដំណើរ​អភិវឌ្ឍដើម្បីប្រកួតប្រជែងជាមួយប្រទេសមហាអំណាចលោកខាងលិច។ ក្នុងពេលជាមួយគ្នានេះដែរបណ្តា​ប្រទេសលោកខាងលិចមើលឃើញពីការខឹតខំប្រឹងប្រែងឥតឈប់ឈររបស់ជប៉ុន ទើបបង្កើតយុទ្ធសាស្ត្រ​ឡោម​ព័ទ្ធ​ប្រទេស​ជប៉ុន។

នេះជារូបភាពទីក្រុងតូក្យូប្រទេសជប៉ុនក្នុងឆ្នាំ ១៩១៣ ។

មើលទៅដូចជាគ្មានអ្វីទំនើបទេ តើនេះជាប្រទេសដែលបានយកឈ្នះប្រទេសរុស្ស៊ីដែរឬទេ?

នេះជាវីដេអូសខ្មៅសដែលត្រូវបានផលិតឡើងវិញដោយបច្ចេកវិទ្យាទំនើបជាមួយនឹងការបន្ថែមពណ៌ និងគុណភាព។

សូមស្វាគមន៍អ្នកមកកាន់ទីក្រុងតូក្យូកាលពី ១០០ ឆ្នាំមុន។

នៅតាមដងផ្លូវមានតែអ្នកថ្មើរជើង គ្មានឡាន និងម៉ូតូទេ។ ជួនកាលមានកង់ប៉ុន្មានគ្រឿង មានរទះ ចំណែកផ្លូវហាក់​​ដូច​​ជា​ត្រូវ​បានក្រាលកៅស៊ូ។

ប្រជាជនស្លៀកសម្លៀកបំពាក់ Kimono បែបប្រពៃណីគ្មានអ្វីទំនើបនោះទេ។

ខ្ញុំជឿថាបណ្តាប្រទេសលោកខាងលិចដែលឃើញទិដ្ឋភាពប្រទេសជប៉ុនបែបនេះប្រាកដជាមិននឹកស្មានថា ប្រទេស​ជប៉ុន​អាច​យក​ឈ្នះ​ប្រទេស​រុស្ស៊ី​បាន​ឡើយ។ ប្រហែលជាប្រទេសជប៉ុននៅពេលនោះមានអំណាចដ៏អាថ៌កំបាំងណា​មួយ។

Kengo Abe