បញ្ហាជិះកង់គ្មានការប្រយ័ត្នប្រយែងនៅប្រទេសជប៉ុន និងការដាក់ទណ្ឌកម្មយ៉ាងតឹងរឹងចំពោះអ្នកដែលបំពានច្បាប់

អ្នកបើកបររថយន្ត ៩៩% និយាយថាពួកគេមានអារម្មណ៍មិនល្អចំពោះអ្នកដែលជិះកង់។ ខ្ញុំទទួលស្គាល់​ថា​ជិះ​កង់​ពិតជាមានភាពងាយស្រួល អារម្មណ៍ជិះកង់ក្រោមអាកាសធាតុត្រជាក់កាន់តែរីករាយ ម្យ៉ាងវិញទៀតជិះកង់មិន​ចាំ​បាច់​ត្រូវ​មាន​ប័ណ្ណ​បើកបរ។ ប៉ុន្តែសូមមេត្តាកុំមើលស្រាលសុវត្ថិភាពទោះបីជាអ្នកជិះកង់ក៏ដោយ។

រូបភាព https://autoc-one.jp/special/5004446/

ចាប់តាំងពីពេលជំងឺកូវីដ-១៩ រាតត្បាតចំនួនប្រជាជនប្រើកង់មានការកើនឡើងដើម្បីចៀសវាងការធ្វើដំណើរតាមរថភ្លើង។ ការធ្វើដំណើរដោយប្រើកង់ពិបាកក្នុងរដូវរងាតែប៉ុណ្ណោះ ចំណែកក្នុងរដូវនេះហាក់ដូចជាគ្មានអ្វីពិបាក​ឡើយ។ ប៉ុន្តែ​បញ្ហា​បែរជាកើតឡើងចំពោះមនុស្សមួយចំនួនដែលជិះកង់។

សូមមើលវីដេអូខាងក្រោមនេះ។

យោងទៅតាមច្បាប់របស់ជប៉ុនប្រសិនបើអ្នកជិះកង់ដោយធ្វេសប្រហែសហើយបុកឡានអ្នកនឹងត្រូវទទួលខុស​ត្រូវ​ចំពោះ​​កំហុស​​ឆ្គង។

បច្ចុប្បន្ននៅប្រទេសជប៉ុនអ្នកជិះកង់ដែលគ្មានការប្រុងប្រយ័ត្នជាច្រើនមិនគោរពភ្លើង​ចរាចរណ៍ មិនខ្វល់ពី​ផ្លូវ​ប្រសព្វនឹងផ្លូវដែក ស្លាកសញ្ញាប្រាប់អោយឈប់ ប្រើប្រាស់កង់ដែលគ្មានហ្វ្រាំង ស្រវឹងពេលបើក​បរ បុកអ្នកថ្មើរ​ជើង និង​រា​រាំង​អ្នកថ្មើរជើង -ល- ។

ប្រសិនបើអ្នកប្រព្រឹត្តខុសម្តងទៀតហើយអាកប្បកិរិយាបើកបររបស់អ្នកត្រូវគេវាយតម្លៃថាមានចេតនាអ្នកអាចនឹងត្រូវជាប់ពន្ធនាគារមិនលើសពី ៣ ឆ្នាំឬពិន័យជាប្រាក់មិនលើសពី ៥០ ម៉ឺនយ៉េន។

លើសពីនេះតាមផ្លូវហាយវេអាចនឹងប្រទះឃើញទិដ្ឋភាពនេះ។

បុរសម្នាក់នេះជា Uber ដឹកជញ្ជូនម្ហូបកំពុងធ្វើដំណើរតាមផ្លូវហាយវេ Shuto ជាកន្លែងដែលមានយានយន្តធ្វើដំណើរ​​ជា​​ច្រើន។ បន្ទាប់​មក​បុរសម្នាក់ដែលត្រូវចាប់ខ្លួនគាត់និយាយថាជិះបែបនេះកាត់បន្ថយពេលវេលា។

ខ្ញុំធ្លាប់ប្រកួតជិះកង់កាលពី ២០ ឆ្នាំមុន ប្រសិនបើប្រើអស់កម្លាំងដើម្បីជិះកង់ល្បឿនប្រហាក់ប្រហែលរថយន្តងាយនឹង​បត់​តាមផ្លូវ​បំបែក ប៉ុន្តែសូមកុំធ្វើដំណើរបែបនេះព្រោះប្រសិនបើបុកនឹងរថយន្តអ្នកប្រាកដជាស្លាប់។

កុំបណ្តោយអោយល្បឿនបញ្ចប់ជីវិតរបស់អ្នកសូមគោរពតាមច្បាប់ចរាចរណ៍។