ភ្លៀងធ្លាក់ខ្លាំង ទឹកជំនន់ ជំងឺរាត្បាតទៀត – តើអ្នកដឹងទេថាទីក្រុងតូក្យូអាចនឹងត្រូវលិចលង់?

ចាប់ពីខែមិថុនាដល់ខែកក្កដានៅប្រទេសជប៉ុនស្ថិតក្នុងរដូវ Tsuyu (រដូវវស្សា) ។ ជារដូវដែលតែងតែឮសម្លេងភ្លៀង​ធ្លាក់​ប៉ុន្តែ​ទោះជាយ៉ាងណាភ្លៀងមិនយូរនោះទេ។ ប៉ុន្តែនៅឆ្នាំនេះអ្វីៗផ្លាស់ប្តូរដោយគ្មាននរណាម្នាក់​អាច​ដឹង​មុន។

ដូចដែលអ្នកបានអានពីព័ត៌មានថ្មីៗនេះភ្លៀងធ្លាក់ខ្លាំងធ្វើអោយបាក់ទំនប់តាមដងទន្លេតំបន់ Kyushu ដូចជា Nagano និង Gifu បង្ក​អោយ​មាន​ទឹកជំនន់ខ្លាំង។

រូបភាព https://www.msn.com/ja-jp/news/national/熊本・人吉の水害「過去最大級」-55年前の浸水高超え/ar-BB16qprc

ខ្ញុំធ្លាប់គិតថាប្រសិនបើទឹកជំនន់កើតឡើងនៅទីក្រុងតូក្យូតើនឹងមានអ្វីកើតឡើង? នៅទីក្រុងតូក្យូមានហេដ្ឋារចនាសម្ព័ន្ធជាច្រើនដូចជាផ្លូវហាយវេ រថភ្លើងក្រោមដី -ល- ។ មិនត្រឹមតែប៉ុណ្ណឹងទីក្រុងត្រូវព័ទ្ធជុំវិញដោយទន្លេ Arakawa ជា​ទន្លេ​ដែល​ត្រូវគេចាត់ទុកថាមានគ្រោះថ្នាក់ខ្លាំង។

នេះជាកន្លែងដែលទន្លេ Arakawa អាចនឹងបាក់ទំនប់ពេលមានភ្លៀងធ្លាក់ខ្លាំង។ ដូច្នោះហើយតំបន់សំខាន់ទាំង​មូល​នៃ​ទីក្រុង​តូក្យូ​រួមទាំង Ueno, Akihabara និង Ginza នឹងត្រូវបំផ្លាញ។ ចំពោះតំបន់ផ្លូវក្រោមដីស្ថានីយ៍ខ្សែរថ​ភ្លើង​លេខ ៩៧ និង​ខ្សែទី ១៧ នឹងត្រូវ​លិច​លង់​ហើយអគារផ្លូវក្រោមដីប្រៀបបីដូចជារណ្តៅទឹក។

នេះជាការគណនាកម្រិតទឹកភ្លៀងធ្លាក់ខ្លាំងដែលកើតឡើងរាល់ ២០០ ឆ្នាំម្តងក្នុងរយៈពេល ៧២ ម៉ោងលើស ៥៥០ មីលីមែ៉ត្រ។ ដោយពិចារណាអំពីស្ថានភាពនេះនៅឆ្នាំ ២០១៨ មានភ្លៀងធ្លាក់ខ្លាំងកើតឡើងនៅតំបន់ Shikoku ភាគខាងលិចប្រទេសជប៉ុន (១៨០០ មីលីម៉ែត្រ) តំបន់ Tokai (១២០០ មីលីម៉ែត្រ) ក្នុងឆ្នាំ ២០១៥ ទឹកភ្លៀងធ្លាក់​លើស​ពី ៥០០ មីលីម៉ែត្រក្នុងរយៈពេល ២៤ ម៉ោងនៅ Tochigi ។ ដូច្នេះមានន័យថាភ្លៀងធ្លាក់ខ្លាំងម្តងក្នុងរយៈពេល ២០០ ឆ្នាំអាចនឹងកើតឡើងនាពេលខាងមុខនេះ។

នៅឆ្នាំ ១៩៩៣ ភ្លៀងធ្លាក់ខ្លាំងដោយសារព្យុះបានពន្លិចស្ថានីយ៍រថភ្លើង Akasaka Mitsuke ។ នេះជារូបភាពបង្ហាញ​ពី​អ្វី​ដែលបានកើតឡើង។ ស្ថានីយ៍រថភ្លើង Akabane ស្ថិតក្រោមស្ថានភាពលិចទឹកអស់រយៈពេល ១ ម៉ោងនៅក្បែរទន្លេ Arakawa ដែលបាក់ទំនប់។

រូបភាព https://j-town.net/tokyo/column/gotochicolumn/211868.html?p=all

គ្មានវិធីទប់ស្កាត់ទឹកមិនអោយហូរចូលច្រកទ្វារស្ថានីយ៍ហើយក៏ក្លាយជាកន្លែងស្តុកទឹក។

ការបំផ្លិចបំផ្លាញបានរាលដាលយ៉ាងឆាប់រហ័សនៅ Asakusa និង Kitasenju ត្រូវពន្លិចក្នុងរយៈពេល ១២ ម៉ោងតាំង​​ពី​​បាក់​ទំនប់។ នៅតំបន់នេះមានគ្រោះថ្នាក់ខ្លាំងណាស់ព្រោះដីទាបជាងកម្រិតទឹកធម្មតា។ ហើយការបំផ្លិចបំផ្លាញរាលដាលទៅដល់តំបន់អាជីវកម្មរបស់ Ginza និង Shimbashi ។

យោងតាមការគណនាទឹកជំនន់នេះបណ្តាលអោយមនុស្សស្លាប់ចំនួន ៣.៧១៨ នាក់ ផ្ទះចំនួន ២.១១០.១១៤ ខ្នងត្រូវលិចលង់ ហើយមនុស្សចំនួន ៣១៨.១៩១ នាក់នៅដាច់ឆ្ងាយ។ នោះមិនទាន់រាប់បញ្ចូលជនភៀសខ្លួនជាង ២.៥០០.០០០ នាក់ផង។

គេធ្វើការគណនាថាទឹកជំនន់អតិបរិមាចាប់ពី ១០ ម៉ែត្រឡើងទៅហើយអូសបន្លាយរយៈពេលជាង ២ សប្តាហ៍។

អត្រាខូចខាតអគារ និងរថភ្លើងក្រោមដីមានភាពធ្ងន់ធ្ងរដែលមិនអាចទាយទុកមុនបាន។ ក្នុងស្ថានភាពនោះជម្រើស​ចាក​ចេញ​ពី​ទីក្រុង​តូក្យូត្រូវធ្វើឡើងក៏គ្មានអ្វីចម្លែកដែរ។

នេះជាអំណះអំណាងមួយចំនួនទាក់ទងនឹងករណីបាក់ទំនប់ទន្លេ Aragawa ។

១. ស្ថានភាពនៅទីនោះក្នុងឆ្នាំ ១៩៣០ ។

២. នៅឆ្នាំបន្ទាប់គេសាងសង់ស្ពានមួយ។

នេះជាដំណោះស្រាយបណ្តោះអាសន្នប៉ុន្តែដោយសារតែការធ្វើនគរូបនីយកម្មនៅទីក្រុងតូក្យូ និងការកើនឡើងនៃការ​​បូម​ទឹក​ក្រោម​ដី​ធ្វើអោយកើននីត្រូលើផ្ទៃដីបណ្តាលអោយមានស្ថានភាពទី ៣។ 

៣. បាក់ស្រុតបណ្តាលអោយកម្ពស់ទំនប់មិនគ្រប់គ្រាន់

៤. ទំនប់ត្រូវសាងសង់ខ្ពស់ជាងមុនប៉ុន្តែព្រោះតែស្ពានក្នុងរូបភាពទី ២ គ្រាន់តែដំឡើងមិនបានរុះរើធ្វើអោយមានបញ្ហា។

បន្ទាប់មកទឹកនឹងប្រមូលផ្តុំនៅតំបន់ទំនាបបំបែកទំនប់ដោយកម្លាំងទឹក ពេលនោះលំហូរទឹកដ៏ធំនឹងហូរចូល និងបង្ក​ការ​ខូចខាតដូចដែលបានរៀបរាប់ខាងលើ។

ដូច្នេះដើម្បីដោះស្រាយបញ្ហានេះត្រូវប្តូរស្ពានតែត្រូវចំណាយថវិកាច្រើន។ បច្ចុប្បន្នប្រទេសជប៉ុនកំពុងប្រឈមមុខនឹង​បញ្ហា​ធ្ងន់​ធ្ងរចំនួនពីរការរាលដាលនៃជំងឺរាតត្បាកូវីដ-១៩ និងភ្លៀងធ្លាក់ខ្លាំង។

ខ្ញុំសង្ឃឹមថារដ្ឋាភិបាលនឹងមានផែនការជាក់លាក់ដើម្បីដោះស្រាយបញ្ហាដែលអាចកើតមាន។

Kengo Abe

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: