ម្តាយដាច់ចិត្តធ្វើដំណើរកំសាន្តមួយសប្តាហ៍ទុកកូនស្រីអាយុ ៣ ឆ្នាំនៅផ្ទះម្នាក់ឯងរហូតដល់ស្លាប់ព្រោះអត់ឃ្លាន

ថ្ងៃសុក្រ 10/07/2020 | 12:05 ល្ងាច

ស្រ្តីម្នាក់រស់នៅទីក្រុងតូក្យូត្រូវចាប់ខ្លួនកាលពីថ្ងៃអង្គារដោយសង្ស័យថាបានទុកកូនស្រីអាយុ ៣ ឆ្នាំនៅផ្ទះម្នាក់ឯងរហូតដល់អត់ឃ្លានស្លាប់ចំណែកខ្លួនធ្វើដំណើរកំសាន្ត។

អាជ្ញាធរបានអោយដឹងជនសង្ស័យឈ្មោះ Saki Kakehashi អាយុ ២៤ ឆ្នាំបានសារភាពកំហុសបន្ទាប់ពីត្រូវចាប់ខ្លួនកាលពីថ្ងៃទី ៧ ខែកក្កដា ប៉ូលីសក៏បានស៊ើបអង្កេតអោយដឹងថានាងតែងតែបណ្តោយ និងធ្វើបាបកូនស្រី Noa ។

លទ្ធផលនៃការធ្វើកោសល្យវិច័យបង្ហាញថា Noa ស្លាប់ព្រោះតែកង្វះជាតិទឹក និងអត់ឃ្លានខ្លាំង បើយោងតាមប្រភពស៊ើបអង្កេតជនសង្ស័យ Kakehashi ត្រូវបានគេសង្ស័យថាទុកកូនស្រីរបស់ខ្លួននៅផ្ទះម្នាក់ឯងរយៈពេល ៨ ថ្ងៃកាលពីដើមខែមិថុនាដើម្បីធ្វើដំណើរកំសាន្តទៅខេត្ត Kagoshima ភាគនិរតីប្រទេសជប៉ុន។

ដោយដឹងថាបន្ទាប់ពីបញ្ចប់ដំណើរកំសាន្តកាលពីថ្ងៃទី ១៣ ខែមិថុនាស្រ្តីឈ្មោះ Kakehashi បានហៅទូរស័ព្ទពេលឃើញកូនស្រីមិនដកដង្ហើម។ នៅពេលបញ្ជូនទៅមន្ទីរពេទ្យគ្រូពេទ្យនិយាយថាក្មេងស្រីបានទទួលមរណភាពហើយ។

ក្រពេញទីមុសរបស់ជនរងគ្រោះរួមតូចដែលជារោគសញ្ញាទូទៅរបស់កុមារត្រូវគេបោះបង់ចោលហើយក្រពះទទេស្អាត។ ក្មេងស្រី Noa ថែមទាំងមានកន្ទួលលើគូទព្រោះតែមិនបានប្តូរកន្ទបរយៈពេលយូរមកហើយ។ ក្មេងស្រីរស់នៅក្នុងផ្ទះដែលពោរពេញទៅដោយសំរាម។

ក្នុងអំឡុងពេលសួរចម្លើយមុនពេលត្រូវចាប់ខ្លួន Kakehashi និយាយថាដើមឡើយ Noa ឈឺជាច្រើនថ្ងៃមុនពេលស្លាប់ ប៉ុន្តែគាត់គ្មានប្រាក់នាំកូនទៅមន្ទីរពេទ្យដើម្បីព្យាបាលនោះទេ។

យោងទៅតាមសាលាមត្តេយ្យដែល Noa ធ្លាប់រៀនក្មេងស្រីមិនទៅសាលារយៈពេលជាងមួយឆ្នាំហើយ។