ស្វែងយល់អំពីតម្លៃខ្លួនឯងដើម្បីកាត់បន្ថយភាពតានតឹង

នៅយប់ថ្ងៃអាទិត្យមនុស្សច្រើនតែមានគំនិតថា “ថ្ងៃស្អែកត្រូវទៅធ្វើការទៀតហើយគួរអោយធុញណាស់!” ។

ហេតុអ្វីបានជាមនុស្សជាច្រើនធុញទ្រាន់នឹងការងារ? តើយើងចាត់ទុកការងារដូចជាសម្ពាធឬ? តើមកពីក្រុមហ៊ុន​អាក្រក់​ឬ? ប្រហែល​បណ្តាល​មក​ពី​មូល​ហេតុ​នេះ។ កុំព្រោះតែអារម្មណ៍នេះធ្វើអោយបាក់ទឹកចិត្ត អ្នកគួរតែចំណាយ​ពេល​បន្តិច​រក​មូលហេតុ​ដែល​បណ្តាល​អោយ​អ្នក​ធុញ​ទ្រាន់នឹងការងារ។ ព្រោះបើគិតបែបនេះមិនថាដាក់ពាក្យ​សុំ​ការងារនៅកន្លែងណាលទ្ធផលក៏ដូចគ្នាដែរ។

ខ្ញុំសូមអនុញ្ញាតនិយាយអំពីរឿងផ្ទាល់ដែលខ្ញុំធ្លាប់ប្រទះ។ តាមពិតប្រហែលជា ១៥ ឆ្នាំមុនខ្ញុំធ្លាប់ធ្លាក់ទឹកចិត្ដយ៉ាងខ្លាំង​រហូត​ឈាន​ដល់កើតទុក្ខក្នុងចិត្ត។ បន្ទាប់ពីទទួលលទ្ធផលតេស្តនៅមន្ទីរពេទ្យ វេជ្ជបណ្ឌិតចេញថ្នាំងងុយគេង ហើយ​ក៏​ណែនាំ​ខ្ញុំ​ឈប់សម្រាកមួយរយៈពេល។ បន្ទាប់ពីនោះខ្ញុំជាសះស្បើយយ៉ាងឆាប់រហ័សធ្វើអោយមនុស្សគ្រប់គ្នាមាន​ការ​ភ្ញាក់​ផ្អើល នេះមិនមែនមកពីប្រសិទ្ធភាពថ្នាំនោះ​ទេ ប៉ុន្តែដោយសារខ្ញុំបានរកឃើញវិធីរៀបចំខួរក្បាលរបស់​​ខ្លួន។

រូបភាព https://woman.bp-labo.com/naturalbeauty-107/

ដូច្នេះសូមសាកល្បងឆ្លើយសំណួរនេះ “តើអ្វីដែលមានតម្លៃបំផុតសម្រាប់អ្នក?” ។ មនុស្សម្នាក់ៗប្រាកដជាឆ្លើយសំណួរ​នេះ​ខុសៗ​គ្នា។ អ្នកខ្លះអោយតម្លៃទៅលើប្រាក់ អ្នកខ្លះទៀតចាត់ទុកគ្រួសារសំខាន់។ មានមនុស្សមួយចំនួនឆ្លើយ​ថា​ចំណូល​ចិត្តរបស់ខ្លួន មិត្តភាព និងកិត្តិយសជាដើម។ ប៉ុន្តែក្នុងពេលតែមួយអ្នកមិនអាចទទួលបានតម្លៃទាំង​អស់​នេះ​ទេ។

ជាការពិតណាស់មនុស្សគ្រប់គ្នាប្រាថ្នាចង់ធ្វើកិច្ចការដែលខ្លួនចូលចិត្ត មានមនុស្សជាច្រើនជឿទុកចិត្ត អោយតម្លៃ និងទទួលបានប្រាក់​ខែ​ច្រើនសម្រាប់ទិញទំនិញ។ គ្រួសារមិត្ត មិត្តភក្តិ និងមនុស្សទាំងអស់គ្នាមានសេរីភាពធ្វើ​អ្វី​ដែល​ខ្លួន​ចូលចិត្ត និងមិនមាននរណាម្នាក់​មក​ត្អូញត្អែរឡើយ។ ជីវិតបែបនេះពិតជាល្អហើយទោះជាមានក៏កម្រ​ណាស់​ដែរ។ ប្រសិនបើអ្នកគ្មានសំណាងទទួលបានរបស់គ្រប់យ៉ាងនោះអ្នកត្រូវជ្រើសរើស។ បន្ទាប់មកអ្នកត្រូវឆ្លើយ​សំនួរ “ចំពោះអ្នកតើអ្វីដែលសំខាន់បំផុត?” ។

ខ្ញុំពិតជាឈឺក្បាលចំពោះសំណួរនេះហើយទីបំផុតសំយោគបានចំណុចបីយ៉ាង៖

១. ស្មោះត្រង់នឹងខ្លួនឯង

២. មិនត្រូវភ្លេចពាក្យ “ដឹងគុណ” នោះទេ

៣. មិនត្រូវរត់គេច

ប្រាក់ជាការពិតក៏សំខាន់ណាស់ដែរតែបើរកប្រាក់ហើយធ្វើផ្ទុយនឹងចំណុចទាំង ៣ នេះខ្ញុំនឹងក្បត់ខ្លួនឯង។ នោះក៏ជា​មូល​ហេតុ​ដែលស្មារតីខ្ញុំធ្លាប់ធ្លាក់ទឹកចិត្តយ៉ាងខ្លាំង។ នៅទីបំផុតខ្ញុំស្វែងរកក្រុមហ៊ុនមួយដែលអាចជួយខ្ញុំបំពេញ​នូវ​ចំណុច​ទាំង ៣ នោះហើយប្តូរការ​ងារ។ រហូតមកដល់ពេលនេះខ្ញុំនៅតែមិនទាន់ប្រាកដថាក្រុមហ៊ុនដែលខ្ញុំ​ធ្លាប់​ធ្វើ​ពីមុនអាចធានាគោលការណ៍ទាំងបីខាងលើ ប៉ុន្តែពេលអ្នកកំណត់គោលដៅការការងារថ្មីនឹងមានភាពងាយ​ស្រួល។ នៅពេលខ្ញុំកំណត់គោលដៅច្បាស់ខ្ញុំមានអារម្មណ៍ឯករាជ្យជាងមុនហើយទីបំផុតសម្រេចចិត្តចាកចេញ​ពី​ជប៉ុនទៅប្រទេសវៀតណាម។

ធ្វើការនៅបរទេសឬអាចនិយាយបានថាបង្កើតអាជីវកម្មថ្មីមិនមែនជារឿងងាយស្រួលនោះទេ បង្កើតក្រុមហ៊ុនថ្មី​តែ​នៅ​ពី​ក្រោយ​គ្មាន​ក្រុមហ៊ុនធំនៅជប៉ុនគ្មានជំនួយពិតជាពិបាកណាស់។ នៅកន្លែងថ្មីខ្ញុំគ្មានមិត្តភក្តិច្រើន មិនចេះ​ភាសា ហើយ​ក៏​គ្មាន​ទំនុកចិត្ត ហើយនៅទីបំផុតត្រូវជនជាតិជប៉ុន និងវៀតណាមបោកបញ្ឆោត។

រូបភាព https://overs.zigexn.co.jp/culture/zigexn_speed/2279/

ខ្ញុំនៅប្រទេសវៀតណាមអស់រយៈពេលជាង ៩ ឆ្នាំមកហើយពេលវេលានៅទីនេះជួបការលំបាកច្រើនជាងធ្វើការនៅប្រទេសជប៉ុន។ ប៉ុន្តែនៅវៀតណាមខ្ញុំមិនប្រឈមនឹងបញ្ហាធ្លាក់ទឹកចិត្ត ឧបសគ្គក្នុងការងារប្រែជាភាពសប្បាយរីករាយ និងការប្រកួតប្រជែង។

ឥឡូវនេះខ្ញុំចង់ណែនាំពីរបៀបដែលខ្ញុំការពារតម្លៃដែលខ្ញុំជឿជាក់។ ចាប់ពីពេលនោះខ្ញុំរកវិធីកែលម្អខ្លួនឯងចូលទៅជិតគុណតម្លៃទាំងនោះហើយធ្វើអោយប្រសើរឡើងចំណុចខ្វះខាតរបស់ខ្ញុំបន្តិចម្តងៗ។ អ្នកក៏អាចសាកល្បងធ្វើតារាងរបស់ខ្លួនផងដែរ។

គំរូល្អ

• កុំបោះបង់មនុស្សដែលកំពុងមានបញ្ហា
• ពេលជួបនរណាម្នាក់ជាដំបូងត្រូវទុកចិត្តគេសិន
• ព្យាយាមជួយអ្នកដែលនៅជុំវិញតាមដែលអាចធ្វើបាន

មិនត្រូវភ្លេចពាក្យ “ដឹងគុណ” នោះទេ

• កុំភ្លេចនិយាយថា “អរគុណ”
• ឆ្លើយតបទ្វេដងទៅនឹងអត្ថប្រយោជន៍ដែលទទួលបាន

រក្សាខ្លួនស្ថិតក្នុងស្ថានភាពល្អបំផុត

• មិនត្រូវបរិភោគច្រើនពេក
• ធ្វើលំហាត់ប្រាណអោយបានទៀងទាត់

ត្រូវស្មោះត្រង់ជានិច្ច

• កុំចាញ់បោកព័ត៌មានក្លែងក្លាយ
• កុំចុះចាញ់អំណាច

ទទួលយកកំហុសហើយសុំទោស

• ទទួលមតិរិះគន់ និងពិចារណាខ្លួនឯងឡើងវិញ តើមតិរះគន់មកពីទស្សនៈរបស់ខ្ញុំខុសឬការពន្យល់របស់ខ្ញុំមិនទាន់គ្រប់គ្រាន់
• មិនត្រូវអាងអំណោចក្នុងការបញ្ចេញមតិនោះទេ

ស្តាប់អ្នកដទៃ

• ជជែកលេងជាមួយអ្នកដទៃធ្វើអោយគេចែករំលែករឿងរបស់គេ
• ស្តាប់អ្នកដទៃហើយបន្ទាប់មកនិយាយពីខ្លួនឯង
• កុំធ្វើអោយអ្នកដទៃគ្មានពេលសម្រាប់និយាយ

ក្នុងនាមជាជនជាតិជប៉ុនម្នាក់ធ្វើការនៅបរទេសខ្ញុំជាតំណាងប្រជាជនជប៉ុន

• ទទួលខុសត្រូវចំពោះការនិយាយរបស់ខ្លួន ជួយអោយជនបរទេសយល់កាន់តែច្បាស់អំពីជនជាតិជប៉ុន

កុំនិយាយបង្កាច់បង្ខូចអ្នកដទៃ

• កុំស៊ូទ្រាំត្រូវនិយាយអ្វីដែលអ្នកចង់ក្នុងនាមស្ថាបនា
• កុំបង្ហាញពីការលំបាករបស់អ្នកដទៃ

បង្កើនល្បឿននៃការគិត

មនុស្សច្រើនតែនិយាយថា “ធ្វើតាមទម្លាប់” សូម្បីតែគំនិតក៏ដូច្នេះ។ ប្រសិនបើអ្នកបង្កើតទម្លាប់នៃការគិត ការវិភាគ​អ្នក​អាច​នឹងប្រតិកម្មលឿនពេលជួបប្រទះបញ្ហា។ ការអានសៀវភៅក៏ជាវិធីបង្វឹកគំនិតអ្នកផងដែរ។

ហ្វឹកហាត់គំនិតជានិច្ច

• ចាប់អារម្មណ៍ព័ត៌មានប្រចាំថ្ងៃ គិតអំពីមូលហេតុ និងទាយអំពីលទ្ធផល។
• មិនត្រូវវាយតម្លៃគ្រប់យ៉ាងនៅចំពោះមុខ
• អានសៀវភៅរាល់ថ្ងៃ

ឯករាជ្យផ្នែកហិរញ្ញវត្ថុ

• កុំបោកអ្នកដទៃដើម្បីរកលុយ
• កុំបង្កើតបន្ទុកហិរញ្ញវត្ថុលើគ្រួសារ និងមិត្តភក្តិ

ធ្វើជាម្ចាស់ពេលវេលារបស់អ្នក

• ចំណាយពេល ១ ម៉ោងក្នុងមួយថ្ងៃសម្រាប់ការអាន
• ធ្វើកាលវិភាគប្រចាំថ្ងៃហើយព្យាយាមធ្វើតាម
• មិនថាអ្នករវល់យ៉ាងណាក៏ដោយត្រូវចំណាយពេលលើសពី ២ ដងក្នុងមួយសប្តាហ៍សម្រាប់មនុស្សសំខាន់ (សាច់​ញាតិ​ឬ​មិត្ត​ភក្តិ)។

ជឿជាក់ថាខ្លួនជាមនុស្សដែលមានសុភមង្គលបំផុតលើពិភពលោក

រូបភាព https://www.e-aidem.com/ch/listen/entry/2019/02/27/103000

• មានអារម្មណ៍ដឹងគុណចំពោះអ្នកដែលនៅជុំវិញអ្នក៖ សាច់ញាតិ មិត្តភក្តិ មិត្តរួមការងារ អ្នកក្រោមបង្គាប់ -ល- 
• ជួយមនុស្សជាទីស្រលាញ់របស់អ្នក

កុំស្អប់អ្នកដទៃ

ខ្ញុំដឹងថាមនុស្សគ្រប់រូបតែងតែស្អប់នរណាកុំយកអារម្មណ៍មិនល្អមកដាក់ខ្លួន។ ដោយសារនៅថ្ងៃអនាគត​អ្នក​អាច​នឹង​ធ្វើ​ការជាមួយគេ។

កុំបោះបង់ កុំរត់គេង

• នៅពេលអ្នកមានគោលដៅធំក្នុងជីវិតអ្នកត្រូវមានភាពក្លាហានដើម្បីបន្ត
• ទោះបីជាមានការសើចចំអកក៏ត្រូវតែស្មោះត្រង់នឹងខ្លួនឯង។ ពេលវេលានឹងឆ្លើយតបគ្រប់យ៉ាង។

ខ្ញុំសរសេរអ្វីទាំងនេះលើសៀវភៅកំណត់ត្រារបស់ខ្ញុំហើយអានរាល់ថ្ងៃមុនពេលធ្វើការ។ និយាយតាមត្រង់ខ្ញុំទើបតែធ្វើបានប្រហែល ១/៣ នៃគោលដៅខាងលើ ប៉ុន្តែខ្ញុំជឿថាខ្លួននឹងមិនវង្វេងពេលកំណត់គោលដៅច្បាស់។

អ្នកអាចសាកល្បងសរសេរគោលដៅផ្ទាល់ខ្លួនហើយអានជារៀងរាល់យប់ថ្ងៃអាទិត្យ។ នោះថ្ងៃច័ន្ទរបស់អ្នកនឹងកាន់​តែ​មាន​កម្លាំង​ចិត្ត និងមាន​អត្ថន័យ។

Kengo Abe