Kyoko’s cooking : ការីសាច់គោឆ្ងាញ់បែបជប៉ុន

ការីជាមុខម្ហូបដែលពេញនិយមនៅប្រទេសជប៉ុន។ ការទទួលទានការីសម្បូរទៅដោយជីវជាតិ ស្រួលចម្អិន និងអាចកម្តៅឡើងវិញ។ អ្នកអាចសាកល្បងចម្អិនការីបែបជប៉ុនហើយភ្លក់រសជាតិម្តងណា! ប្រសិនបើគ្មានសាច់គោអ្នកអាចទិញសាច់ជ្រូកឬសាច់មាន់ជំនួសបាន។

គ្រឿងផ្សំ៖

  • សាច់គោ៖ ១ កញ្ចប់
  • ដំឡូងបារាំង៖ ២ មើម
  • ការ៉ុត៖ ១ មើម
  • ខ្ទឹមបារាំង៖ ១ ឬ ១/២ មើម
  • ម្សៅឬគ្រឿងទេសធ្វើការី

ហ៊ាន់មើមដំឡូងបារាំង ការ៉ុត និងខ្ទឹមបារាំងល្មមហូប។

ស្ងោសាច់គោរយៈពេល ១០ នាទីហើយបន្ទាប់មកស្រង់ចេញ។

បន្ទាប់មកហ៊ាន់សាច់គោជាបំណែកតូចល្មមហូប ចាក់ទឹកចូលអោយសមល្មមសម្រាប់ស្ងោសាច់រួចរង់ចាំប្រហែល ២០ នាទីដើម្បីអោយសាច់គោទន់។

ក្រោយរយៈពេល ២០ នាទីបើកគំរបឆ្នាំងដាក់គ្រឿងផ្សំដូចជាមើម និងខ្ទឹមរួចបន្តស្ងោ ហើយបន្ថយទឹកក្នុងឆ្នាំង។

បន្ទាប់មកទៀតបន្ថែមគ្រឿងទេសការីចូលគូរថ្នមៗដើម្បីអោយម្សៅការីរលាយ។

នៅពេលការីចាប់ផ្តើមប្រែពណ៌ត្នោតអ្នកអាចបិទចង្រ្កានរួចដួសដាក់ចានទទួលទានជាមួយបាយស។

សម្គាល់៖ ម្ហូបការីកាន់តែកម្តៅច្រើនកាន់តែឆ្ងាញ់។

ប្រវត្តិរូបបងស្រី Kyoko ៖

ម្ចាស់ភោជនីយដ្ឋាន Shunsai Mamaya 「旬菜ままや」

Kyoko Nakao (អាយុ ៥១ ឆ្នាំ)

នៅលើ Instagram Shunsai Mamaya @mamaya476 យើងកំពុងផ្សព្វ​ផ្សាយ​បន្លែរបស់កសិករក្នុងតំបន់ដោយចម្អិនម្ហូបសាមញ្ញប្រើបន្លែ​តាម​រដូវ។ ព្រោះតែខ្ញុំចាប់អារម្មណ៍ និងមានចំណូលចិត្តក្នុងការចម្អិនម្ហូប ខ្ញុំព្យាយាមចម្អិនបន្លែអស់រយៈពេល ៨ ឆ្នាំកន្លងមកសម្រាប់ចំណូលចិត្តរបស់ខ្លួន។ ប្រសិន​បើ​ខ្ញុំធ្វើដំណើរទៅផ្សារ ខ្ញុំនឹង​ទិញ​គ្រឿងផ្សំឬទៅញ៉ាំនៅហាងស្រាដើម្បីភ្លក់ម្ហូបឆ្ងាញ់ហើយសួរម្ចាស់​ហាង​របៀបចម្អិន។ បន្ទាប់ពីធ្វើការអស់រយៈពេលជាច្រើនឆ្នាំនៅគ្រឹះ​ស្ថានបោះពុម្ពផ្សាយ ឥឡូវនេះខ្ញុំកំពុងរៀបចំបើកភោជនីយដ្ឋានតូច​មួយ​នៅ​ឆ្នាំ​ក្រោយ។

អាជីពអ្នកបោះពុម្ពផ្សាយ

  • ទទួលបន្ទុកព័ត៌មាន សិល្បៈ ធ្វើម្ហូប រាជវង្ស និង Series Ningen ប្រចាំសប្តាហ៍មានចំណងជើងថា “女性自身” (Josei jishin) ។
  • ជោគជ័យក្នុងគម្រោង Home Baker នៃទស្សនាវដ្តីព័ត៌មានជីវិត “Mart” ។
  • ទស្សនាវដ្តីម៉ូដផ្តោតទោលើអាយុ ៤០ ឆ្នាំសម្រាប់ទស្សនាវដ្តី “STORY” ។
  • ទស្សនាវដ្តីសម្ផស្ស “美ST” សម្រាប់អាយុវ័យ ៤០ ឆ្នាំ។

អំពី “Shunsai Mamaya”

* ភោជនីយដ្ឋានជប៉ុនមានទម្រង់អាជីវកម្មច្រើនប្រភេទ។ ប៉ុន្តែ  “居酒屋 – Izakaya” និង “小料理屋 – Koryouriya” ស្ថិត​ក្នុង​តំបន់​ថ្នាក់ទីមួយមិនត្រូវទទួលស្គាល់ដោយច្បាប់បង្ការ និងពន្លត់អគ្គីភ័យទេ ដូច្នេះភោជនីយ​ដ្ឋាន​មាន​បំណង​ផ្លាស់ប្តូរទៅជា “食堂 – Shokudo” ។

ភោជនីយដ្ឋានគ្រោងនឹងបើកនៅនិទាឃរដូវឆ្នាំ ២០២១ នៅផ្ទះតូចមួយក្នុងតំបន់នៅ Suginami ទីក្រុងតូក្យូ។ យើង​ធ្វើ​ម្ហូប​តាមរដូវតដោយប្រើបន្លែ Suginami ក្នុងស្រុក និងគ្រឿងផ្សំល្អទិញពេលធ្វើដំណើរ។ ឈ្មោះហាងជាការគោរព​ចំពោះ​ភោជនីយ​ដ្ឋាន “Mamaya” ” ដែលអ្នកនិពន្ធ Kuniko Mukai កំពុងប្រត្តិការនៅ Akasaka ជាមួយ​បង​ស្រី​របស់​គាត់​ឈ្មោះ Kazuko ។

Kyoko Nakao

 

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: