រឿងរ៉ាវដ៏កម្សត់របស់មនុស្ស និងសត្វឆ្កែត្រូវគេបោះ​បង់​ចោល​រក​ឃើញ​គ្នា​ហើយ​ទទួល​បាន​ជីវិត​ថ្មី

នៅចុងទសវត្សឆ្នាំ ១៩៧០ ឆ្កែមួយក្បាលឈ្មោះ Chirori ត្រូវមនុស្សប្រើដំបងវាយធ្វើបាបបន្ទាប់មកត្រូវគេបោះ​បង់​ចោល​ជា​មួយ​កូន​ឆ្កែ ៥ ក្បាល​ទៀត។ អ្នកដែលបានរកឃើញហើយជួយសង្គ្រោះ Chirori ជាបុរសម្នាក់ឈ្មោះ Oki ។លោក Oki រក​ឃើញ​ម្ចាស់​អោយ​កូន​ឆ្កែ​ជា​ច្រើនលើកលែងតែ Chirori គ្មានអ្នកទទួលចិញ្ចឹម។

រូបភាព https://therapydog-a.org/en/therapydog/

លោក Oki នាំឆ្កែមួយក្បាលនេះទៅមជ្ឈមណ្ឌលបណ្តុះបណ្តាល។ ដំបូងលោក Oki គ្មានបំណងបង្ហាត់ Chirori ទេព្រោះ​ជើង​ក្រោយ​របស់​វា និងត្រចៀកខាងឆ្វេងមានបញ្ហាធ្វើអោយ Chirori ខ្លាចមនុស្ស។ ប៉ុន្តែលោក Oki ដឹងថា Chirori ជាឆ្កែស្លូតមួយក្បាលនៅពេលកូនឆ្កែក្នុងហ្វូងឈឺវាតែងចូលទៅជិតហើយដេកក្បែរឆ្កែដែលឈឺនោះ។

នេះជាមូលហេតុលោក Oki សម្រេចចិត្តបណ្តុះបណ្តាល Chirori អោយក្លាយជាឆ្កែជំនួយដល់ការព្យាបាល។ ទោះយ៉ាង​ណា​ដោយ​សារ Chirori ខ្លាចមនុស្សព្រោះធ្លាប់ត្រូវគេប្រើដំបងវាយ ការបង្ហាត់វាដើរជិតជាកាន់ឈើច្រត់ធ្វើឱ្យវាកាន់​តែ​ភ័យ​ខ្លាច​ថែម​ទៀត។ លោក Oki នៅតែព្យាយាមគាត់ហៅវាដើរមកជិតគ្រែដែលមានឈើច្រត់ក្បែរនោះហើយដេកជាមួយវា។ ក្នុងរយៈពេលជាងពីរឆ្នាំ Chirori មិនខ្លាចដំបងទៀតទេហើយក្នុងរយៈពេលតែ ៦ ខែវាបានបញ្ចប់​វគ្គ​បណ្តុះ​បណ្តាល​រក្លាយជាឆ្កែជំនួយដល់ការព្យាបាលដំបូងគេនៅប្រទេសជប៉ុន។

Chirori និងលោក Oki (រូបភាព https://shibasenji.wordpress.com/tag/toru-oki/)

នៅពេលនោះក្នុងប្រទេសជប៉ុនឆ្កែជំនួយដល់ការព្យាបាលជាគំនិតថ្មី ដូច្នេះមិនមែនមនុស្សគ្រប់គ្នាសុទ្ធតែអាចទទួល​យក​ទេ។ ទោះជាយ៉ាងណា Chirori ទៅដល់មណ្ឌលថែទាំមនុស្សចាស់ កន្លែងថែទាំសុខភាពព្យាយាមអត់ធ្មត់រាប់​អាន​ជា​មួយ​មនុស្ស​ចាស់ និងកូនក្មេង។

សត្វឆ្កែ Chirori ធ្វើអោយមនុស្សជាច្រើនមានស្នាមញញឹម។ វាប្រាស្រ័យទាក់ទងជាមួយមនុស្សដោយប្រើភ្នែក ដើរលំហែ និងរួស​រាយរាក់​ទាក់​ដាក់​ពួកគេ។ ជីវិតរបស់ Chirori ផ្សារភ្ជាប់ជាមួយតួនាទីជាឆ្កែជំនួយដល់ការព្យាបាលរហូត​ដល់​ដង្ហើម​ចុងក្រោយរបស់វាក្នុងឆ្នាំ ២០០៦ ។

ដំបូងគំនិតឆ្កែជំនួយដល់ការព្យាបាលត្រូវបានលោក Oki ពិគ្រោះយោបល់ពីសហរដ្ឋអាមេរិក គាត់ត្រឡប់ទៅប្រទេស​ជប៉ុន​ហើយសម្រេចចិត្តបង្កើតមជ្ឈមណ្ឌលបណ្តុះបណ្តាលឆ្កែជំនួយដល់ការព្យាបាល។

ប្រសិនបើអ្នកចាប់អារម្មណ៍លើប្រធានបទឆ្កែជំនួយដល់ការព្យាបាលអាចមើលបន្ថែមខ្សែភាពយន្ត Inu to arukeba: Chirori to Tamura (2004) ។

រូបភាព https://www.cinematerial.com/movies/inu-to-arukeba-chirori-to-tamura-i460471/p/1auoazrj

ខ្សែភាពយន្តនិយាយអំពីតួអង្គឯក Yasuyuki បុរសចិត្តល្អម្នាក់។ គាត់ត្រូវមិត្តស្រីទាត់ចោលចំថ្ងៃរើសបានឆ្កែ Shiba កាត់​មួយ​ក្បាល​ដែលគាត់ដាក់ឈ្មោះថា Tamura ។ បុរសរកឃើញភាពស្រដៀងគ្នារវាងឆ្កែតូចឆ្លាតវៃមួយក្បាល​នេះប្រហែលពួកគេទាំងពីរសុទ្ធតែត្រូវមនុស្សសំខាន់បោះបង់ចោល។ ទោះបីជា Yasuyuki គ្មានការងារធ្វើមិនអាច​ចិញ្ចឹមខ្លួនក៏គាត់នៅតែសម្រេចចិញ្ចឹមសត្វឆ្កែនេះដែរ។ ដោយសារព័ត៌មានដែលគាត់ទទួលបានពីកន្លែងបណ្តុះ​បណ្តាល​ឆ្កែជំនួយដល់ការព្យាបាល ហើយសម្រេចនាំ Tamura ទៅដល់ទីនោះ។ នាយកនៅទីនោះរំភើបចិត្តចំពោះ​ក្តី​ស្រលាញ់​របស់ពួកគេទាំងពីរ ដូច្នេះផ្តល់កន្លែងស្នាក់នៅ និងការងារដល់ពួកគេ។ ទាំងមនុស្ស និងសត្វឆ្កែ​រក​ឃើញា​ការ​ងារ​ថ្មី​ធ្វើជាអ្នកជំនួយ​ដល់ការព្យាបាល។ 

Sacchan