ក្រសួងការបរទេសសហរដ្ឋអាមេរិកប្រកាសចំណាត់ថ្នាក់នៃការ​ជួញដូរមនុស្សក្នុងនោះមានប្រទេសជប៉ុន

ជារៀងរាល់ឆ្នាំក្រសួងការបរទេសសហរដ្ឋអាមេរិកនឹងផ្សព្វផ្សាយរបាយការណ៍ស្តីពីការជួញដូរមនុស្ស។ របាយការណ៍កាល​ពី​ឆ្នាំ​មុន​ទើប​តែ​ត្រូវបានប្រកាសនៅថ្ងៃទី ២៥ ខែមិថុនា។

រូបភាព https://www.excite.co.jp/news/article/Buzzap_64523/?utm_source=news_i&utm_campaign=fromapp&utm_medium=mail

ប្រជាជនជប៉ុនភាគច្រើនមិនចាប់អារម្មណ៍នឹងរបាយការណ៍នេះទេដោយសារប្រទេសជប៉ុនមិនមែនជាប្រទេសដែល​មាន​ការ​ជួញដូរមនុស្សកើតឡើងញឹកញាប់។ ប៉ុន្តែជាមួយនឹងរបាយការណ៍លើកនេះប្រទេសជប៉ុនបាត់បង់កេរ្តិ៍​ឈ្មោះ​របស់ខ្លួនយ៉ាងធ្ងន់ធ្ងរ។

មូលហេតុមកពីប្រព័ន្ធកម្មសិក្សាបច្ចេកទេសពីបរទេស។ ដូចដែលយើងបានដឹងហើយថាប្រទេសជប៉ុនទទួលស្វាគមន៍​សិក្ខាកាម​បច្ចេកទេស​មួយចំនួនធំមកពីបណ្តាប្រទេសអាស៊ីហើយចំនួនជនបរទេសដែលទៅប្រទេស​ជប៉ុន​តាម​ទម្រង់​នេះ​មាន​ការ​កើនឡើង។ ទោះយ៉ាងណាមានបញ្ហាជាច្រើនកើតឡើងក្នុងប្រព័ន្ធនេះ។

សិក្ខាកាមជាច្រើនត្រូវបង្ខំឱ្យធ្វើការក្នុងបរិយាកាសការងារមិនល្អទទួលបានប្រាក់ឈ្នួលទាប ស្ត្រីជាច្រើនថែមទាំងត្រូវបង្ខំអោយរួម​ភេទ​ឬត្រូវធ្វើការងារក្រោមការសន្យាមុន។ ឆ្នាំនេះចំនួនអ្នកហាត់ការកើនឡើង ៥,៥% បើប្រៀបនឹង​ឆ្នាំ​មុន​ដែលឈានដល់កម្រិតខ្ពស់បំផុតក្នុងរយៈពេល ៤ ឆ្នាំជាប់ៗគ្នា។

ជាពិសេសនៅហុកកៃដូ ៩០% ក្រុមហ៊ុនដែលទទួលយកអ្នកហាត់ការបរទេសត្រូវបានបង្ហាញថាកំពុងប្រតិបត្តិការខុស​ច្បាប់។

ជាក់ស្តែងទម្រង់នេះដូចជាទាសករហើយអ្វីដែលគ្រោះថ្នាក់របបការងារនេះត្រូវបានលើកទឹកចិត្តដោយប្រទេស​ជប៉ុន​នៅទូទាំង​ប្រទេស។ នៅក្នុងរបាយការណ៍ដដែលចេញដោយក្រសួងការបរទេសសហរដ្ឋអាមេរិកក្នុងឆ្នាំ ២០១៦ បង្ហាញថានេះជាការជួញដូរមនុស្សប៉ុន្តែក្រោយរយៈពេល ៤ ឆ្នាំស្ថានការណ៍គ្មានអ្វីផ្លាស់ប្តូរទេ។ ទោះបីជាត្រូវលាតត្រដាង​ក៏​របប​នេះនៅតែបន្តតហើយថែមទាំងពង្រីកថែមទៀត។ អង្គការដែលបញ្ជូនមនុស្សក៏ចូលរួមរៀបចំបំណុល​​សម្រាប់​​សិក្ខាកាម​ធ្វើអោយពួកគេគ្មានផ្លូវដកខ្លួន។

ទោះជាយ៉ាងណារបបបណ្តុះបណ្តាលអ្នកហាត់បការច្ចេកទេសមិនមែនអាក្រក់ទាំងស្រុងទេ ហើយអង្គការពាក់ព័ន្ធក៏មិន​មែន​អាក្រក់​ទាំង​អស់ដែរ។ មានសិក្ខាកាមមួយចំនួនទៅប្រទេសជប៉ុនដោយស្របច្បាប់ ហើយត្រូវបានរាប់​អាន​​ដូច​​ជា​​សមាជិក​​គ្រួសារ​តែមួយ។​ ទន្ទឹមនឹងនេះក៏មានសហជីព ក្រុមហ៊ុន ថ្នាក់លើជាច្រើនអាក្រក់ផងដែរ។

នៅពេលនោះបញ្ហាតម្រូវឱ្យមានដំណោះស្រាយយ៉ាងតឹងរឹងពីរដ្ឋាភិបាលជប៉ុន។ មិនត្រឹមតែប៉ុណ្ណឹងអ្នកដែលចង់​ទៅ​​ប្រទេស​ជប៉ុន​ក្នុងនាមជាសិក្ខាកាមសូមពិចារណាដោយយកចិត្តទុកដាក់ជ្រើសរើសស្ថាប័នដែលមានកេរ្តិ៍ឈ្មោះ។ ក្រៅពីនេះត្រូវពិចារណាផងដែរថាតើជំនាញដែលបានរៀនបន្ទាប់ពីកម្មសិក្សាអាចប្រើបានពេលត្រលប់ទៅប្រទេសវិញ​ដែរ​ឬ​ទេ?

កុំដោយសារតែប្រាក់ហើយជ្រើសយកផ្លូវនេះដើម្បីងាយទទួលបានទិដ្ឋាការឬគ្រាន់តែចង់ទៅជប៉ុនលេង។ សូមគិតអោយ​​ច្បាស់​​ព្រោះ​​ជប៉ុន​​ក៏មានមនុស្សអាក្រក់ច្រើនដែរ។

នោះជាជីវិតដ៏មានតម្លៃរបស់អ្នក អ្នកត្រូវគិតអោយបានច្បាស់ មានទំនួលខុសត្រូវ និងការពារខ្លួនអ្នកកុំអោយក្លាយជាជនរងគ្រោះនៃការជួញដូរមនុស្ស។ ជាការពិតណាស់ក្រុមហ៊ុនដែលខុសច្បាប់ក៏ត្រូវតែលុបបំបាត់ ប៉ុន្តែដំបូង​​បង្អស់​​ដើម្បី​ខ្លួនឯងត្រូវប្រុងប្រយ័ត្ន។

ក្នុងករណីមានបញ្ហាជាមួយក្រុមហ៊ុនគ្រប់គ្រងត្រូវចាំថាអ្នកមិននៅម្នាក់ឯងទេ។ សូមពិនិត្យសេវាកម្មប្រឹក្សាដែលមាននៅក្នុងតំបន់ការ​ងារ​របស់អ្នក ស្វែងរកជំនួយពីស្ថានទូត ហើយទោះបីមានអ្វីកើតឡើងក៏ដោយកុំរត់គេច។ ប្រសិន​​បើ​​អ្នករត់គេចខ្លួនអ្នកត្រូវរស់នៅដោយខុសច្បាប់ហើយបន្ទាប់មកអ្នកនឹងត្រូវទទួលរងផលវិបាក។ ទោះ​បីអ្នកជាជនរង​គ្រោះតែបើរស់នៅដោយខុសច្បាប់វានឹងធ្វើអោយអ្វីៗកាន់តែអាក្រក់ទៅៗ។

Kengo Abe