រឿងនិទានក្មេងប្រុស​ផ្លែ​ប៉េស​និយាយ​ពី​ល្បិច​របស់ Momotaro ដែល​ជា “មនុស្ស​អាក្រក់”

នៅលើពិភពលោកមានរឿងនិទានសម្រាប់កុមារជាច្រើន។ នៅពេលយើងធំដឹងក្តីជួនកាលងាកមកមើលរឿងពី​មុន​ហើយមាន​​អារម្មណ៍​​ថា​ គួរ​​អោយ​​អស់​សំណើច។ ព្រោះតែនៅក្នុងជីវិតពិតភាពសុចរិតមិនមែនតែងតែយកឈ្នះអំពើអាក្រក់នោះ​ទេ​ ប៉ុន្តែតាម​ពិត​គ្មានព្រំដែនច្បាស់រវាងអ្វីដែលអាក្រក់ និងល្អនោះ​ទេ។ ទោះជាយ៉ាងណា កាលពីក្មេងយើងតែង​ចូល​ចិត្ត​​រឿង​​និយាយ​​ពី​វីរបុរស។

ក្នុងប្រវត្តិរឿងនិទានជប៉ុន មានរឿងល្បីៗជាច្រើន មិនត្រឹមតែនៅក្នុងប្រទេសប៉ុណ្ណោះទេ ថែមទាំងល្បីជុំវិញពិភព​លោក​​ផងដែរ។ ក្នុង​ចំណោម​នោះ​មាន​រឿង​ក្មេងប្រុសផ្លែប៉េស Momotaro ។

រូបភាព https://mag.japaaan.com/archives/121965

រឿងនេះនិយាយអំពីប្តីប្រពន្ធចំណាស់គ្មានកូន។ នៅពេលស្ត្រីជាប្រពន្ធកំពុងបោកសម្លៀកបំពាក់តាមមាត់ទន្លេស្រាប់​តែមានផ្លែប៉េសធំរមៀលមក។ គាត់យកទៅផ្ទះពុសជាពីរស្រាប់តែលេចចេញក្មេងប្រុសម្នាក់។ ប្តីប្រពន្ធចំណាស់​ចិញ្ចឹម​បី​បាច់ដូច​កូនប្រុសរបស់ខ្លួន រហូតដល់ធំឡើងក្មេងប្រុសបានសម្លាប់បិសាចមានគុណសម្បតិ្តធំ។ និយាយ​អោយខ្លី Momotaro តំណាងអោយតួអង្គវីរបុរស។

តើបិសាចធ្វើអ្វីបានជាទទួលលទ្ធផលបែបនេះ? តាំងពីក្មេងមកយើងត្រូវបានបង្រៀនថាពួកព្រាយបិសាចបំផ្លាញស្រែ​ចម្ការ លួច​ទ្រព្យ​សម្បតិ្ត និងចាប់ជំរិតមនុស្សស្រី បង្ករឿងអាក្រក់ជាច្រើន។

ប៉ុន្តែពេលខ្ញុំមើលពីប្រភពរឿងនេះខ្ញុំរកឃើញចំណុចដែលគួរអោយចាប់អារម្មណ៍។ អំពើអាក្រក់របស់ព្រាយបិសាចត្រូវបានបន្ថែមក្រោយសម័យ Meiji ប៉ុណ្ណោះ។ មុននោះគោលបំណងទៅសម្លាប់បិសាចរបស់ Momotaro ព្រោះចង់បាន​កំណប់​ដែលបិសាចមាន។

បើដូច្នេះ Momotaro មិនមែនតំណាងឱ្យមនុស្សសុចរិតឡើយ តាមពិតទៅដូចជាចោរប្លន់មែនទេ?

ប្រហែលមកពីពួកគេមិនចង់អោយក្មេងៗយកតម្រាប់តាមអំពើអាក្រក់នេះ ទើបគេបន្ថែមចំណុចបិសាចធ្វើរឿងអាក្រក់​​ជា​​ច្រើន។

អ្នកនិពន្ធល្បីឈ្មោះ Ryunosuke Akutagawa បានកែសម្រួលរឿងក្មេងប្រុសផ្លែប៉េសក្នុងសៀវភៅ ជាមួយនឹងការសន្ទនា​​រវាង Momotaro និង​បិសាច​ខាងក្រោម។

បិសាច៖ ប្រាប់អោយយើងដឹង យើងបានធ្វើអ្វី ហេតុអ្វីឯងចង់យកឈ្នះយើង?

Momotaro ៖ ព្រោះខ្ញុំចង់ត្រួតត្រាកន្លែងនេះ។

Momotaro ក្នុងកំណែមួយច្បាប់មានឥទ្ធិពលខ្លាំងក្លា តើមនុស្សអាក្រក់គឺជា Momotaro ឬ?

និយាយអំពីបិសាចពួកវាបង្ហាញខ្លួនច្រើនក្នុងរឿងនិទាន ប៉ុន្តែក៏មានភស្តុ​តាង​បង្ហាញថា បិសាចមានក្នុងជីវិត​ពិត​ដែរ។

តាំងពីបុរាណកាល ជប៉ុនជាប្រទេសកោះដាច់ស្រយាលមិនបើកទំនាក់ទំនងជាមួយបរទេសទេ ដូច្នេះកម្រឃើញវត្តមានជនបរទេសនៅក្នុងប្រទេសណាស់ ប៉ុន្តែបែរជាមានកំណត់ត្រារបស់បុរសស្បែកសម្នាក់។ ឬអាចនិយាយបាន​ថា​នេះជាបុរសមកពីប្រទេសលោកខាង​លិច​ ជិះ​ទូក​ហើយត្រូវកម្តៅថ្ងៃបានជាស្បែកប្រែពណ៌ក្រហម បន្ទាប់​មក​ចត​នៅ​ឆ្នេរ​​សមុទ្រ​​ជប៉ុន ​ដូច្នេះអ្នកស្រុកច្រឡំថាគាត់ជាបិសាច។

រូបភាពបង្ហាញពីបុរសសាច់ដុំខ្ពស់ដែលមានភ្នែកពណ៌ខៀវ និងសក់ពណ៌ទង់ដែង។

រូបភាព https://www.city.fukuchiyama.lg.jp/site/promotion/20660.html

តាមពិតជាបុរសមកពីប្រទេសលោកខាងលិចម្នាក់។

មនុស្សដែលវង្វេងផ្លូវមិនចេះភាសាដូច្នេះត្រូវឡើងភ្នំលាក់ខ្លួន។ ប្រហែលជាអ្នកស្រុកក្នុងភូមិយល់ច្រឡំបុរសនេះជាបិសាច ហើយ​ចាប់​តាំង​ពី​ពេល​នោះផ្សព្វផ្សាយពាក្យចចាមអារ៉ាមមិនល្អ។

ប្រសិនបើវិនិច្ឆ័យអំពីរឿងនេះជាការពិត Momotaro ទើបជាអ្នកខុស។

Kengo Abe