ដំណើរស្វែងរកទីតាំងដែលមានពិតក្នុងពិភពរឿងគំនូរជីវចលរបស់ Ghibli

តើអ្នកចូលចិត្តរឿងគំនូរជីវចល Ghibli ដែរទេ? ស្ទូឌីយោរឿងគំនូរជីវចល Ghibli បានផលិតនូវស្នាដៃពិសេសជាច្រើន និងល្បីល្បាញទូទាំងពិភពលោក ហើយក៏ត្រូវគេចាត់ទុកជាតំណាងវិស័យផលិតខ្សែភាពយន្តគំនូរជីវចលជប៉ុនដែរ។

ថ្ងៃនេះខ្ញុំចង់ណែនាំអ្នកអំពីទីកន្លែងដែលមានពិតក្នុងឈុតឆាករឿងរបស់ Ghibli ។

ប្រសិនបើអ្នកទៅដល់កន្លែងទាំងនេះអ្នកប្រហែលជាអាចរកឃើញផ្លូវចូលទៅកាន់ពិភព Ghibli ក៏ថាបាន។

ជ្រលងខ្យល់ Nausicaa

រូបភាព https://www.flickr.com/photos/travelingmipo/29781403774

ត្រង់ចំណុចនេះនិយាយពីការសន្ទនាជាមួយធម្មជាតិដែលក្នុងនោះមនុស្សជាអ្នកដែលបំផ្លាញផែនដី ហើយក៏ព្យា​យាម​បន្សុទ្ធ​ផែន​ដីផង​ដែរ។ ភ្នំមួយនៅ Pakistan មានជ្រលងភ្នំឈ្មោះថា Hunza នៅនិទាឃរដូវផ្ការីកផ្កាស្គុះស្គាយ។ អ្នកអាច​ទៅ​ដល់​កន្លែង​នេះបន្ទាប់ពីឆ្លងកាត់ផ្លូវភ្នំចោតដែលជាឈុតឆាកស្រដៀងក្នុងរឿង “Nausicaä of the Valley of the Wind” ។

Laputa: Castle in the Sky

ខ្លឹមសារនិយាយពីក្មេងប្រុស និងក្មេងស្រីឆ្ពោះទៅរកវិមានលើអាកាស Laputa ក្នុងរឿងព្រេងនិទាន។

ទីកន្លែងនេះមិនប្រាកដថាអណ្តែតលើមេឃទេប៉ុន្តែវាមើលទៅដូចជាកំពុងអណ្តែតដែរ។ នេះជាបន្ទាយថ្ម Sigiriya ដែល​ជា​កន្លែង​ទេសចរណ៍​នៅ Sri Lanka ។

នៅមានកន្លែងមួយគឺប្រាសាទ Beng Mealea ស្ថិតនៅក្នុងព្រៃជិតប្រាសាទអង្គរវត្តនៃប្រទេសកម្ពុជា។ អារម្មណ៍ចាស់​​បុរាណ​​ដូចជាអ្វីដែលអ្នកបានឃើញក្នុងខ្សែភាពយន្ត។

រូបភាព https://justsiemreap.com/temple-guide/beng-mealea/

នៅខាងក្នុងប្រាសាទ Laputa ត្រូវបានបំផុសគំនិតដោយកន្លែងមួយឈ្មោះថា Tomoga-shima ស្ថិតនៅ Wakayama ។

រូបភាព https://allabout-japan.com/en/article/4278/

Holy Land Machu Picchu ស្ថិតនៅ Peru ប្រទេសអាមេរិកខាងត្បូងក៏មើលទៅប្រហាក់ប្រហែលរូបភាពក្នុងខ្សែភាព​យន្ត​នេះ។

រូបភាព https://www.bangkokpost.com/world/1832754/peru-to-plant-one-million-trees-around-machu-picchu

My Neighbor Totoro 

ប្រសិនបើអ្នកធ្លាប់មើលរឿងនេះប្រាកដជាយល់ថាផ្ទះនេះដូចឈុតឆាកក្នុងខ្សែភាពយន្ត។ តាមពិតនេះជាអគារមួយដែល​ត្រូវ​បាន​សាង​សង់​ឡើង​ដើម្បី​ធ្វើ​ជា​កន្លែង​ពិព័រណ៍ Aichi ក្នុងឆ្នាំ ២០០៥ ។

រូបភាព https://www.pinterest.ca/pin/583145851721743191/

មិនដូចជាទីតាំងដែលបានរៀបរាប់ខាងលើទេ ទីកន្លែងសិប្បនិម្មិតនេះកសាងដោយផ្អែកលើគំរូដើមក្នុងរឿង Anime ដូច្នេះ​ដូច​គ្នា​ក៏​មិនមែនជារឿងចម្លែកដែរ។

បច្ចុប្បន្នផ្ទះនេះស្ថិតនៅ Nagoya អ្នកគាំទ្រ Totoro អាចឆ្លៀតទៅទស្សនាបាន។

ប្រសិនបើអ្នកចូលចិត្តទេសភាពដ៏ស្ងប់ស្ងាត់ក្នុងភូមិរបស់ខ្សែភាពយន្តអ្នកអាចទៅដល់ភ្នំ Sayama ដែលជាកន្លែងធម្មជាតិ​ចម្ងាយ​ពី Tokyo Ikebukuro រយៈពេល ១ ម៉ោងធ្វើដំណើរ។

រូបភាព https://www.travel.co.jp/guide/article/10559/

Kiki’s Delivery Service

ប៉មនាឡិកានៅ Adelaide ស្ថិតនៅភាគខាងត្បូងប្រទេសអូស្ត្រាលីស្រដៀងនឹងប៉មនាឡិកាដែលប៉េងប៉ោងនោះជាប់​ក្នុង​ឈុត​ចុង​ក្រោយ​នៃខ្សែភាពយន្ត។

រូបភាព https://www.tripadvisor.jp/ShowUserReviews-g255060-d14014107-r587956985-Paddington_Library-Sydney_New_South_Wales.html

ប្រសិនបើអ្នកចូលចិត្តទេសភាពទីក្រុងជាកន្លែងក្មេងស្រី Kiki រស់នៅ អ្នកអាចទៅដល់ Godland ដែលជាកោះធំបំផុត​របស់​ប្រទេស​ស៊ុយ​អែត។ ដំបូលប្រក់ក្បឿងពណ៌ទឹកក្រូចតំរៀបជាប់គ្នាដូចឈុតឆាកក្នុងរឿង។

រូបភាព https://www.ryugaku-voice.com/se_ht-takkyubin.html

Porco Rosso 

ចំពោះខ្ញុំផ្ទាល់ចូលចិត្តស្នាដៃនេះ។ ប្រសិនបើអ្នកចូលចិត្តកន្លែងដែលមានក្នុងខ្សែភាពយន្តអាចទៅដល់ Dubrovnik ទីក្រុង​ស្ថិត​នៅ​ភាគ​អាគ្នេយ៍​នៃប្រទេស Croatia ។

រូបភាព https://en.wikivoyage.org/wiki/Dubrovnik-Neretva

ប្រសិនបើបច្ចុប្បន្នអ្នករស់នៅប្រទេសជប៉ុនអ្នកអាចទៅ Shimoda, Izu, Shizuoka ដែលស្រដៀងនឹងកន្លែងលាក់ខ្លួន​របស់​តួឯក Porco Rosso ក្នុងខ្សែភាពយន្ត។

រូបភាព https://oyamax.com/ryugu/

ទីកន្លែងមួយនៅ Zakynthos ជាកោះដាច់ស្រយាលនៃប្រទេសក្រិកដែលអ្នកអាចមើលទេសភាពសមុទ្រទាំងមូលដូច​ឈុត​ឆាក​មាន​ក្នុង​ខ្សែភាពយន្ត Anime ។

ព្រះនាង Mononoke

រូបភាព https://japan-magazine.jnto.go.jp/en/1503_yakushima.html

Yakushima, Kagoshima ជាកន្លែងមួយដែលផ្តល់អោយអ្នកនូវអារម្មណ៍ពីដើមជាមួយនឹងព្រៃពណ៌បៃតងខៀវស្រ​ងាត់។ ក្រៅ​ពី​នេះ​អ្នក​អាចទៅដល់ភ្នំ Shirakami មានទីតាំងស្ថិតនៅព្រំដែនរវាង Akita និង Aomori ។

Spirited Away

កន្លែងនេះគឺ Shima Onsen នៅ Gunma តើអ្នកនៅចាំស្ពានក្រហមនេះទេ?

រូបភាព https://taiken.co/single/shima-onsen-spirited-away-in-a-hot-spring/

នៅភាគឦសាននៃទីក្រុងតៃប៉ិកោះតៃវ៉ាន់ក៏មានទីតាំងស្រដៀងឈុតឆាកក្នុងរឿងដែរ។

ហាងលក់សម្ភារៈការិយាល័យមានតាំងពីសម័យ Meiji ក្រោយមកត្រូវគេផ្លាស់ទៅ Edo Tokyo Tatenoen នៅ Koganei ទីក្រុង​តូក្យូ​បង្ហាញ​ពី​បន្ទប់​គ្រប់​គ្រង​ផ្ទះសំណាក់ជ្រោះទឹកក្តៅ។

Ponyo លើច្រាំងថ្ម

តើអ្នកនៅចាំរលកយក្សស៊ូណាមិវាយប្រហារក្នុងរឿង Anime ដែរទេ? ទិដ្ឋភាព Tomonoura នៅ Hiroshima ស្រ​ដៀង​នឹង​ឈុត​ដែល​បានបង្ហាញនៅក្នុងខ្សែភាពយន្ត។

សង្ឃឹមថាអត្ថបទខាងលើអាចផ្តល់ជាបទពិសោធសម្រាប់កន្លែងធ្វើដំណើរកំសាន្តរបស់អ្នកនាពេលអនាគត។ ពេល​មើល​រឿង Anime តើ​អ្នក​ស្គាល់​កន្លែង​ណាដូចទីតាំងដែលធ្លាប់បានទៅទេ? ខ្ញុំផ្ទាល់គិតថាកន្លែងភាគច្រើនស្ថិត​នៅ​ប្រទេស​ជប៉ុន ប៉ុន្តែ​វា​បែរ​ជា​នៅ​បរទេស​ទៅវិញ។

Kengo Abe