HONDA JET – ក្តីស្រមៃផលិតយន្តហោះរបស់បុរសពីរនាក់បានក្លាយជាការពិត

នៅពេលនិយាយពី HONDA ជាឈ្មោះក្រុមហ៊ុនផលិតម៉ូតូដែលមនុស្សភាគច្រើនស្គាល់។ លើសពីនេះក្រុមហ៊ុន HONDA មាន​ភាពល្បីលើពិភពលោកជាមួយនឹងសេ៊រីរថយន្ត។ ស្ថាបនិកក្រុមហ៊ុន HONDA គឺលោក Honda Soichiro ។

គាត់និយាយថាកាលពីអាយុ ១០ ឆ្នាំខ្ញុំមានក្តីស្រមៃចំពោះយន្តហោះ។

ដោយសារតែក្តីស្រមៃគាត់ហ៊ានជិះកង់ទៅអាកាសយានដ្ឋានដែលមានចម្ងាយ ២០ គីឡូម៉ែត្រដើម្បីមើលការសម្តែងយន្ត​ហោះ​របស់​អ្នក​បើក​យន្ត​ហោះ​ជនជាតិអាមេរិក។ នៅពេលនោះគាត់គេចសាលាទៅម្នាក់ឯងដោយមិនប្រាប់ឪពុក​ម្តាយ​ឡើយ។

រូបភាព https://ja.wikipedia.org/wiki/曲技飛行隊

នៅទីបំផុតក្មេងប្រុសម្នាក់អាយុ ១០ ឆ្នាំអាចញញឹមយ៉ាងពេញចិត្តដោយសារភាពជោគជ័យរបស់យន្តហោះម៉ាក HONDA ដែលត្រូវបានផលិតដំបូង និងដាក់លើទីផ្សារ។ អ្នកដែលរួមចំណែកក្នុងការបង្កើតនេះគឺលោក Fujino Michimasa គាត់ជានាយកក្រុមហ៊ុន Honda Air Craft Company ផ្នែកផលិតយន្ដហោះនៃក្រុមហ៊ុន HONDA ។

គាត់កើតនៅឆ្នាំ ១៩៦០ បញ្ចប់ការសិក្សានៅមហាវិទ្យាល័យអាកាសចរណ៍ផ្នែកវិស្វកម្មនៃសាកលវិទ្យាល័យតូក្យូ។ កាល​ពី​នៅក្មេងគាត់រស់នៅក្នុងទីក្រុង Hirosaki ខេត្ត Aomori ផ្ទះគាត់ស្ថិតក្នុងតំបន់សម្រាប់មន្រ្តីរដ្ឋាភិបាល។ ព្រោះ​តែ​ចំណូល​ចិត្តចំពោះយន្តហោះគាត់តែងតែបត់យន្តហោះក្រដាសហើយទម្លាក់វាពីលើដំបូល។ គាត់ថែមទាំងគិត​ពី​វិធី​ធ្វើ​អោយយន្តហោះក្រដាសអាចហោះហើរបានយូរ។

ដូចជា Soichiro ក្តីស្រមៃរបស់ Fujino ចូលចិត្តយន្តហោះ ប៉ុន្តែនៅឆ្នាំ ១៩៨៤ គាត់ចូលរួមជាមួយក្រុមហ៊ុន HONDA ព្រោះចង់ផលិតរថយន្ត។ បញ្ចប់ការសិក្សាពីមហាវិទ្យាល័យអាកាសចរណ៍តែគួរអោយស្តាយដោយ​សារ​ការបរាជ័យរបស់ជប៉ុនក្នុងសង្គ្រាមលោកលើកទី ២ ឧស្សាហកម្មយន្តហោះត្រូវដួលរលំ ហើយមិនអាចងើបឡើង​វិញ​រយៈ​ពេល​យូរ។

ដោយគិតថាក្តីស្រមៃត្រូវរលាយបន្ទាប់ពីចូលក្រុមហ៊ុនរយៈពេល ២ ឆ្នាំគាត់អាចចូលរួមក្នុងគម្រោងផលិតយន្តហោះរបស់​ក្រុមហ៊ុន។ អ្នកដែលចូលរួមក្នុងគម្រោងសុទ្ធតែជាយុវជនដែលមានអាយុ ២០ ឆ្នាំ។

ជាមួយនឹងគោលបំណងចង់ផលិតយន្តហោះដែលមិនធ្លាប់មានពីមុនមកលើពិភពលោក ប៉ុន្តែមិនមែនអ្នកទាំងអស់គ្នាសុទ្ធតែមានបទពិសោធក្នុងវិស័យអាកាសចរណ៍នោះទេ សូម្បីតែលោក Fujino ក៏ត្រឹមតែរៀនទ្រឹស្តីនៅសាកល​វិទ្យាល័យ​មិន​ធ្លាប់អនុវត្តជាក់ស្តែងទេ។

រយៈពេលជាង ១០ ឆ្នាំក្នុងដំណើរការសាកល្បង និងផលិតមានសមាជិកជាច្រើនបោះបង់ពាក់កណ្តាលផ្លូវហើយស្នើ​សុំ​វិល​ត្រឡប់​ទៅ​ផ្នែក​រថយន្ត​វិញ នៅទីបំផុតយន្តហោះ​ដែល​មាន​រចនាសម្ព័ន្ធទូទៅបានសម្រេច ប៉ុន្តែជាអកុសល​រញ្ជួយ​ដី​កើត​ឡើង។

ចំណាយពេល ១០ ឆ្នាំសម្រាប់ស្រាវជ្រាវតែអ្វីៗទាំងអស់បែរជាបាត់បង់ពេលគ្រោះមយន្តរាយកើតឡើង ហើយក្រុមទាំង​​មូល​​ត្រូវ​ត្រលប់​ទៅធ្វើ​ឡើង​វិញ។ ប៉ុន្តែបទពិសោធដ៏មានតម្លៃដែលលោក Fujino ទទួលបានក្នុងរយៈពេល ១០ ឆ្នាំ​កន្លង​មកពិតជាគួរឱ្យសរសើរណាស់។ អ្នកផលិតយន្តហោះនៅសហរដ្ឋអាមេរិកបានសរសើរចំពោះការខិតខំប្រឹងប្រែង​​ទាំង​​នេះ​​ហើយ​អញ្ជើញគាត់អោយចូលក្រុមហ៊ុនរបស់ពួកគេ។

ប៉ុន្តែគាត់តែងតែបដិសេធព្រោះគាត់ដឹងពីកម្រិតសមត្ថភាពរបស់ខ្លួនហើយមានទំនុកចិត្ត។

នៅឆ្នាំ ១៩៩៧ ពេលដែលលោក Fujino ហៀបនឹងចូលគេងស្រាប់តែគិតឃើញគំនិតមួយ។

ឧបមាថាប្រសិនបើខ្ញុំដាក់ម៉ាស៊ីនយន្តហោះលើស្លាបនឹងទៅជាយ៉ាងណា?

ជាទូទៅចំពោះយន្តហោះខ្នាតតូចម៉ាស៊ីនត្រូវបានតំឡើងនៅផ្នែកខាងក្រោយដើម្បីរក្សាតុល្យភាពយន្តហោះ ដូច្នេះមើល​ទៅ​មាន​ទំហំតូច។

រូបភាព https://www.honda.co.jp/jet/gallery/

រូបភាព https://response.jp/article/2011/08/19/161052.html

ជាទូទៅបើអ្នកដាក់ម៉ាស៊ីនលើស្លាបយន្តហោះខ្សល់អាចនឹងបង្កការប៉ះពាល់ ប៉ុន្តែលោក Fujino បានរកឃើញទីតាំង​ល្អ​បំផុត​ជា​ពិសេស​កន្លែងដែលខ្សល់មិនកើនឡើង។ គាត់ពិតជាចូលចិត្តយន្តហោះ HONDA ហើយហៅវាថា M. M មានន័យថា Man maximum, Machine Minimum ។

ផ្នែកខាងក្នុងរថយន្តមានទំហំធំទូលាយនេះជាលក្ខណៈពិសេសរបស់ម៉ូដែល HONDA ។ ដូច្នេះក្រុមហ៊ុនក៏កំពុងពង្រីក​​ទំហំ​​ដូច​ដែលអ្នកបានឃើញក្នុងរូបភាព។

ព្រោះតែគោលបំណងគម្រោងផលិតយន្តហោះខុសពីយន្ដហោះធម្មតា ដូច្នេះមានពេលខ្លះអ្នកដទៃអាក់អន់ចិត្តហើយមាន​បំណង​​បញ្ឈប់​​គម្រោង​នេះ។ ប៉ុន្តែមានតែលោក Fujino អាយុ ៣៧ ឆ្នាំក្នុងកិច្ចប្រជុំសម្រេចថាបន្តគម្រោង​ទោះមានតែម្នាក់​ឯង។

ដោយធ្វើតែម្នាក់ឯងជួនកាលគាត់ត្រឡប់មកផ្ទះវិញហើយប្រាប់ប្រពន្ធថា “ខ្ញុំប្រហែលជាចេញពីក្រុមហ៊ុននៅសប្តាហ៍​ក្រោយ” ។

ប៉ុន្តែជាក់ស្តែងគាត់មិនដែលបោះបង់ និងបន្តគម្រោងរហូត។

រូបភាព https://news.yahoo.co.jp/byline/yasuitakayuki/20180609-00086216/

ក្រោយរយៈពេល ២០ ឆ្នាំកន្លងផុតទៅការខិតខំរបស់លោកត្រូវបានតបស្នង។ យន្តហោះ HONDA JET អាចហោះនៅលើអាកាសនៅប្រទេសជប៉ុន។

តាមពិតទៅ HONDA JET ចាប់ផ្តើមលក់អោយសហរដ្ឋអាមេរិកកាលពី ២ ឆ្នាំមុន ប៉ុន្តែអារម្មណ៍មើលឃើញ​យន្ដ​ហោះ​នេះ – កម្មសិទ្ធិ​បញ្ញារបស់ជនជាតិជប៉ុនដែលកំពុងហោះលើទឹកដីរបស់ខ្លួនពិតជារំភើបខ្លាំងណាស់។

មានរឿងមួយនិយាយថាពេលលោក Fujino អាយុ ៣០ ឆ្នាំគាត់មើលឃើញ Honda Soichiro ក្នុងបន្ទប់ទឹករបស់បន្ទប់​ស្រាវ​ជ្រាវ។

នៅពេលនោះគម្រោងរបស់លោក Fujino មិនទាន់ត្រូវបានផ្សព្វផ្សាយនៅឡើយសូម្បីតែ Honda Soichiro ដែលចូល​និវត្តន៍​ក៏មិនដឹងដែរ។

គាត់ពិតជាគោរពលោក Soichiro ហើយចង់ប្រាប់លោកអោយដឹង ប៉ុន្តែលោក Fujino អត់ធ្មត់។ នោះក៏ជាកម្លាំងជំរុញគាត់ធ្វើយន្តហោះ និងបង្ហាញលទ្ធផលអោយលោក Soichiro បានឃើញ។ ប៉ុន្តែជាអកុសលប៉ុន្មានឆ្នាំក្រោយ​មក​លោក Soichiro ទទួល​មរណៈ​ភាព។

បុរសពីរនាក់ដែលមានក្តីស្រមៃផលិតយន្តហោះបានធ្វើអោយ HONDA JET ទទួលជោគជ័យ។

ទន្ទឹមនឹងនេះក្រុមហ៊ុន HONDA JET ក៏ក្លាយជាយន្តហោះដឹកអ្នកដំណើរខ្នាតតូចដែលលក់ដាច់ជាងគេក្នុងចំណោម​យន្ត​ហោះក្នុងឆ្នាំ ២០១៨ និង ២០១៩។ ក្រៅពីម៉ូតូ និងរថយន្ត HONDA កំពុងពង្រីកចំណែកទីផ្សាររបស់ខ្លួន​ក្នុង​វិស័យអាកាសចរណ៍។ យើងនឹងទន្ទឹងរង់ចាំភាពភ្ញាក់ផ្អើលបន្តរបស់ក្រុមហ៊ុន HONDA ជាមួយពាក្យស្លោក​ថា “អំណាច​នៃ​ក្តី​ស្រមៃ”។

Kengo Abe