គោលបំណងឈានមុខគេលើពិភពលោក – ប្រទេសជប៉ុនបើកដំណើរការកុំព្យូទ័រទំនើបដោយផ្អែកលើរូបភាពភ្នំហ្វូជីជាតំណាង

បច្ចុប្បន្នកំព្យូទ័រត្រូវបានតំឡើងអោយមានមុខងារច្រើនដើម្បីប្រកួតប្រជែងគ្នាទូទាំងពិភពលោក។ ជប៉ុននឹង​ដណ្តើម​តំណែង Supercomputer ដែលលឿនជាងគេលើពិភពលោកជាមួយនឹងម៉ាសុីន Fugaku ថ្មី។

ម៉ាសុីន Fugaku គឺជាកុំព្យូទ័រទំនើបដែលផលិតនៅប្រទេសជប៉ុនមានតម្លៃប្រហែល ១១០ ពាន់លានយ៉េន ហើយបច្ចុប្បន្ន​កំពុង​ត្រូវ​បាន​កែ​តម្រូវ​ពេញលេញក្នុងឆ្នាំ ២០២១ ។

រូបភាព https://www.kobe-np.co.jp/news/sougou/202006/0013427640.shtml

កុំព្យូរទ័រដែលបង្កើតជា Fugaku មានជំរៅ ១៤០ សង់ទីម៉ែត្រ កម្ពស់ ២២០ សង់ទីម៉ែត្រ និងទទឹង ៨០ សង់ទីម៉ែត្រ។ មាន​ម៉ា​ស៊ីន​ចំនួន ៤៣២ គ្រឿង​តំរៀប​ក្នុង​បន្ទប់ដែលមានទំហំ ៥០ ម៉ែត្រ x ៦០ ម៉ែត្រ ។

ទោះបីជាចំនួនកុំព្យូទ័រមានតែពាក់កណ្តាលបើប្រៀបនឹងកុំព្យូទ័រជំនាន់មុន ប៉ុន្តែកុំព្យួទ័រមាន CPU ចំនួន ៣៨៤ ច្រើន​ជាង ៤ ដង។ សាកគិតមើលថាកុំព្យូទ័រនៅតាមផ្ទះមានស៊ីភីយូតែមួយ ចំណែកនេះមានរហូតដល់ទៅ ៣៨៤ ដំណើរ​ការ​ក្នុង​ពេល​តែមួយ។

មូលហេតុដែលត្រូវការកុំព្យូទ័រមានមុខងារខ្ពស់ដោយសារម៉ាសុីនត្រូវធ្វើការពិសោធន៏ទ្រង់ទ្រាយធំ។

Supercomputer គោលបំណងបង្ហាញពីបរិយាកាសពិភពលោកដើម្បីព្យាករណ៍ការខូចខាតដែលបណ្តាលមកពីព្យុះ និង​រញ្ជួយ​ដី។ ទោះយ៉ាងណាក្នុងពេលបច្ចុប្បន្ននេះ Supercomputer ត្រូវបានប្រើសម្រាប់ព្យាករណ៍ពីការរីករាលដាលនៃ​ជំងឺកូវីដ-១៩ ។

ឈ្មោះរបស់ម៉ាសុីនត្រូវបានគេដាក់ដោយផ្អែកលើភ្នំហ្វូជី Logo ដែលប្រើក៏ជារូបភាពភ្នំហ្វូជីដែរ។

ផ្ទៃមេឃ និងភ្នំមានពណ៌ខៀវភ្លឺថ្លាស្រស់ស្អាតណាស់មែនទេ? មិនត្រឹមតែពណ៌សូម្បីតែតែប្រធានបទរចនាក៏ជារូបភាព​របស់​ភ្នំ​ហ្វូជី​ផងដែរ។

មុខងារព្យាករណ៍មានលក្ខណៈពិសេស លើសពីនេះ Fugaku ថែមទាំងមានសមត្ថភាពប្រើប្រាស់ច្រើនប្រភេទ។ សូម្បី​តែ​ភាព​បត់​បែន​នៃ​កម្ម​វិធី​របស់​ស្មាតហ្វូនក៏មិនអាចប្រៀបបាន។

កម្ពស់ភ្នំហ្វូជីតំណាងអោយសមត្ថភាពរបស់កុំព្យូទ័រ ចំណែកទទឹងជើងភ្នំសំដៅលើភាពបត់បែនរបស់វា។ 

ទាំងនេះជាការរកឃើញដែលគួរអោយសរសើររបស់ជនជាតិជប៉ុន។

Kengo Abe