ករណីចាប់ខ្លួនក្មេងស្រីវិទ្យាល័យម្នាក់ដែល​ធ្វើ​ឲ្យ​សង្គម​ជប៉ុន​មានការភ្ញាក់ផ្អើល និង​រោគ​សញ្ញា Stockholm

មនុស្សភាគច្រើនតែងមានការប្រុងប្រយ័ត្ន ប៉ុន្តែខ្ញុំនៅតែរំលឹកឡើងវិញថា៖ ប្រទេសជប៉ុនមិនសុវត្ថិភាពដូចអ្នកគិត​​ទេ។

ករណីដែលលើកឡើងក្នុងអត្តបទនេះកើតឡើងនៅថ្ងៃទី ២៥ ខែវិច្ឆិកាឆ្នាំ ១៩៦៥ ។

នៅថ្ងៃនោះមេឃភ្លៀងខ្លាំង ខ្យល់បក់ខ្លាំងនៅស្ថានីយ៍ Shiinamachi ខ្សែរថភ្លើង Seibu នៃ Toshima ទីក្រុង​តូក្យូ។ ក្មេងស្រីវិទ្យាល័យម្នាក់ឈ្មោះ S អាយុ ១៧ ឆ្នាំត្រូវបុរសម្នាក់វាយប្រហារពីក្រោយ។ ជននោះយក Kutsubera (ស្បែក​ជើង – ឧបករណ៍មានរាងកោងសម្រួលដល់ការពាក់ស្បែកជើង) ធ្វើពុតជាកាំបិត​គំរាម​នាង។

រូបភាព https://www.excite.co.jp/news/article/Tablo_tablo_14735/

ជននោះគំរាមក្មេងស្រីបើមិននៅស្ងៀមនឹងសម្លាប់នាង រួចប្រាប់ឲ្យបើកឆ័ត្របំណងកុំឲ្យ​គេចាប់អារម្មណ៍។ ដោយខ្លាច​ថាវត្ថុគំរាមជាកាំបិតក្មេងស្រី S មិនហ៊ានតបតទេ ដូច្នេះក៏ដើរទៅផ្ទះរបស់ឧក្រិដ្ឋជន។

ជននឹងប្រាប់ក្មេងស្រី S ថា វាឈ្មោះ Hino កំពុងធ្វើការជាអ្នកបកប្រែ ទាំងនោះគ្រាន់តែជាព័ត៌មានក្លែងក្លាយប៉ុណ្ណោះ។ តាមពិតជនចាប់ខ្លួនអាយុ ៤៣ ឆ្នាំ ជាអតីតអនុសេនីយសម័យសង្រ្គាម។ គាត់ធ្លាប់រៀបការតែលែង​លះ​ហើយ​មាន​កូន​ស្រី​ម្នាក់។ ដោយ​សារ​ជន​នោះ​ពូកែភាសាអង់គ្លេសទើបគាត់ធ្វើជាអ្នកមគ្គុទេស​ទេស​ចរណ៍។

ទង្វើរបស់ជនល្មើសកើតឡើងដោយសារឥទ្ធិពលនៃខ្សែភាពយន្តរន្ធត់រឿង The collector ។ ខ្សែភាពយន្តនេះនិយាយ​​​​ពី​​បុរស​​ម្នាក់​ឈ្មោះ Arkin បានចាប់ខ្លួនសិស្សស្រីដ៏ស្រស់ស្អាតម្នាក់លាក់ក្នុងផ្ទះក្រោមដី។ ដើមឡើយ គោល​ដៅ​របស់​​ជន​​ល្មើស​គឺស្ត្រីការិយាល័យ ប៉ុន្តែបន្ទាប់ពីដឹងថា នាងមានផ្ទៃពោះជននោះផ្លាស់ប្តូរគោលដៅ។

ដូចគ្នាដែលជនចាប់ខ្លួនក្មេងស្រី S នាំទៅផ្ទះបិទភ្នែក មាត់ ដាក់ខ្នោះដៃ និងបង្ខំឲ្យអាក្រាតកាយ បន្ទាប់​មក​ជន​នោះ​ចាប់ផ្តើមធ្វើបាបក្មេងស្រី។

រូបភាព https://www.rbbtoday.com/article/2007/02/21/38719.html

នៅថ្ងៃបន្ទាប់ក្មេងស្រី S សុំអង្វរឲ្យ​ដោះខ្នោះដៃ ជននោះក៏ធ្វើតាម។ ជនចាប់ខ្លួនហាក់ដូចជាទន់ភ្លន់ជាងមុន​លើក​លែងពេលបង្ខំឲ្យ​រួមភេទ។ បួនថ្ងៃកន្លងទៅជននោះទុកឲ្យ​ S នៅផ្ទះហើយចេញទៅទិញខោអាវឲ្យនាង។​

ប្រហែល ១០ ថ្ងៃកន្លេងទៅថ្ងៃទី ៤ ខែធ្នូពួកគេទៅជ្រោះទឹកក្តៅជាមួយគ្នានៅទីក្រុង Ito, Shizuoka ។ ហេតុតែមានដំណើរកំសាន្តនេះព្រោះនៅក្នុងផ្ទះជនចាប់ខ្លួនមានអាងទឹកមួយ ក្មេងស្រី S សុំងូតទឹក។ ចាប់តាំងពីដំណើរកំសាន្ត​នេះ​ ទំនាក់ទំនងរវាង S និងជនចាប់ខ្លួនកាន់តែប្រសើរឡើង អាចចាត់ទុកដូចជាសង្សា។ មនុស្សជាច្រើន​​មើល​​ឃើញ​​ពួក​គេទាំងពីរចាកចេញពីផ្ទះមានភាពស្និទ្ធស្នាល។

បន្ទាប់មកជននោះរៀបចំផ្ទះដែលមុននោះស្ទើរតែគ្មានអ្វីសោះ បង្កើតគណនីធនាគារឲ្យ​ S ដាក់ឈ្មោះថា Midori Hino ហើយ​ចាប់​ផ្តើមដាក់ប្រាក់សន្សំចូលក្នុងគណនីនោះ។

ទោះជាយ៉ាងណា នៅថ្ងៃទី ១៨ ខែឧសភា ជននោះត្រូវគេចាប់ខ្លួនដោយសារអ្នកស្គាល់ S មើលឃើញ។ នៅក្នុងការស៊ើប​អង្កេត​របស់ប៉ូលីសជនចាប់ខ្លួនផ្តល់សក្ខីកម្មដូចខាងក្រោម៖

“នៅពេលដែលខ្ញុំដឹងថា S ចេញពីផ្ទះ ដោយសារនៅជិតផ្ទះ ខ្ញុំបានអញ្ជើញនាងមកលេង។ បន្ទាប់មកខ្ញុំនិយាយថាខ្ញុំចង់​រៀប​ការ​ជា​មួយ S ព្រោះនាងដូចប្រពន្ធមុនរបស់ខ្ញុំ” ។

ហើយសក្ខីកម្មរបស់ S មានដូចខាងក្រោម៖

“ពេលភ្លៀងនៅស្ថានីយ៍មានបុរសម្នាក់បាំងឆ័ត្រឲ្យ​ខ្ញុំ ដូច្នេះខ្ញុំក៏ដើរតាមគាត់ទៅផ្ទះ”។

ផ្អែកលើសក្ខីកម្មរបស់អ្នកទាំងពីរសុទ្ធតែកំពុងនិយាយកុហក។

ហេតុអ្វីបានជា S មិនរត់គេចខ្លួនពេលនាងអាចធ្វើបាន។ ប្រព័ន្ធផ្សព្វផ្សាយធ្វើការសន្មត់ជាច្រើន។ តើអ្នកធ្លាប់ឮអំពីរោគសញ្ញា Stockholm ដែរទេ? ទោះបីជារោគសញ្ញានេះកម្រតែអាចកើតឡើង។ នៅពេលនរណាម្នាក់ត្រូវគេចាប់​​ខ្លួន ធ្វើបាប រំលោភបំពាន ត្រឹម​តែអំពើល្អបន្តិចរបស់ជនចាប់ខ្លួនក៏ធ្វើឲ្យ​ជនរងគ្រោះមានអារម្មណ៍ពិសេស​ដូច​ជា​ការអាណិតអាសូរ ឬការពឹងពាក់ខាងផ្លូវចិត្ត។

ប្រសិនបើវិភាគផ្នែកចិត្តសាស្រ្តរបស់ S ក្នុងករណីពិសេសពេលនោះ S ស្ថិតក្នុងស្ថានភាពមិនអាចត្រឡប់ទៅផ្ទះព្រោះ​​រាង​​កាយ​​ត្រូវគេបំពាន។ មិនត្រឹម​តែប៉ុណ្ណឹង ជនល្មើសស្គាល់អាស័យដ្ឋានផ្ទះ និងសាលារៀនរបស់នាង S មាន​អារម្មណ៍​មិនស្ងប់ទោះបីជារត់គេចខ្លួនក៏ដោយ។ ដូច្នេះផ្លូវចិត្តរបស់ S ចាប់ផ្តើមស៊ូទ្រាំមិនចង់ប៉ះពាល់ដល់មនុស្សនៅ​ជុំវិញ។

ចាប់តាំងពីដំណើរកំសាន្តទៅជ្រោះទឹកក្តៅ S បោះបង់គំនិតរត់គេចខ្លួនដោយសម្រេចរស់នៅក្នុងជីវិតថ្មី។ មិនត្រឹម​​តែ​ប៉ុណ្ណឹង​ បុរស​នេះ​ក៏បានទិញខោអាវ និងសន្សំប្រាក់ឲ្យ​នាង។

ករណីនេះត្រូវបញ្ចប់ដោយជនចាប់ខ្លួនត្រូវផ្តន្ទាទោសឲ្យ​ជាប់ពន្ធនាគាររយៈពេល ៦ ឆ្នាំ។ ខ្ញុំផ្ទាល់គិតថា ទណ្ឌកម្មស្រាលពេកហើយ ​ព្រោះ​ជននោះបានបំផ្លាញជីវិតក្មេងស្រីវិទ្យាល័យម្នាក់ទាំងផ្លូវកាយ និងផ្លូវចិត្ត។

អ្នកស្គាល់ជននោះនិយាយថា ធម្មតាជននេះស្លូតបូត ហើយមិននឹកស្មានថា បង្កបញ្ហាបែបនេះទេ។ រឿងនេះ​បង្ហាញ​ថា ក្នុងសង្គមជប៉ុនឧក្រិដ្ឋជននៅតែលាក់ខ្លួនអាចបង្កឲ្យ​មានឧក្រិដ្ឋកម្មធ្ងន់ធ្ងរ ដែលអ្នកមិនអាចនឹកស្មានដល់។ ដូច្នេះ​ពេល​ចេញទៅក្រៅពេលយប់ត្រូវប្រយ័ត្នប្រយែង។

Kengo Abe