តើភាពភ័យខ្លាចរបស់អ្នកដែលរត់គេចខ្លួនទាំងយប់ជាអ្វី?

តើអ្នកស្គាល់ពាក្យ 夜逃げ (Yonige) មានន័យដូចម្តេចទេ? ជាពាក្យសំដៅលើការរត់គេចខ្លួនពេលយប់សម្រាប់មនុស្ស​គ្មាន​លទ្ធភាព​សង​បំណុល ប្រពន្ធត្រូវប្តីធ្វើបាបឬមនុស្សដែលត្រូវគេឃ្លាំមើលដល់ផ្ទះ។ ហេតុតែហៅ​ថា​រត់​​គេច​​ខ្លួន​ទាំង​យប់​ព្រោះ​រត់គេចដោយលួចលាក់មិនចង់អោយគេដឹងមានតែទៅពេលពាក់កណ្តាលអធ្រាត្រ​ប៉ុណ្ណោះ។

រូបភាព https://smart引越し.com/yonige-hikkoshi/

តើអ្នកដឹងទេថាមានមុខរបរជួយដល់ការរត់គេចខ្លួនទាំងយប់ដែរទេ? ជាដំបូងខ្ញុំសូមណែនាំអំពីការងារនេះ។

ជាទូទៅស្រដៀងនឹងសេវាកម្មរើផ្ទះអាស្រ័យលើមូលហេតុការភៀសខ្លួន ពេលវេលា និងវិធីសាស្ត្រមានភាពខុសគ្នា ដូច្នេះ​មុន​ពេល​ដំណើរ​ការ​ផ្នែក​សេវាកម្ម​នឹងនិយាយជាមួយអតិថិជន។

មូលហេតុរត់គេចខ្លួនភាគច្រើនដោយសារអំពើហឹង្សាក្នុងទំនាក់ទំនងស្នេហា ទំនាក់ទំនងគ្រួសារឬគេចបំណុល។ ប្រសិន​បើ​អ្នក​គំរាម​ជា​បុគ្គលិក​ការិយាល័យ​ការរត់គេចខ្លួនត្រូវធ្វើឡើងនៅពេលថ្ងៃល្អជាងពេលយប់។

សេវាកម្មនេះប្រើឡានដឹកទំនិញធុនតូចគ្មានឈ្មោះក្រុមហ៊ុនសម្រាប់ដឹកឥវ៉ាន់។ នៅលើសម្លៀកបំពាក់បុគ្គលិកក៏គ្មានឈ្មោះរបស់ក្រុមហ៊ុនដែរ។ ក្រៅពីនេះសម្លៀកបំពាក់បុគ្គលិកមានពណ៌ស្រគត់ស្រគំកុំអោយមានការចាប់អារម្មណ៍។

រូបភាព https://www.fami-geki.com/detail/index.php?fami_id=02835

កំឡុងពេលរត់គេចខ្លួនផ្នែកសេវាកម្មនឹងត្រួតពិនិត្យស្ថានភាពជាមួយអតិថិជនតាមទូរស័ព្ទ បន្ទាប់មកបានបញ្ជូន​​រថយន្ត​​ទៅ។ អតិថិជន​រៀប​ចំ​ឥវ៉ាន​ជាស្រេច​រង់​ចាំលើកជញ្ជូនដាក់ឡាន បន្ទាប់មកពួកគេក៏ប្រើឡាននោះ​ជិះ​​ទៅ​​កន្លែង​​ថ្មី ដូច្នេះប្រតិបត្តិការត្រូវបានបញ្ចប់។

តើអ្នកគិតថាអ្វីដែលគួរឱ្យខ្លាចបំផុតពេលរត់គេចខ្លួនពេលយប់? ត្រូវគេគំរាមឬត្រូវគេរកឃើញ? មិនប្រាកដថាបែប​នេះ​ទេ អ្វីដែលគួរអោយខ្លាចជាងនេះ។

ក្នុងករណីនារីម្នាក់ជួលសេវាកម្មរត់គេចមិនចង់រស់នៅជាមួយមិត្តប្រុសដែលប្រើអំពើហឹង្សា។ នាងទៅពេលដែលបុរស​នេះទៅធ្វើការឆ្ងាយមួយថ្ងៃមួយយប់ ត្រៀមខ្លួន និងឥវ៉ាន់ជាស្រេច។ ប៉ុន្តែនាងតែងតែមានអារម្មណ៍នរណាម្នាក់​កំពុង​តាមដានខ្លួនបែរជាមិនឃើញអ្វីសោះ។

នៅមានរឿងចម្លែកជាច្រើនផ្សេងទៀត មានបុគ្គលិកដឹកជញ្ជូនម្នាក់ធ្លាក់លើកាំជណ្ដើរទោះបីមិនមានរបួសធ្ងន់ ប៉ុន្តែគាត់អះអាងថាមានអ្នករុញគាត់។ បន្ទាប់មកគឺសម្លេងបើកទ្វារដែលធ្វើអោយមនុស្សគ្រប់គ្នាភ័យរន្ធត់តែទ្វារដូច​ជា​មិន​កម្រើក​ទេ។

បន្ទាប់ពីឡើងឡានបុគ្គលិករំកិលរទេះរុញ និងឥវ៉ាន់ ប៉ុន្តែឡានត្រូវឈប់ជាច្រើនដងព្រោះតែសម្លេងគោះលើរទេះ​រុញ។ នៅ​ពេល​ពិនិត្យ​មើល​ឡើង​វិញ​គ្មានអ្វីចម្លែកទេ។ នៅពាក់កណ្តាលផ្លូវនារីនោះចង់ទៅបន្ទប់ទឹកដូច្នេះពួកគេ​ឈប់​នៅ​ហាង​មួយ ហើយ​ពេល​នោះ​ពួក​គេឃើញមានស្រមោលដើរមកជិតឡាន ត្រៀមរត់គេចខ្លួនស្រាប់តែស្រមោល​​រលាយ​​បាត់។

នារីនោះមានអារម្មណ៍ខ្លាចចងខ្សែសុវត្ថិភាព ប៉ុន្តែនាងស្តាប់ឮសម្លេងគោះបង្អួចរថយន្តម្តងហើយម្តងទៀត។ សម្លេង​គោះ​កាន់​តែ​ខ្លាំងឡើងៗ ពេលរថយន្តបញ្ឆេះម៉ាសុីនសម្លេងគោះក៏បាត់ទៅ។ ប៉ុន្តែពេលមើលខាងមុខមានស្នាមម្រាមដៃលើកហ្ចក់។

កុំល្ងង់ពេក

នាងមិនអាចរត់គេចខ្លួនបានទេ

មានសម្លេងបុរសម្នាក់ស្រែកជាមួយនឹងទឹកមុខខឹងខ្លាំង មនុស្សពីរនាក់ក្នុងឡានសន្លប់។

ទោះយ៉ាងណារថយន្តនៅតែបន្តដំណើរទៅកន្លែងថ្មី។

មួយសប្តាហ៍បន្ទាប់ពីរឿងចម្លែកនេះនារីនោះទំនាក់ទំនងសេវារត់គេចខ្លួន។ បុគ្គលិកឆ្ងល់ហើយសួរថា “តើមានរឿង​អ្វី​ទៀត?” ប៉ុន្តែអេក្រង់ទូរស័ព្ទគ្រាន់តែបង្ហាញលេខគ្មានសម្លេងនរណាម្នាក់ឡើយ។ ចាប់តាំងពីពេលនោះមកនាងមិនដែលទាក់ទងមកទៀតទេ។

បុគ្គលិកក្រុមហ៊ុនសេវាកម្មគិតថាប្រហែលកំហឹងរបស់អ្នកដែលគំរាមនាងច្រើនដល់ថ្នាក់ប្រែទៅជាព្រលឹងមកបន្លាច​នាង​ទាំង​ម្នាក់នោះនៅរស់។

ការគិតមមៃរបស់មនុស្សដែលរត់គេចខ្លួនទាំងយប់មិនមែនដោយសារការគំរាមកំហែងទេតែជាការភ័យខ្លាច។

ដូច្នេះហើយខ្ញុំសង្ឃឹមថាអ្នកទាំងអស់គ្នាប្រុងប្រយ័ត្ននឹងទំនាក់ទំនងរបស់ខ្លួន។

Kengo Abe