ហេតុអ្វីបានជាចោរនៅសម័យបុរាណជប៉ុនខ្លាចថ្ងៃទី ១២ ខែធ្នូ?

នៅគ្រប់ទីកន្លែងលើពិភពលោកសុទ្ធតែមានករណីលួចកើតឡើង។ យ៉ាងណាមិញ ប្រទេស​ជប៉ុន​ត្រូវ​បាន​គេ​ចាត់ទុក​​ជា​ប្រទេស​​មាន​​សុវត្ថិភាព​ ​ប៉ុន្តែ​នៅតែមានចោរ។ មិនថានៅកន្លែងណា ករណីចោរលួចនៅតែអាចកើតឡើង។

ដើម្បីកុំអោយមានករណីលួចពីបុរាណនៅក្រុង Kyoto មានបិទក្រដាសដូចនេះ។ ក្រដាស​ពណ៌ត្នោត​នេះ​សម្រាប់​ជៀស​វាងអគ្គិភ័យ ប៉ុន្តែ​ថ្ងៃ​នេះ​ខ្ញុំ​ចង់​ពន្យល់ពីអត្ថន័យនៃក្រដាសពណ៌សនៅជិតនោះ។

រូបភាព https://www.leafkyoto.net/blog/makai/2019/12/sakasafuda/

ខ្ញុំជឿថា អ្នកដែលចេះភាសាជប៉ុននឹងមានអារម្មណ៍ពិបាកពេលអានអក្សរលើក្រដាសពណ៌ស។ អក្សរនេះសរសេរ​ថា “ថ្ងៃទី ១២ ខែធ្នូ” បែរ​ជា​សរសេរ​បញ្ច្រាស។

ក្រដាសមួយសន្លឹកនេះមានមុខងារគំរាមចោរ ភាគច្រើនចោរលួចចូលតាមដំបូលផ្ទះ ដូច្នេះក្រដាសត្រូវបានដាក់បញ្ច្រាស​គោល​បំណង​អោយចោរងាយអានអក្សរ។ ចំណែកកាលបរិច្ឆេទពេលវេលាថ្ងៃទី ១២ ខែធ្នូមានអត្តន័យដូច​ម៉្តេច?

នៅថ្ងៃទី ១២​ ខែធ្នូ គឺជាថ្ងៃដែលចោរល្បីម្នាក់ក្នុងប្រវត្តិសាស្រ្តរបស់ជប៉ុន Ishikawa Goemon ត្រូវប្រហារជីវិត។ ពាក្យនេះមាន​គោល​បំណង​ថា “បើអ្នកមិនចង់ក្លាយទៅជា Goemon ទីពីរសូមត្រលប់ទៅវិញ” ។

ថ្ងៃនេះយើងនឹងនិយាយអំពីជីវិតរបស់ចោរដ៏ល្បីម្នាក់ឈ្មោះ Goemon Ishikawa ។ Goemon ធ្វើជាចោរតាំងពីក្មេងដែល​ល្បី​ព្រោះ​តែ​សមត្ថភាព​រត់គេចលឿនដល់ថ្នាក់ទោះត្រូវគេដឹងក៏មិនអាចចាប់ខ្លួនបានដែរ។

កាលពីក្មេង Goemon ត្រូវបានបណ្តុះបណ្តាលអោយក្លាយជា Ninja មួយរូប ប៉ុន្តែបន្ទាប់ពីមានជំនាញគ្រប់យ៉ាងគាត់​​បែរ​​ជា​​រត់​​គេច​​ខ្លួន។ នៅពេលរត់គេចខ្លួនគាត់បានលួចទ្រព្យសម្បត្តិជាច្រើននៅកន្លែងបណ្តុះបណ្តាល Ninja ហើយចាប់ផ្តើមក្លាយជាចោរមួយរូប។

ក្រៅពីមានទេពកោសល្យ និងទទួល​បាន​ការបណ្តុះបណ្តាលល្អ Goemon ក្លាយជាចោរដ៏ជំនាញម្នាក់។ ឈ្មោះកាន់​តែ​ល្បី​ប្រាក់​រង្វាន់​ចាប់​ខ្លួន Goemon ក៏កាន់តែច្រើន។ មនុស្សជាង ១០០ នាក់ស្វែងរកជុំវិញ Kyoto ដើម្បីចាប់ Goemon ។

ទោះបី Goemon ជាចោរ ប៉ុន្តែមានគោលការណ៍របស់ខ្លួន។ គាត់មិនដែលលួចចូលផ្ទះប្រជាជនធម្មតាទេ ត្រឹម​តែ​លួចរបស់​អភិជន ឬ​អ្នក​មាន​អំណាចប៉ុណ្ណោះ។ ដូច្នេះ​ហើយ​ទោះ​ជា​ការ​ងារមិនត្រឹមត្រូវក៏ Goemon នៅតែជាវីរៈបុរសក្នុងក្រសែ​ភ្នែក​របស់​មនុស្ស​ជាច្រើន។

ជំនាញកាន់តែខ្លាំងគោលដៅរបស់ Goemon កាន់តែច្រើន។ គាត់ថែមទាំងមានបំណងលួយចូលវិមានរបស់ Hideyoshi Toyotomi ជាមនុស្សមានឥទ្ធិពលបំផុតនៅក្នុងប្រទេសជប៉ុននាពេលនោះ។ Goemon ចង់លួចទ្រព្យសម្បត្តិលាក់ក្រោមគ្រែរបស់ Hideyoshi Toyotomi ដូច្នេះគាត់លួចចូលវិមានរបស់ Fushimi ។ គួរអោយស្តាយគាត់ត្រូវគេចាប់ខ្លួន។

នៅទីបំផុត ថ្ងៃទី ១២ ខែ​ធ្នូ Goemon ត្រូវគេប្រហារជីវិតនៅច្រាំងទន្លេ Kamo ក្នុងទីក្រុង Kyoto ។ វិធីសម្លាប់គេ​ហៅ​​ថា “ស្ងោឆ្អិន” ដាក់អ្នកទោសក្នុងឆ្នាំង ហើយបន្ទាប់មកកំដៅឆ្នាំងរហូតដល់ពុះ។ នៅចំពោះមុខមនុស្សជាច្រើនកូន​ប្រុស​​របស់ Goemon ទើប​តែ​អាយុ ៣ ឆ្នាំក៏ត្រូវគេដាក់ក្នុងឆ្នាំងតាមច្បាប់ដែរ។

រូបភាព https://www.leafkyoto.net/blog/makai/2019/12/sakasafuda/

នេះជាមូលហេតុដែលប្រភេទអាងទឹកក្តៅធ្វើពីឈើគេហៅថា Goemonburo ។

រូបភាព http://blog.livedoor.jp/ooe1005/archives/38728397.html

និយាយពីវិធីសាស្ត្រទប់ស្កាត់ចោររបស់ប្រជាជនក្យូតូពីបុរាណ ចោរត្រូវព្រមានអោយភ័យខ្លាច។ ទោះបីជាចោរលួចរបស់​អ្នក​មាន​អោយ​មនុស្សក្រីក្រក៏ដោយ អំពើលួចមិនមែនជាទង្វើ​ត្រឹម​ត្រូវ​ឡើយ។

Kengo Abe