បិសាច Medusa ធ្លាក់ក្នុងអន្លង់ស្នេហ៍ប្រែជាគួរអោយស្រលាញ់​ណាស់

វិចិត្រករជនជាតិជប៉ុន Avogado6 (アボガド6) ដែលបង្កើតបានជាស្នាដៃគួរអោយចាប់អារម្មណ៍ជាច្រើនជាពិសេស​បង្ហាញ​ពីភាព​ខ្មៅ​ងងឹត បញ្ហាសង្គម និងស្មារតីមនុស្ស។ ក្រៅពីស្នាដៃទាំងនេះវិចិត្រករថែមទាំងគូររូបតាម​សេ៊រី​ក្រោម​លក្ខណៈ​របស់តួអង្គ។

ក្នុងចំណោមស៊េរីទាំងនោះបំផុសគំនិតលក្ខណៈរបស់តួអង្គ Medusa ក្នុងទេវកថាក្រិក។ ដូចដែលយើងបានដឹងហើយ​ថា Medusa ជាបិសាចមានសក់ក្បាលពស់ ប្រសិនបើអ្នកក្រឡេកភ្នែករបស់បិសាចក្បាលពស់នឹងក្លាយទៅជា​ថ្ម។ តើ​បិសាច​ដែលគួរអោយខ្លាចប្រែជាយ៉ាង​ណា​បើ​មាន​​ស្នេហា? មិន​ថា​បិសាច​ឬអ្វីក៏ដោយពេលស្រលាញ់គ្រប់យ៉ាងប្រែទៅ​ជា​ស្រស់​ស្អាត និងបរិសុទ្ធក្នុងស្នេហា។

តាមរយៈការបង្ហាញពីចរិតលក្ខណៈវិចិត្រករ Avogado6 គូរព្រាងរឿងស្នេហារបស់បិសាចសក់ក្បាលពស់ដ៏គួរអោយខ្លាច​បំផុត​​នៃ​​ទេវកថាក្រិក។

តើ Medusa មានភាពរីករាយចំពោះនឹងអំណាចដែលខ្លួនមានដែរទេ?

ប្រហែលជាគ្មានទេ។

ប្រហែលជានាងក៏មិនចង់ធ្វើបាបមនុស្ស ហើយមិនចង់អោយគេបោះបង់ឡើយ។

បិសាចសក់ក្បាលពស់ដែលរស់នៅក្នុងភាពងងឹតចៃដន្យជួបបុរសម្នាក់ដែលមិនអាចមើលឃើញពន្លឺ។

កែវភ្នែកដែលមនុស្សគ្រប់គ្នាខ្លាចបែរជាអាចមើលឃើញផ្លូវកាន់ដៃបុរសម្នាក់ដើរទៅមុខ។

ពស់នៅលើក្បាលរបស់នាងលែងគួរអោយខ្លាចទៀតហើយ។

ពស់ទាំងនេះក៏ដូចជាម្ចាស់របស់វាស្រលាញ់បុរសម្នាក់នេះខ្លាំងណាស់។

អ្នកអាចតាមដានរឿងរ៉ាវគួរឱ្យស្រឡាញ់នេះតាមរយៈ Twitter របស់អ្នកនិពន្ធ។

Sacchan