កំឡុងពេលនៅផ្ទះដោយសារជំងឺកូវីដ-១៩ ​ឪពុក​បើក​ហាងបារតូចមួយក្នុងផ្ទះដើម្បីផឹកជាមួយកូនប្រុស

ក្នុងកំឡុងពេលនៅផ្ទះដោយសារជំងឺកូវីដ-១៩ លោក Morikawa Yarushikane – តារាកំប្លែងក៏ត្រូវផ្តាច់ខ្លួននៅផ្ទះដែរ ដូច្នេះ​គាត់អាចចំណាយពេលច្រើនជាមួយកូនប្រុសអាយុ ៥ ឆ្នាំឈ្មោះ Yushi ។

រូបភាព https://soranews24.com/

កាលពីមុន Morikawa តែងតែទៅផឹកស្រាតាមទម្រង់ឡានបារចល័ត។ ឡានបារចល័តច្រើនតែលក់មុខម្ហូប oden រម្ងាសសាច់គ្រប់ប្រភេទ បន្លែ គ្រឿងសមុទ្រ តៅហ៊ូ ទឹករម្ងាសពីសណ្តែក និងស្រា។ ព្រោះតែអារម្មណ៍នឹកដល់មុខម្ហូប Morikawa គិត​ឃើញ​គំនិត​បើក​ហាង​បារ​ផ្ទាល់​ខ្លួន​នៅក្នុងបន្ទប់ទទួលភ្ញៀវរបស់គាត់។ ហាងបារដ៏ពិសេសនេះមានអតិថិជន​តែម្នាក់គត់ជាកូនប្រុស Yushi ។

ដោយសារ Yushi នៅក្មេងពេកមិនអាចផឹកភេសជ្ជៈមានជាតិអាល់កុលគាត់ក៏ប្តូរទៅជាទឹកផ្លែឈើជំនួសវិញ។ ម្ហូបបន្ថែម​មាន​ដូច​ជា​មើមស្ពៃ (daikon) សាច់ក្រក ត្រី chikuwa និងស៊ុតស្ងោ។

តាំងពីពេលបើកហាងតារាកំប្លែង Morikawa ថែមទាំងថតវីដេអូសប្បាយៗរបស់ឪពុកកូន ហើយបង្ហោះលើទំព័រ YouTube របស់​ខ្លួន។ គាត់ក៏បានសួរសុខទុក្ខកូនប្រុសដូចជាអ្នកលក់តាមហាងស្រាស្វាគមន៍ភ្ញៀវផងដែរ។

ពេលខ្លះឪពុក និងកូនប្រុសផ្លាស់ប្តូរតួនាទីគ្នាទៅវិញទៅមក។ Yushi ធ្វើជាអ្នកលក់ចំណែកឪពុក Morikawa ធ្វើ​ពុត​ជាអតិថិជន។ វីដេអូកំសាន្តររបស់ឪពុកកូនទាំងពីរទទួលបានការគាំទ្រជាច្រើនពីសំណាក់អ្នកនិយមលេង​អុីន​ធឺ​ណេត។ លោក Morikawa ចែករំលែកគំនិតបើកហាងបារក្នុងផ្ទះក្រៅពីបំណងកំសាន្តក៏ជាមធ្យោបាយសម្រាប់​គាត់​​បង្រៀន​​កូន​ផង​ដែរ។ “ខ្ញុំចង់អោយ Yushi និងខ្ញុំអាចប្រាស្រ័យទាក់ទងគ្នាកាន់តែច្រើន” ។ នេះជារបៀប​គាត់​​បង្រៀន​​កូន Yushi ប្រឈមនឹងឪពុកក្នុងនាមជាមនុស្សពេញវ័យ។

ពេលវេលាអង្គុយផឹកជាមួយឪពុក Yushi ទទួលបានបទពិសោធក្នុងជីវិតដូចជាសួរសុខទុក្ខ របៀបនិយាយស្តី ក្រៅ​ពី​នេះ​កូន​ប្រុស​របស់​គាត់យល់អំពីការបើកហាងលក់ដូរ។

អ្នកមើលការសន្ទនារវាងឪពុកកូនទាំងពីរតាមរយៈគេហទំព័រ YOUTUBE នេះ។

AD