តើ Aikido ជប៉ុនពិតជាក្បាច់គុនខ្លាំងដែរទេ?

តើអ្នកធ្លាប់ឮឈ្មោះក្បាច់គុន Aikido ដែរទេ?

ប្រសិនបើមិនទាន់ដឹងសូមមើលវីដេអូខាងក្រោមនេះ។

នៅពេលដែលក្រឡេកមើលអ្នកនឹងមានអារម្មណ៍ថា ក្បាច់​គុន​បត់​បែន​ដូច​ជា​ការ​រាំ។ អ្នក​ប្រកួត​ក្បាច់​គុនមាន​មាឌ​​ធំ​​ខ្ពស់ ចំណែក​អ្នក​វាយ​ប្រហារហាក់ដូចជាមិនប្រើកម្លាំង។

តើអ្នកនៅក្នុងវីដេអូអាចហោះបានឬ? ប្រាកដជាមិនអាចហោះបានទេ។

សូមទស្សនាវីដេអូខាងក្រោម៖

ការបង្ហាញក្បាច់យ៉ាងជំនាញរបស់ Shioda Gozo ជាអ្នកបង្ហាត់ក្បាច់គុន Aikido ។ នៅពេលនោះអ្នកដែលឃើញការ​សម្តែងក្បាច់គុនផ្ទាល់ភ្នែក – លោក Kennedy (ដែលក្រោយមកក្លាយជាប្រធានាធិបតីសហរដ្ឋអាមេរិក) ចាប់ផ្តើមសង្ស័យកម្លាំងក្បាច់គុននេះ ដូច្នេះគាត់ដាក់អង្គរក្សជំនួសកន្លែង។ មិននឹកស្មានថាបុរសជនជាតិអាមេរិកដែល​មានសាច់ដុំមាឌធំបែរជាបរាជ័យដោយបុរសអាស៊ីម្នាក់មានកំពស់ត្រឹមតែ ១៥៤ សង់ទីម៉ែត្រ និងទម្ងន់ ៤៥ គីឡូ​ក្រាម។

ពិតជាពិបាកជឿទោះបីជាគូប្រកួតមានមនុស្សច្រើនក៏ដោយ។

អ្នកដែលរកឃើញក្បាច់ Aikido ឈ្មោះ Ueshiba Morihei កើតនៅឆ្នាំ ១៨៨៣ ។ រហូតមកដល់​ពេល​នេះវីដេអូការសម្តែង​ក្មួយ​ប្រុស​របស់​គាត់នៅតែត្រូវបានរក្សាទុក។

អ្នកអាចមើលឃើញពីរបៀបដែលពួកគេបង្វិលជាចលនាពិសេសបំផុតនៃសិល្បៈក្បាច់គុន Aikido ។

គេមិនប្រើកម្លាំងប្រឈមនឹងកម្លាំងទេ ប៉ុន្តែក្បាច់គុន Aikido ប្រើកម្លាំងរបស់ភាគីវាយបក់ទៅវិញ ហើយគេផ្លាស់​ប្តូរ​ទៅ​តាម​ចលនារបស់គូប្រកួតដែលគេហៅថា ស្មារតីបញ្ចូលគ្នា (和合の精神) ។ ដោយផ្អែកលើមូលដ្ឋាននេះ​ក្បាច់​គុន Aikido មិន​ផ្តោតលើបំណងប្រយុទ្ធ ឬកម្ចាត់សត្រូវនោះទេ ប៉ុន្តែបង្កើតជា “មាគ៌ាឆ្ពោះទៅរកពិភព​លោក​ដែលមានសុខដុមរមនា មនុស្សជាតិជាគ្រួសារ” – នោះហើយជាអ្វីដែល Uebashi សង្ឃឹមចង់បាន។

ដោយស្វែងយល់អំពីចលនារបស់គូប្រកួត អ្នករៀនក្បាច់គុន Aikido នឹងរកវិធីសម្របខ្លួនដើម្បីអនុវត្តក្នុងសង្គម។

ក្រៅពីនេះ អ្នករៀនក្បាច់គុន Aikido ច្រើនតែស្លៀក Hakama ជាសម្លៀកបំពាក់បុរាណដែលបុរសជប៉ុនតែងស្លៀក។ ជើងខោធំត្រឹមកជើង ពេលក្រឡេកមើលហាក់ដូចជាទើសតែអាថ៌កំបាំងស្ថិតលើ Hakama នេះ។ សម្លៀកបំពាក់ស្រដៀងគ្នានេះត្រូវបានគេប្រើក្នុង Kendo (ការប្រកួតដាវ) ពីព្រោះវាអាចបិទបាំងចលនាជើង។ ដើម្បី​លើក​បោះ​​គូប្រកួត​ដែលមានមាឌធំតម្រូវឲ្យអ្នកហាត់ Aikido ប្រើជង្គង់ ដូច្នេះ Hakama ជាវិធីបន្លំដែលសាកសមបំផុត។

អ្នកដែលជំនាញខាងរូបវិទ្យាអាចយល់ពេលដែលមើលឃើញការប្រកួតក្នុងវីដេអូ។

ដោយផ្អែកលើកម្លាំងរបស់គូប្រកួតអ្នកអាចកាត់បន្ថយការប្រើកម្លាំងរបស់ខ្លួន។ នេះជាការពន្យល់ Shiota អាច​បោះ​មនុស្ស​មាឌ​ធំ។

ជាទូទៅ ក្បាច់គុន Aikido មិនបានរៀបចំការប្រកួតនោះទេ ដូច្នេះមនុស្សជាច្រើនគិតថា Aikido មិនអាចអនុវត្តជាក់ស្តែង។ ទោះជាយ៉ាងណា មន្រ្តីនាយកដ្ឋានប៉ូលីសទីក្រុងតូក្យូក៏ប្រើ Aikido ក្នុងការងាររបស់ខ្លួនផងដែរ។

តើអ្នកជឿលើកម្លាំងរបស់ Aikido ដែរទេ?

Kengo Abe