អ្នកចំបាប់ Sumo ២០ នាក់លោតចូលទន្លេជួយសង្គ្រោះស្ត្រីម្នាក់ប៉ុនប៉ងសម្លាប់ខ្លួន

យោងតាមគេហទំព័រ Yahoo របស់ជប៉ុនបានអោយដឹងថាអ្នកចំបាប់ប្រមាណ ២០ នាក់ជួយសង្គ្រោះជីវិតស្ត្រីម្នាក់អាយុ​ប្រហែល ៣០ ឆ្នាំលោតចូលទន្លេដើម្បីស្លាប់ខ្លួន។

នៅថ្ងៃទី ១០ ខែមិថុនាវេលាម៉ោង ៥ៈ៣០ នាទីក្នុងស្រុក Adachi ទីក្រុងតូក្យូមានស្រ្តីម្នាក់លោតចូលទន្លេលើស្ពានកម្ពស់ ៣ ម៉ែត្រ។ ចៃដន្យ​នៅ​ពេល​នោះមានបុរសម្នាក់ដើរឆ្លងកាត់ឃើញហើយស្រែកអោយគេជួយ។

រូបភាព https://news.yahoo.co.jp/

តាមសម្តីរបស់សាក្សីបានអោយដឹងថាពេលឧប្បត្តិហេតុកើតឡើងអ្នកចំបាប់ Sumo នៃជំរុំ Sakaigawa នៅក្បែរនោះស្តាប់ឮសម្លេងស្រែកអោយជួយហើយរត់ទៅជួយភ្លាម។ ពួកគេជួយសង្គ្រោះស្រ្តីលង់ទឹកទាន់ពេលរួចបញ្ជូនទៅមន្ទីរ​ពេទ្យ ហើយតាមរយៈការត្រួតពិនិត្យបឋមសំណាងល្អស្ត្រីនោះមិនមានគ្រោះថ្នាក់ដល់អាយុជីវិតឡើយ។

នាយកដ្ឋានប៉ូលីស Metropolitan Takenotsuka គ្រោងនឹងផ្ញើលិខិតថ្លែងអំណរគុណដល់អ្នកចំបាប់ Sumo នៃជំរុំ Sakaigawa ដែល​ក្លាហាន​លោត​ចូល​ទឹកដើម្បីជួយសង្គ្រោះជនរងគ្រោះ។

កីឡាចំបាប់ Sumo ត្រូវបានគេចាត់ទុកដូចជាសិល្បៈក្បាច់គុនបុរាណមានប្រវត្តិ ១,៥០០ ឆ្នាំមកហើយ ឆ្លងកាត់ព្រឹត្តិ​ការណ៍​ជា​ច្រើន Sumo នៅតែមានជំហររឹងមាំក្នុងវប្បធម៌ជប៉ុន។ កីឡាចំបាប់មានលក្ខណៈពិសេសដូច្នេះមាន​តែ​នៅ​ក្នុង​ប្រទេស​ជប៉ុន​ទើបមានកន្លែងបណ្តុះបណ្តាល Sumo និងការប្រកួត Sumo អាជីព។

AD