តើអ្នកដឹងថាការដាក់ទណ្ឌកម្មក្នុងរូបភាពនេះមានន័យដូចម្តេចទេ?

តាំងពីបុរាណប្រទេសនីមួយៗមានការដាក់ទណ្ឌកម្មចម្លែកខុសៗគ្នាដែលខ្លះនៅតែមានរហូតមកដល់សព្វថ្ងៃ។ ឧទាហរណ៍នៅសហរដ្ឋ​អាមេរិកការដាក់ទណ្ឌកម្មចំពោះបុរសម្នាក់ដែលបើកបរលើចិញ្ចើមផ្លូវវ៉ាឡានក្រុងសាលា​ឈរ​រយៈ​ពេល ២ ថ្ងៃ​នៅ​ស្តុបកាន់ផ្លាកសរសេរថា៖

“ខ្ញុំពិតជាល្ងង់ដែលបើកបរលើចិញ្ចើមផ្លូវដើម្បីជៀសឡានក្រុង។”

ការដាក់ទណ្ឌកម្មនេះក៏មិនធ្ងន់ណាស់ណាទេ។

ដូច្នេះបើក្រឡេកមើលរូបខាងក្រោមតើអ្នកគិតថាបុរសដែលលុតជង្គង់លើដីត្រូវទទួលទណ្ឌកម្មអ្វី?

រូបភាព https://mag.japaaan.com/archives/21273

នៅសម័យអេដូប្រាសាទវត្តក្នុងប្រទេសជប៉ុនមានវិន័យព្រះសង្ឃដែលប្រព្រឹត្តខុសត្រូវបណ្តេញចេញពីវត្ត។

ដើមឡើយពេលក្រឡេកមើលវិធីនេះហាក់ដូចជាអស់សំណើច និងហួសហេតុ ប៉ុន្តែចំពោះបព្វជិតមានការពន្យល់ដោយ​ឡែក។

សំពត់បុឹង Fundoshi តំណាងឱ្យសំលៀកបំពាក់។

ត្រីដែលព្រះសង្ឃខាំក្នុងមាត់ប្រៀបដូចជាអាហារ។

ហើយចំណែកឆ័ត្របង្ហាញពីកន្លែងរស់នៅ។

“ការបរិភោគ សម្លៀកបំពាក់ និងកន្លែងស្នាក់នៅ” គឺជាតម្រូវការចាំបាច់ទាំង ៣ របស់មនុស្ស។ វត្តដាក់ទណ្ឌកម្មទាំង​​បី​​នេះ​​មុន​​ពេល​​ត្រូវ​បណ្តេញ​ចេញ​មានន័យថាគ្មានអ្វីគួរអោយអាណិតទៀតទេ។ ម្យ៉ាងវិញប្រសិនបើព្រះសង្ឃជាអ្នក​​បួស​ការ​ដាក់ទណ្ឌកម្មខាំ​ត្រីមានន័យថាបុគ្គលនោះបានវិលត្រឡប់ទៅរកការរស់នៅរបស់មនុស្សធម្មតា។

រូបភាព https://mag.japaaan.com/archives/21273

នៅក្នុងរូបភាពមានព្រះសង្ឃម្នាក់ទៀតកាន់ខ្សែព័ទ្ធជុំវិញករបស់អ្នកទទួលទណ្ឌកម្មនាំជនម្នាក់នេះដង្ហែរតាមដងផ្លូវដោយលុតជង្គង់លើដី។ ការដាក់ទណ្ឌកម្មដ៏អាម៉ាសធ្វើអោយអ្នកទទួលទោសមានអារម្មណ៍ខ្មាសគេ។  មនុស្សជាច្រើន​ឆ្ងល់ថាតើព្រះសង្ឃបួសទាំងនេះហូបត្រីទាំងនោះមែនឬយ៉ាងណា ប្រវត្តិសាស្រ្តភាគច្រើនមិនបានកត់ត្រាទុកទេ។

ទោះយ៉ាងណាបើប្រៀបនឹងការដាក់ទណ្ឌកម្មដ៏គួរអោយរន្ធត់នៅសម័យអេដូដូចជាវះពោះ និងកាត់ក្បាល ការដាក់ទណ្ឌកម្មនេះហាក់ដូចជាស្រាលជាង។

Kengo Abe