បច្ចេកទេសប្រើសម្រាប់កសាងស្ថាបត្យកម្មប្រាសាទជប៉ុនមានភាពរឹងមាំហើយធន់នឹងរញ្ជួញដី
តើអ្នកធ្លាប់ឮការងារដែលមានឈ្មោះថា Miyadaiku (宮大工) ទេ? ការងារនេះសំដៅអ្នកសាងសង់ប្រាសាទ និងវត្ត ខុសពីអ្នកសង់ផ្ទះគេហៅថា Daiku (大工) ពាក្យ Miyadaiku ប្រើបច្ចេកទេសដោយឡែក។
រូបភាព http://www.orido.co.jp/archives/1413
អ្វីដែលពិសេសអ្នកសាងសង់ទាំងនេះមិនចាំបាច់ប្រើសម្ភារៈដែកទេក៏នៅតែអាចកសាងរចនាសម្ព័ន្ធដែលមានភាពរឹងមាំបំផុត។
បច្ចេកទេសនេះគេហៅថា Tsugite (継手) ប្រើឈើភ្ជាប់ចូលគ្នា ហើយពួកគេក៏មិនប្រើសារធាតុបិទភ្ជាប់អ្វីដែរ។
អ្នកប្រហែលជាឆ្ងល់ហេតុអ្វីគេមិនប្រើដែកគោលសម្រាប់ភ្ជាប់ដើម្បីអោយការងារកាន់តែងាយស្រួល? ប៉ុន្តែជាក់ស្តែងអ្នកសាងសង់ប្រាសាទមិនអាចប្រើដែកគោលបានទេ។ មូលហេតុចម្បងដើម្បីអោយប្រាសាទរឹងមាំ និងមានអាយុកាលយូរជាងផ្ទះប្រជាជនទើបអ្នកសាងសង់ត្រូវប្រើវិធីសាស្រ្តពិសេស។ ក្រៅពីនេះ Tsugite នាំមកនូវអត្ថប្រយោជន៍ ៣ យ៉ាងចំពោះប្រាសាទដូចជា៖
១. រឹងមាំទោះមានរញ្ជួញដី
ប្រទេសជប៉ុនជាប្រទេសដែលមានរញ្ជួញដីកើតឡើងញឹកញាប់។ ពេលរញ្ជួញដីកើតឡើងម្តងៗរចនាសម្ពន្ធ័ទាំងមូលរំញ័រ ដូច្នេះប្រសិនបើប្រើដែកមិនអាចទ្រាំទ្របានទេ។ ហេតុនេះភាពធន់របស់ឈើអាចជួយស្រូបយករញ្ជួញដី និងការពារមិនអោយរលំ។
២. ធន់រយៈពេលជាង ១០០ ឆ្នាំ
កន្លែងដែលប្រើដែកងាយនឹងច្រែះប្រើមិនបានយូរឡើយ។
ដូច្នេះអាយុកាលផ្ទះធម្មតាមួយខ្នងប្រហែល ២៦ ឆ្នាំ ដោយឡែកពឹងទៅលើបច្ចេកទេសពិសេសប្រាសាទមានអាយុកាលរាប់រយឆ្នាំ។ ប្រាសាទ Horyuji គឺជាប្រាសាទដែលមានអាយុកាលយូរបំផុតនៅប្រទេសជប៉ុនជាង ១៣០០ ឆ្នាំស្ថិតលើទឹកដីបុរាណ។
រូបភាព http://www.sciencehome-n.com/staffblog/slug-509b9da3cdbe98fc7c3316ddf2a4ae42
នៅលើពិភពលោកនៅមានសំណង់បុរាណជាច្រើនទៀត ប៉ុន្តែភាគច្រើនជាសំណងបាក់បែកហើយមិនអាចប្រើបាន។ ចំពោះប្រាសាទ Horyuji នៅដដែលរហូតមកដល់សព្វថ្ងៃ។
កម្ពស់ប្រាសាទមិនទាបទេប៉ុន្តែនៅតែស្ថិតស្ថេររយៈពេល ១៣០០ ឆ្នាំកន្លងមក ហើយប្រឈមនឹងរញ្ជួញដីជាច្រើនដងក្នុងតំបន់។
៣. ងាយកែច្នៃឡើងវិញ
ដោយសារឈើត្រូវបានតម្រៀបភ្ជាប់គ្នាដូច្នេះនៅពេលដោះឬជួសជុលក៏អាចប្រើសម្ភារៈទាំងនោះឡើងវិញ។
តើសិប្បករប្រើបច្ចេកទេស Tsugite យ៉ាងណាក្នុងការសាង់សង់? សូមមើលវីដេអូខាងក្រោម។
ក្រៅពីនេះគន្លាក់ដែលគេប្រើក្នុងប្រាសាទ Osaka គេហៅថា “Basaratsugi” គឺជាជំនាញសាងសង់យ៉ាងពិសេស។
ក្រុមហ៊ុនដែលល្បីផ្នែក Miyadaiku គឺក្រុមហ៊ុន Kongo gumi (金剛組) មានរយៈពេល ១៤០០ ឆ្នាំមកហើយ។
សង្ឃឹមថាជំនាញបច្ចេកទេសដែលបន្សល់ទុកពីបុព្វបុរសអាចបន្តដល់អ្នកជំនានក្រោយ។
Kengo Abe