កុំសប្បាយជ្រុលភ្លេចខ្លួនក្នុងពិធីជប់លៀងរបស់ក្រុមហ៊ុន

នៅពេលធ្វើការក្នុងក្រុមហ៊ុនជប៉ុន ពេលខ្លះអ្នកត្រូវចូលរួមពិធីជប់លៀងផឹកស៊ីជាមួយក្រុមហ៊ុន។ ពិធីជប់លៀងបែប​នេះ​ខុសពីពិធី​ជប់​លៀង​ផឹក​ស៊ីជាមួយមិត្តភក្តិ។ ពិធីជប់លៀងក្នុងក្រុមហ៊ុនមានទាំងថ្នាក់លើ និងអ្នករួមការ​ងារ​ ដូច្នេះអាចមានរឿងសប្បាយ និងមិនសប្បាយ។

ប្រសិនបើមានរឿងមិនសប្បាយចិត្តក្នុងពិធីជប់លៀងរបស់ក្រុមហ៊ុន ទោះជាយ៉ាងណា អ្នកមិន​ត្រូវនិយាយចេញនោះទេ​។ ជា​ពិសេស​ចំពោះ​ស្រ្តីពេលនោះពួកគេនឹងញញឹមហើយនិយាយថា។

រូបភាព https://ray-web.jp/51775

部長、酔っ払ってるんですか？ (Buchō, yopparatterun desuka?)

“ថ្នាក់លើតើអ្នកស្រវឹងហើយមែនទេ?”

ពេលនោះប្រសិនបើថ្នាក់លើឆ្លើយថា “ហេមិន​ស្រវឹងទេ នៅអាចផឹកបាន” ជាការពិត ថ្នាក់លើប្រហែលជាមិនយល់អត្ថន័យពិតនៃប្រយោគខាងលើ។

ជាទូទៅ បើបុគ្គលិកនិយាយបែបនេះទៅកាន់ថ្នាក់លើ គឺមិនគួរនោះទេ ប៉ុន្តែក្រោយពេលសួរបែបនះវាមិនត្រឹម​តែជាសំណួរសាមញ្ញប៉ុណ្ណោះទេ។

តាមពិតអ្វីដែលបុគ្គលិកកំពុងគិតគឺ

“ថ្នាក់លើហួសហេតុ​ពេកហើយ ម្តងនេះយោគយល់ថា ផឹកច្រើនមិន​ប្រកាន់។ ដូច្នេះបើមិនបញ្ឈប់អាកប្បកិរិយាបែបនេះទេ គ្មានលើកក្រោយទៀតឡើយ”។

ក្រៅពីនេះ ជនជាតិជប៉ុនមានឃ្លា 無礼講（Bureikou) មានន័យថា “រំលងឋានៈ” នៅកន្លែងធ្វើការ អ្នកត្រូវគោរព​ទំនាក់​​ទំនងថ្នាក់លើ និងថ្នាក់ក្រោម ប៉ុន្តែពេលចូលរួមពិធីជប់លៀងក្រុមហ៊ុនមិន​កម្រិតលើរឿងទាំងនេះទេ។ មនុស្ស​គ្រប់គ្នាផឹកសុីសប្បាយស្តាប់មើលទៅដូចជាល្អ ប៉ុន្តែមិនដូចគ្នាទេ។ នៅក្នុងពិធីជប់លៀងទោះបីថ្នាក់លើធ្វើអ្វី​មិនត្រូវក៏បុគ្គលិកមិន​គួរនិយាយចេញដែរ។ ដូច្នេះថ្នាក់លើក៏ត្រូវចាប់អារម្មណ៍ពេលចូលរួមពិធីជប់លៀងជាមួយបុគ្គលិក​ដែរ ត្រូវរក្សាអាកប្បកិរិយាឲ្យ​បានត្រឹមត្រូវទើបធ្វើឲ្យ​អ្នកដទៃគោរព។

ខ្ញុំសូមលើកឧទាហរណ៍ពីស្ថានភាពមួយដែលបានកើតឡើងជាក់ស្តែង។ ទោះជាយ៉ាងណា អ្នកដែលហួសហេតុលើកនេះបែរជាស្រ្តីទៅ​វិញ។

ស្រ្តី Y ម្នាក់ (អាយុ ២៦ ឆ្នាំ) ចូលរួមពិធីជប់លៀងរបស់ក្រុមហ៊ុនក្នុងនាមជាបុគ្គលិកកិច្ចសន្យា។ នាងមានរូបរាងស្រស់​ស្អាត រួសរាយរាក់ទាក់ និងមានភាពចាស់ទុំនៅក្នុងក្រុមហ៊ុន។ ប្រហែលឆ្នាំ ២០០០ មនុស្សមិន​ច្រើនទេមានម៉ា​ស៊ីន​ថត​ឌីជីថល ស្រ្តី Y តែងតែដាក់វាក្នុងកាបូបរបស់គាត់។ នៅថ្ងៃជប់លៀងស្រ្តី Y មិនស្រួលខ្លួនត្រូវលេបថ្នាំ ប៉ុន្តែ​នាងនៅតែរីករាយលេងអស់ពីចិត្ត ហើយថែមទាំងយកកាមេរ៉ាថតរូបឲ្យ​អ្នកទាំងអស់គ្នា។

ថ្នាក់លើរបស់នាងសក់តិចតែងតែត្រូវបុគ្គលិកចំអកថា “បុរសទំពែក” ក្រោយខ្នង ប៉ុន្តែជាការពិត គ្មាននរណាម្នាក់​​និយាយបែបនេះនៅចំពោះមុខថ្នាក់លើនោះ​ទេ។ អ្វីដែលហួសចិត្តពន្លឺចេញពីកាមេរ៉ាចាំងសលើក្បាលរបស់ថ្នាក់លើ។ នាង​សើច​យ៉ាងខ្លាំងនិយាយថា “អា ហាសហាវាចាំងមកវិញ” ។

រូបភាព http://yurukuyaru.com/archives/80167063.html

មនុស្សគ្រប់គ្នាស្រឡាំងកាំងមួយសន្ទុះនៅពេលនោះមុខម្នាក់ៗប្រហែលជាគួរឲ្យ​អស់សំណើចណាស់។

នៅទីបំផុតនាងស្រវឹងខ្លាំងរហូតមិនអាចត្រឡប់ទៅផ្ទះដោយខ្លួនឯង​ ថ្នាក់លើដែលត្រូវនាងថាឲ្យ​ចុងក្រោយត្រូវ​​រក​តាក់ស៊ីជូននាងទៅផ្ទះ។ នាងថែមទាំងក្អួតលើតាក់ស៊ីហើយថ្នាក់លើរបស់នាងត្រូវបោះចោលថង់ប្លាស្ទិចដែល​​នាងក្អួតផង។

និយាយអញ្ចឹងថ្នាក់លើជាអ្នកគ្រប់គ្រងជាន់ខ្ពស់របស់ក្រុមហ៊ុន Yahoo! ជប៉ុនដែលជាក្រុមហ៊ុនមានកេរ្តិ៍ឈ្មោះនៅប្រទេសជប៉ុន។ មិនចាំបាច់សួរក៏ដឹងថាស្រ្តី Y នៅថ្ងៃបន្ទាប់ទៅក្រុមហ៊ុនទឹកមុខច្របូកច្របល់គួរឲ្យ​អស់សំណើច។ សំណាង​ថ្នាក់លើជាមនុស្សមិន​ប្រកាន់ គាត់សើចខ្លាំងរួចក៏មិន​និយាយរឿងចាស់ទៀត ប៉ុន្តែវាដូចជាមេ​រៀន​សម្រាប់​ស្រ្តី Y និងបុគ្គលិកទាំងអស់។

សូមកុំលេងជ្រុលក្នុងពិធីជប់លៀងរបស់ក្រុមហ៊ុន។

Kengo Abe