រឿងដែលជួយរំលឹងអ្នក “កុំស្រវឹងហួសរហូតដល់ថ្នាក់មិនដឹងខ្លួន” បញ្ហាជាច្រើននឹងកើតឡើង

តើអ្នកចូលចិត្តផឹកស្រាដែរទេ?

រូបភាព https://intojapanwaraku.com/culture/

អង្គុយផឹកស្រាល្អជាពេលវេលារីករាយហើយផឹកជាមួយមិត្តភក្តិកាន់តែពិសេសជាងនេះ។ ប៉ុន្តែផឹកយូរពេកធ្វើអោយ​មនុស្ស​ជា​ច្រើនស្រវឹងមិនអាចគ្រប់គ្រងខ្លួនឯងឬធ្វើរឿងដែលគួរអោយខ្មាស់។ តើអ្នកជាមនុស្សប្រភេទណា? ប្រសិន​បើអ្នកមិនគ្រប់គ្រងទម្លាប់អាក្រក់ទេនោះអ្នកនឹងមានការសោកស្តាយនៅថ្ងៃណាមួយដូចតួអង្គក្នុងរឿងខាង​ក្រោម​នេះ។

តួអង្គខាងក្រោមមានឈ្មោះថា Fukushima Masanori ដែលជាបងប្អូនជីដូនមួយរបស់អ្នកនាំមុខក្នុងប្រទេស​ជប៉ុន Hideyoshi Toyotomi ។ គាត់មានចិត្តល្អ និងមានអាកប្បកិរិយាល្អ ប៉ុន្តែបុរសនេះមានទម្លាប់មិនល្អនៅ​ពេល​ផឹក។

នៅក្នុងពិធីជប់លៀងមួយ Masanori ជួបមនុស្សម្នាក់មានឈ្មោះ Mori Tahee ហើយចាប់ផ្តើមបញ្ច្រកស្រាបុរសនោះ​តែក៏បង្កអោយមានបញ្ហាមួយ។ ដោយសារតែគាត់មានទម្លាប់មិនល្អនៅពេលស្រវឹងទើបត្រូវ Azai Nagamasa ប្រាប់​មិនអោយផឹកស្រា។ ទោះបីជាមានការជម្រុញអោយផឹកក៏គាត់នៅតែព្យាយាមមិនផឹកដែរ។

ចំណែក Masanori មិនដឹងរឿងនេះទេខណៈដែលខ្លួនមិនដែលផឹកស្រាបែរជាបង្ខំ Mori Tahee ។

“ប្រសិនបើអ្នកផឹកអស់មួយកែវនេះចង់បានអ្វីក៏ខ្ញុំយល់ព្រមដែរ”

ទីបំផុតមិនអាចទ្រាំបាន Masanori ខឹងហើយប្រើសម្លេងខ្លាំងៗនិយាយថា៖

“ស្រាក៏ខ្សោយមនុស្សក៏មិនអាចផឹកបានដែរ”។

ចំពោះការប្រមាថនេះ Tahee ផ្តើមក្តៅក្រហាយហើយផឹកស្រាមួយកែវទាល់តែអស់ មិនត្រឹមតែមួយកែវទេដល់ទៅ ៣ កែវ។ ជាការពិតណាស់ Masanori មិនអាចបំពានពាក្យសន្យារបស់គាត់ដូច្នេះគាត់បានយកលំពែងដែល Hideyoshi អោយ Tahee ជា អំណោយដែលមិនអាចកាត់ថ្លៃបាន។ លើសពីនេះទៅទៀតគាត់ធ្វើអោយបាត់បង់អ្នកក្រោមបង្គាប់ដោយសារតែស្រវឹង។

មានម្តង Fukushima ផឹកស្រវឹងហើយជជែកលេងជាមួយអ្នកក្រោមបង្គាប់របស់គាត់ឈ្មោះ Tsuge Seiemon ។ ដោយសារស្រវឹងគាត់យល់ច្រលំពីន័យរបស់ Tsuge Seiemon គាត់ខឹងយ៉ាងខ្លាំងហើយក៏បញ្ជាអោយអ្នកក្រោមបង្គាប់​វះពោះធ្វើអត្តឃាត។ នៅព្រឹកបន្ទាប់ពេលដែលគាត់ភ្ញាក់ឡើងបានបញ្ជាអោយ Tsuge Seiemon ចូលមកប៉ុន្តែ …

ដោយសោកស្តាយចំពោះទង្វើរបស់ខ្លួនគាត់យំផង និងសុំអភ័យទោសពី Tsuge Seiemon ដែលគួរអោយអាណិត។

សូម្បីតែ Masanori ក៏ពិបាកចិត្តព្រោះតែទម្លាប់អាក្រក់របស់ខ្លួនដែរ។ ថ្ងៃមួយគាត់ទៅផ្ទះរបស់គូស្នេហ៍ពេលស្រវឹង។ នៅពេលប្រពន្ធគាត់ដឹងកាន់ដាវដេញសម្លាប់គាត់ រត់គ្រប់ទីកន្លែងគាត់អង្វរប្រពន្ធរបស់គាត់អោយអភ័យទោស។

ថ្វីត្បិតតែរឿងទាំងនេះនៅសម័យ Shogun ប៉ុន្តែវាក៏ត្រូវនឹងជីវិតប្រចាំថ្ងៃប្រសិនបើអ្នកមិនអាចគ្រប់គ្រងខ្លួន​ឯងដូច​ជា Fukushima Masanori ។ កុំធ្វើឱ្យខ្លួនអ្នក និងមនុស្សដទៃជួបបញ្ហា ផឹកស្រាសប្បាយតែត្រូវមានកម្រិត។

Kengo Abe

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: