Kyoko’s cooking វិធីធ្វើសាឡាតសម្រាប់មុខម្ហូបគ្រួសារ

សាឡាត រ៉ាឌី និងសាច់ខ្វៃ

មុខម្ហូបនេះសាមញ្ញអ្នកគ្រាន់តែដាក់សាច់ខ្វៃពីលើរ៉ាឌីរួចដាក់ក្នុងទូទឹកកកជាការស្រេច។ រសជាតិ​ផ្អែមរបស់រ៉ាឌីរលាយក្នុងមាត់។ មិត្តរបស់ខ្ញុំឈ្មោះ Ueshima Aki ក៏ជាចុងភៅម្នាក់ ហើយគាត់ហៅម្ហូបនេះថា Hommage ។ ប្រសិន​បើផ្ទះរបស់អ្នកមានខ្ទឹមអាចរោយពី​លើ​សាឡាតបើគ្មានគ្រាប់អូលីវខ្មៅក៏មិនអីដែរ។ ប៉ុន្តែបើញ៉ាំជាមួយគ្នា​រស​ជាតិ​នឹង​កាន់​តែឆ្ងាញ់។

【គ្រឿងផ្សំ – សម្រាប់មនុស្សម្នាក់】

មើម turnip ៖ ១ មើម

សាច់ជ្រូកខ្វៃ៖ ២ ទៅ ៣ បន្ទះ

គ្រាប់អូលីវខ្មៅ៖ ២ ទៅ ៣ បន្ទះ

ប្រេង Oliu extra virgin ៖ បរិមាណសមល្មម

【របៀបធ្វើ】

១. ហាន់សំបករួចកាត់មើមពី ៦ ទៅ ៨ បន្ទះ

២. ហាន់សាច់ខ្វៃស្មើនឹងចំនួន​រ៉ាឌី បន្ទាប់មកដាក់បន្ទះសាច់លើបន្ទះរ៉ាឌីរួចដាក់ក្នុងទូទឹកកករយៈពេល ១ ម៉ោង។

៣. រៀបគ្រាប់អូលីវពីលើបន្ទះសាច់ហើយបន្ថែម​ប្រេងអូលីវ។

❀ គ្រឿងផ្សំជំនួស

ស្លឹកមើមរ៉ាឌីអ្នក​អាចស្ងោឆ្អិនរួចចែកជាចំណែករុំក្នុងថង់អាហារបន្ទាប់មកដាក់ក្នុងថង់ Zip អោយត្រជាក់។ នៅពេលចម្អិនមីឬស្ងោខ្វះបន្លែអាចបន្ថែមបន្លែបាន។ ហាន់បន្លែប្រវែងប្រហែល ១ សង់ទីម៉ែត្រ (ចាំអោយវាកកងាយហាន់​ជាង) បន្ទាប់មកឆាជាមួយទឹកម្ទេស និងប្រេងល្ង ហើយបន្ថែម Sake, Mirin, Shoyu ចុងក្រោយដាក់ល្ងសពី​លើ។

❀ របៀបធ្វើផ្សេងទៀត

នៅក្នុងសៀវភៅចំនួន ៣ ដែលមានឈ្មោះថា “របៀបបរិភោគបន្លែនេះ” រូបមន្តមាននៅក្នុង “ រូបមន្តចម្អិន​បន្លែដោយវិធីលេខ ២២០” ។ ទោះយ៉ាងណាតាមរូបមន្តគួរតែទុកក្នុងទូទឹកកករយៈពេល ២ ថ្ងៃ។ ប៉ុន្តែនៅថ្ងៃទីពីរខ្ញុំមានអារម្មណ៍​ថា​ទឹកក្នុងសាឡាតហូរច្រើន។ ដូច្នេះវិធីល្អបំផុតចម្អិនពេលព្រឹកញ៉ាំពេលអាហារថ្ងៃត្រង់តែម្តង។

សាឡាត់ បឺ និងខ្ទឹមបារាំងលាយជាមួយ Ponzu

កាលពី ១០ ឆ្នាំមុនពេលខ្ញុំធ្វើការនៅទស្សនាវដ្តី Mart ខ្ញុំមានឱកាសសហការជាមួយ Soko Tatsumoto ជាអ្នករៀប​ចំ​ព្រឹត្តិការណ៍ដ៏ល្បី។ ខ្ញុំរៀនរូបមន្តធ្វើសាឡាតឆ្ងាញ់ហើយងាយនេះពីនាង។ បឺទន់ល្មើយលាយជាមួយ​នឹងខ្ទឹមបារាំងក្លាយ​ទៅ​ជាអារម្មណ៍ប្លែក លើពីនេះអ្នកអាចបន្ថែមត្រីផាត់ Okaka រួចលាយជាមួយ Ponzu ពិតជាល្អឥតខ្ចោះ។ ដូច​ជា​​សម្តី​របស់​បង​ស្រី Tatsumoto និយាយថា “ទាំងបុរស និងស្ត្រីអាចបរិភោគម្ហូបនេះ” ប្តីរបស់ខ្ញុំក៏ចូលចិត្តណាស់ដែរ។

【គ្រឿងផ្សំ – សម្រាប់មនុស្ស ២ នាក់】

ផ្លែបឺ៖ ១/២ ផ្លែ

ខ្ទឹមបារាំង៖ ១/៤ ផ្លែ

 Ponzu ត្រីផាត់៖ បរិមាណសមល្មម

 【របៀបធ្វើ】

១. ញែកផ្លែបឺរជា ២ ហាន់ជាបំណែកពី ២ ទៅ ៣ មីលីមែ៉ត្របន្ទាប់មកដាក់ប៊ឺលើចាន។

២. ហាន់ខ្ទឹមបារាំងរួចរៀបពីលើបំណែកបឺហើយបន្ថែម Ponzu រួចទើបរោយត្រីផាត់ពីលើ។

❀ គ្រឿងផ្សំជំនួស

តាំងពីពេលខ្ញុំទទួល​ទានម្ហូបនេះខ្ញុំផ្តើមចាប់អារម្មណ៍ម៉ាក Ponzu ដូចជា Asahi Ponzu រហូតដល់ Umajimura Ponzu ។ ចុងក្រោយខ្ញុំជ្រើសរើស Ami Pon ធ្វើជាគ្រឿងផ្សំសម្រាប់ម្ហូបនេះ។

❀ របៀបធ្វើផ្សេងទៀត

ចំពោះខ្ទឹមបារាំងស្រស់កុំត្រាំក្នុងទឹកពេលហាន់ជាចំណិតស្តើងឡើយ។ ព្រោះខ្ទឹមបារាំងស្រស់មានផ្ទុកជាតិ Allyl sulfide ល្អសម្រាប់សុខភាពតែងាយរលាយក្នុងទឹក។ ដូច្នេះគ្រាន់តែលាងសម្អាតបន្តិចដើម្បីកាត់បន្ថយក្លិនកុំត្រាំក្នុង​ទឹក​ដូច​ខ្ទឹមក្រៀម។

ប្រវត្តិរូបបងស្រី Kyoko ៖

ម្ចាស់ភោជនីយដ្ឋាន Shunsai Mamaya 「旬菜ままや」

Kyoko Nakao (អាយុ ៥១ ឆ្នាំ)

នៅលើ Instagram Shunsai Mamaya @mamaya476 យើងកំពុងផ្សព្វផ្សាយបន្លែរបស់កសិករក្នុងតំបន់ដោយចម្អិនម្ហូបសាមញ្ញប្រើបន្លែតាមរដូវ។ ព្រោះតែខ្ញុំចាប់អារម្មណ៍ និងមានចំណូលចិត្តក្នុងការចម្អិន​ម្ហូប ខ្ញុំព្យាយាមចម្អិនបន្លែអស់រយៈពេល ៨ ឆ្នាំកន្លងមកសម្រាប់​ចំណូលចិត្តរបស់ខ្លួន។ ប្រសិនបើខ្ញុំធ្វើដំណើរទៅផ្សារ ខ្ញុំនឹង​ទិញ​គ្រឿងផ្សំឬទៅញ៉ាំនៅហាងស្រាដើម្បីភ្លក់ម្ហូបឆ្ងាញ់ហើយសួរម្ចាស់​ហាង​របៀបចម្អិន។ បន្ទាប់ពីធ្វើការអស់រយៈពេលជាច្រើនឆ្នាំនៅគ្រឹះ​ស្ថាន​បោះពុម្ពផ្សាយ ឥឡូវនេះខ្ញុំកំពុងរៀបចំបើកភោជនីយដ្ឋានតូច​មួយ​នៅឆ្នាំក្រោយ។

អាជីពអ្នកបោះពុម្ពផ្សាយ

• ទទួលបន្ទុកព័ត៌មាន សិល្បៈ ធ្វើម្ហូប រាជវង្ស និង Series Ningen ប្រចាំសប្តាហ៍មានចំណងជើងថា “女性自身” (Josei jishin) ។
• ជោគជ័យក្នុងគម្រោង Home Baker នៃទស្សនាវដ្តីព័ត៌មានជីវិត “Mart” ។
• ទស្សនាវដ្តីម៉ូដផ្តោតទោលើអាយុ ៤០ ឆ្នាំសម្រាប់ទស្សនាវដ្តី “STORY” ។
• ទស្សនាវដ្តីសម្ផស្ស “美ST” សម្រាប់អាយុវ័យ ៤០ ឆ្នាំ។

អំពី “Shunsai Mamaya”

* ភោជនីយដ្ឋានជប៉ុនមានទម្រង់អាជីវកម្មច្រើនប្រភេទ។ ប៉ុន្តែ  “居酒屋 – Izakaya” និង “小料理屋 – Koryouriya” ស្ថិតក្នុងតំបន់ថ្នាក់ទីមួយមិនត្រូវទទួលស្គាល់ដោយច្បាប់បង្ការ និងពន្លត់អគ្គីភ័យទេ ដូច្នេះភោជនីយដ្ឋានមានបំណងផ្លាស់ប្តូរទៅជា “食堂 – Shokudo” ។

ភោជនីយដ្ឋានគ្រោងនឹងបើកនៅនិទាឃរដូវឆ្នាំ ២០២១ នៅផ្ទះតូចមួយក្នុងតំបន់នៅ Suginami ទីក្រុងតូក្យូ។ យើង​ធ្វើម្ហូបតាមរដូវតដោយប្រើបន្លែ Suginami ក្នុងស្រុក និងគ្រឿងផ្សំល្អទិញពេលធ្វើដំណើរ។ ឈ្មោះហាងជាការគោរព​ចំពោះភោជនីយដ្ឋាន “Mamaya” ” ដែលអ្នកនិពន្ធ Kuniko Mukai កំពុងប្រត្តិការនៅ Akasaka ជាមួយ​បង​ស្រី​របស់គាត់ឈ្មោះ Kazuko ។

Kyoko Nakao