Nakagusuku សណ្ឋាគារដែលត្រូវគេបោះបង់ចោលនៅ Okinawa

សណ្ឋាគារ Nakagusuku ស្ថិតនៅក្នុងព្រៃ Okinawa ជាប់ប្រាសាទ Nakagusuku ។ ការសាងសង់សណ្ឋាគារត្រូវផ្អាកជា​រៀងរហូត។ មានការពន្យល់ពីរទៅលើការផ្អាកសាងសង់ ចំពោះបញ្ហាខាងព្រលឹងវិញ្ញាណ។

រូបភាព https://takkaja.com/blog/archives/31460

សូមមើលសេចក្តីពន្យល់ទាំងពីរខាងក្រោម។

ការសន្មត់ទី ១

រឿងនិយាយពីអ្នកជំនួញម្នាក់ចង់ទាញយកប្រយោជន៍នៅ Okinawa ដើម្បីសាងសង់សណ្ឋាគារជិតប្រាសាទ Nakagusuku ។ លោករំពឹងថាគម្រោងនេះនឹងទទួល​បានភ្ញៀវទេសចរណ៍យ៉ាងច្រើនមកគយគន់ទេសភាពនៅកន្លែង​នេះ។

ទោះយ៉ាងណាគម្រោងនេះត្រូវប្រជាជនក្នុងតំបន់ជំទាស់ គេនិយាយថាព្រៃនេះមានផ្នូរច្រើនហើយជាកន្លែងសក្ការៈមិន​អាចបំផ្លាញ ប៉ុន្តែអ្នកជំនួញម្នាក់នោះនៅតែមិនអើពើ។ រហូតដល់មានព្រះសង្ឃយាងមកជួបគាត់ដោយផ្ទាល់ដើម្បីរារាំងការសាងសង់ ប៉ុន្តែនៅតែមិន​អាចផ្លាស់ប្តូរចិត្តរបស់គាត់។ ចាប់តាំងពីពេលនោះមកគ្រោះថ្នាក់ជាច្រើនកើតឡើងក្នុងកំឡុងពេលកសាង។ ព្រោះតែចំណាយប្រាក់ច្រើន​លើ​គម្រោង​នេះទើបគាត់ព្យាយាមបង្ហាញថាពាក្យចចាមអារ៉ាមមានវិញ្ញាណគ្មានមូលដ្ឋានច្បាស់។ គាត់សម្រេចចិត្តគេងក្នុងព្រៃ ក្រោយរយៈពេលតែ ៣ យប់គាត់ប្រែទៅ​ជា​ឆ្កួត។ មានពាក្យចចាមអារ៉ាមផ្សេងទៀតអះអាងថាគាត់ធ្វើអត្តឃាត។

ការស្ថាបនាមិនទាន់បញ្ចប់ ហើយមនុស្សជាច្រើនជឿថាវាត្រូវបណ្តាសា។

រូបភាព http://tyuun3naoya.hatenadiary.jp/entry/2016/10/03/122536

ការសន្មត់ទី ២

នៅឆ្នាំ ១៩៩៥ គណគ្រប់គ្រងឧទ្យាន Nakagusuku ទទួលខុសត្រូវចំពោះការសាងសង់សណ្ឋាគារថ្មីនៅ Okinawa ។ ដោយ​ដឹង​ថាការកសាងដែលជិតបញ្ចប់នៅជិតប្រាសាទ Nakagusuku ប្រជាជនជំទាស់ព្រោះវាបំផ្លាញតម្លៃវប្បធម៌បុរាណ ដូច្នេះទីតាំងសណ្ឋាគារត្រូវប្តូរទៅកន្លែងផ្សេង។

ការស្ថាបនាចាប់ផ្តើមនៅដើមទស្សវត្ស ១៩៧០ ហើយគ្រោងនឹងបញ្ចប់នៅថ្ងៃទី ២០ ខែកក្កដាឆ្នាំ ១៩៧៥ ។ គួរអោយ​ស្តាយគម្រោងសណ្ឋាគារមិនអាចបញ្ចប់ដោយសារម្ចាស់ក្ស័យធន។ ក្រោយមក Okinawa ជាកម្មសិទ្ធិរបស់ជប៉ុន ហើយការសាងសង់នេះបានក្លាយជា “បេតិកភ័ណ្ឌវប្បធម៌” ដូច្នេះហើយទើបគម្រោងនេះមិន​អាចបញ្ចប់ជារៀង​រហូត។

Sacchan