សួនកំសាន្តចេញសេចក្តីណែនាំលេងរទេះហោះហាមស្រែក

ថ្ងៃព្រហស្បតិ៍ 28/05/2020 | 13:58 ល្ងាច

អ្នកគ្រប់គ្រងសួនកំសាន្តនៅប្រទេសជប៉ុនចេញសេចក្តីណែនាំបន្ទាប់ពីឧទ្យានបើកដំណើរការឡើងវិញ ការធ្វើដំណើរត្រូវរក្សាភាពស្ងៀមស្ងាត់ មិនត្រូវប៉ះពាល់រាងកាយ និងរក្សាគម្លាតសុវត្ថិភាព ១ មែ៉ត្រ។

បន្ទាប់ពីជប៉ុនដកសេចក្តីប្រកាសដាក់ប្រទេសក្នុងស្ថានភាពអាសន្ន អ្នកគ្រប់គ្រងសួនចេញឯកសារមួយហៅថា “សេចក្តីណែនាំបញ្ឈប់ការរីករាលដាលជំងឺកូវីដ-១៩” គោលការណ៍ណែនាំអោយភ្ញៀវពាក់ម៉ាស ឧទ្យានកំសាន្តមានសិទ្ធិមិនអោយភ្ញៀវដែលមានរោគសញ្ញាជំងឺឬវាស់សីតុណ្ហភាពលើសពី ៣៧.៥ អង្សាចូល។

លើសពីនេះអ្នកគ្រប់គ្រងក៏លើកទឹកចិត្តភ្ញៀវមិនអោយស្រែកពេលលេងរទេះហោះឬហ្គេមដែលរន្ធត់ដទៃទៀត។ ព្រោះសកម្មភាពនេះអាចបង្កើនការឆ្លងវីរុសក្នុងសហគមន៍។