QR code ជាការរកឃើញដែលជួយដល់មនុស្សជាតិរបស់ជន​ជាតិជប៉ុន

Barcode គឺជាកូដដែលគេប្រើសម្រាប់គ្រប់គ្រងទំនិញក្នុងឃ្លាំង ផ្សារទំនើប និងហាងលក់ទំនិញ -ល- ។ ពិភពលោកចាប់ផ្តើមនិយមប្រើកូដតាំងពីឆ្នាំ ១៩៧៤ ។ នេះជាវិធីរក្សា និងបញ្ជូនព័ត៌មានលេខកូដ។ ទោះជាយ៉ាងណាប្រភេទ​បារកូដ​នេះ​អាចផ្ទុកលេខ ២០ ខ្ទង់ និងអក្សរប៉ុណ្ណោះ។ ដូច្នេះថ្ងៃណាមួយលេខកូដអាចនឹងមិន​គ្រប់សម្រាប់ពិភព​លោក​ទាំង​មូលប្រើ។ លើសពីនេះទៅទៀតម៉ាសុីនបារកូដត្រូវចំណាយពេលអានបណ្តាលអោយកាត់បន្ថយផលិត​ភាព​ឃ្លាំងដែលផ្ទុកទំនិញច្រើន។

រូបភាព https://www.indiamart.com/proddetail/barcode-11664442455.html

នៅក្នុងបរិបទនេះក្រុមហ៊ុនផលិតរថយន្ត Denso បានប្រគល់ភារកិច្ចបង្កើតបារកូដបន្ថែម និងបង្កើនប្រសិទ្ធ​ភាព វិស្វករ Masahiro Hara ចាប់ផ្តើមការស្រាវជ្រាវ និងសាកល្បងជាច្រើន។ ក្នុងកំឡុងពេលស្រាវជ្រាវគាត់ និងក្រុមរបស់គាត់ងាកមករកបារកូដមុខងារពីរដើម្បីដោះស្រាយគុណវិបត្តិធំៗពីរគឺល្បឿនស្កេន និងសមត្ថភាពផ្ទុក។ ប៉ុន្តែជិតដល់ថ្ងៃប្រគល់ការងារគាត់នៅតែមិនទាន់បង្កើតផលិត​ផលដែលឆ្លើយតបនឹងបញ្ហាខាងលើ។ ខណៈពេលគាត់ដើរជាមួយដៃគូការងារពិភាក្សារឿងលាលែងការងារ ស្រាប់តែគាត់ឃើញទិដ្ឋភាព​អគារផ្ទះល្វែងច្រើនជាន់​លើ​ដំបូលមានចំណតឧទ្ធម្ភាគចក្រ។ ភ្លាមៗនោះគាត់គិតឃើញគំនិតបង្កើតកូដកំណត់ទីតាំង ៣ ជ្រុង។

រូបភាព https://www.epo.org/news-events/events/european-inventor/finalists/2014/hara.html

ហើយរហូតដល់ឆ្នាំ ១៩៩៤ គាត់ទទួល​បានទទួលជោគជ័យក្នុងការបង្កើតលេខកូដ QR (Quick-Response Code) ផ្ទុកលេខចំនួន ៧,០០០ និងអក្សរ។ លេខកូដអាចស្កេនពីលើចុះក្រោមឬពីឆ្វេងទៅស្តាំសម្រាប់បង្កើនល្បឿនអានរបស់ម៉ាស៊ីនស្កេន។ មិនត្រឹមតែប៉ុណ្ណឹងទោះជាអ្នកបាំងផ្នែកតូចមួយ (លើកលែង ៣ ប្រអប់នៅទីតាំង ៣ ជ្រុង) ម៉ាសុីនអាចស្កេនចេញលេខកូដត្រឹមត្រូវ។ បច្ចុប្បន្នលេខកូដ QR អាចបញ្ចូលទាំងអក្សរ Kanji និង Kana របស់​ជប៉ុន និងភាសាជប៉ុន ចម្រៀង រូបភាព URL និង email -ល- ។

ពិសេសជាងនេះលោក Masahiro Hara សម្រេចដាក់ការរកឃើញរបស់គាត់លើអុីនធឺណេតដោយឥតគិតថ្លៃ ជួយអោយមនុស្សគ្រប់គ្នា អាជីវកម្មអាចអានកូដ និងបង្កើត QR code បាន។ ហេតុនេះទើបការរកឃើញរបស់គាត់ត្រូវបាន​ពិភព​លោកទទួលយក។ រហូតមកដល់ពេលនេះ QR code ត្រូវបានប្រើច្រើនជុំវិញពិភពលោក។

ដោយសារសមិទ្ធិផលនេះវិស្វករ Masahiro Hara និងក្រុមរបស់គាត់ទទួលពានរង្វាន់ “អ្នកបង្កើតអឺរ៉ុប” ក្នុងឆ្នាំ ២០១៤។ បច្ចុប្បន្នគាត់កំពុងផ្តោតលើការបង្កើនសមត្ថភាពលេខកូដ QR ជួយអោយវាស្កេនកាន់តែលឿនជាមួយស្មាត​ហ្វូន។ ចំពោះអ្នកដែលប្រើ Iphone អ្នកអាចស្កេនលេខកូដ QR ដោយប្រើកាមេរ៉ាមិនចាំបាច់ទាញយកកម្មវិធីផ្សេង​ឡើយ។

នេះជាការរកឃើញដ៏មានប្រយោជន៍សម្រាប់មនុស្សជាតិ។

Chee