ឧទ្យានកំសាន្ត Nagashima SpaLand បានបើកដំណើរការឡើងវិញ

ឧទ្យានកំសាន្ត Nagashima Spa Land ក្នុងខេត្ត Mie បានបើកដំណើរការឡើងវិញដែលជាផ្នែក​មួយ​នៃឧទ្យានកំសាន្ត។ ឧទ្យាននេះ​បិទទ្វារតាំងពីថ្ងៃទី ៩ ខែមេសាដោយសារជំងឺកូវីដ-១៩ ប៉ុន្តែបន្ទាប់ពីរដ្ឋាភិបាលជប៉ុនដកការប្រកាស​ដាក់ប្រទេសស្ថិតក្នុងភាពអាន្នចេញ នៅ​តាមបណ្តាខេត្តជាច្រើនចាប់ផ្តើមបើកទទួលភ្ញៀវឡើងវិញ។

រូបភាព https://www.tripadvisor.com.vn/

នៅច្រកចូលឧទ្យានកំសាន្ដខាងក្រៅមួយចំនួន​​រួមទាំងរទេះភ្លើងហោះមានបំពាក់ឧបករណ៍វាស់កម្តៅភ្ញៀវ។ វិធានការណ៍នានានៅតែត្រូវអនុវត្តតាមការស្នើរបស់រដ្ឋាភិបាលកណ្តាល និងអាជ្ញាធរមូលដ្ឋានក្នុងការរឹតត្បិតការធ្វើដំណើរ​ពី​ខេត្តមួយទៅខេត្តមួយទៀត។

រូបភាព https://www.tripadvisor.com.vn/

ភ្ញៀវត្រូវ​បានរៀបចំកន្លែងអង្គុយឆ្ងាយពីគ្នាដើម្បីធានាសុវត្ថិភាព រាល់ពេលភ្ញៀវជិះរួចបុគ្គលិកម្នាក់ៗត្រូវសម្អាត​កៅ​អីនីមួយៗ។ ចំណែកកន្លែងកំសាន្តខាងក្នុងនៅតែបន្តបិទរហូតដល់ការហាមឃាត់ត្រូវបញ្ចប់។ នៅច្រកចូលឧទ្យានក៏បិទផ្លាកសញ្ញាស្នើអោយភ្ញៀវតាមបណ្តាខេត្តផ្សេងៗគួរកាត់បន្ថយចូលកំសាន្តផងដែរ។ ដោយសារមូលហេតុនេះមិនសូវ​មាន​ភ្ញៀវមកលេងឧទ្យានទេ។

នារីម្នាក់អាយុ ២០ ឆ្នាំដែលរស់នៅក្នុងតំបន់បានអោយដឹងថានាងចូលចិត្ដជិះរទេះហោះ ហើយក៏ពេញចិត្តនឹងការប្រុងប្រយ័ត្នរបស់ឧទ្យាននេះដែរ។

AD