ព្រោះតែជំងឺកូវីដ-១៩ គេហទំព័រ “ផឹកសុីអនឡាញ” បង្កើតឡើងក្នុងរយៈពេលតែ ២ ខែទាក់ទាញអ្នកប្រើនៅជប៉ុនដល់ទៅ ២ លាននាក់

ចំពោះជនជាតិ​ជប៉ុនពាក្យថា Nomikai ជាឳកាសបង្កើតមិត្តភាព និងការងារ ប៉ុន្តែដោយសារជំងឺកូវីដ-១៩ ប្រជា​ជន​ជប៉ុនភាគច្រើនត្រូវនៅផ្ទះ។ ហេតុ​នេះ​គេហទំព័រអនឡាញថ្មីមួយត្រូវ​បានបង្កើតឡើងទាក់ទាញអ្នកប្រើជាង ២ លាន​នាក់​ក្នុង​រយៈពេលតែ ២ ខែប៉ុណ្ណោះ។

លោក Takashi Kiyose នាយកប្រតិបត្តិគេហទំព័រ Tacnom ចែករំលេកជាមួយភ្នាក់ងារសារព័ត៌មាន Reuters ថា៖ “ខ្ញុំពិតជាភ្ញាក់ផ្អើលហើយមិន​គិតថា Tacnom ទទួល​បានការចាប់អារម្មណ៍បែបនេះទេ។ ខ្ញុំមានអារម្មណ៍សប្បាយ​រីក​រាយ​ណាស់”។

រូបភាព https://www.mdn.co.jp/

Tacnom ជាអក្សរកាត់មកពី Taku Nomu ភាសាជប៉ុនមានន័យថា “ផឹកនៅផ្ទះ” ។ ការបង្កើតកម្មវិធី Tacnom ដើម្បីភ្ជាប់ទំនាក់ទំនងមនុស្ស ២ លាននាក់តាមរយៈអេក្រង់កុំព្យូទ័រ/ទូរស័ព្ទអោយអង្គុយផឹក និងជជែកលេងជា​មួយ​គ្នា។ កម្មវិធី Tacnom បង្ហាញថាការវិវត្តន៍ និងការចាប់យកឳកាសអាចទទួលបានជោគជ័យឆាប់រហ័ស។

រូបភាព https://www.itmedia.co.jp/

ជនជាតិ​ជប៉ុនយល់ថាការណាត់ជួបផឹក​ដើម្បីបង្កើតទំនាក់ទំនងមិត្តភាពឬមិត្តរួមការងារក្នុងក្រុមហ៊ុន។ ដោយ​សារ​ជំងឺ​កូវីដ-១៩ ការបង្កើតកម្មវិធី Tacnom ទទួលជោគជ័យ។ កម្មវិធី Tacnom មិន​តម្រូវ​អោយទាញយកលើកុំព្យូទ័រដើម្បីដំឡើងឬចុះឈ្មោះទេ អ្នក​ប្រើគ្រាន់់តែបង្កើតតំណភ្ជាប់ URL និងចែករំលែកជាមួយមិត្តភក្តិដើម្បីចូល​រួម​ផឹកលក្ខណៈ​អនឡាញយ៉ាងច្រើន ១២ នាក់។ ការបង្កើតជាក្រុមដូចខាងក្រោម៖ https://tacnom.com/

លោក Kiyose ក៏សង្ឃឹម​ថាកម្មវិធី Tacnom អាចជួយរក្សាទំនាក់ទំនងមនុស្សគ្រប់គ្នា។

រូបភាព https://www.itmedia.co.jp/

ក្រុម​ហ៊ុន​ផលិតហ្គេមរបស់ជប៉ុនថែមទាំងផ្តល់ប្រាក់អោយបុគ្គលិក​ម្នាក់ៗចំនួន ៣,០០០ យ៉េន/ខែចាប់តាំងពីខែមេសាសម្រាប់ចំណាយទៅលើអាហារដើម្បីលើកទឹកចិត្តអ្នក​រាល់គ្នា “ផឹកអនឡាញ” ធ្វើការនៅផ្ទះប៉ុន្តែបុគ្គលិកនៅ​តែ​សាមគ្គី។ មិនត្រឹមតែប៉ុណ្ណឹងកម្មវិធី Tacnom ក៏ក្លាយជាកន្លែងជួបជុំសម្រាប់ក្រុមមនុស្សដែល​មានចំណូលចិត្តដូចគ្នា។ មនុស្សម្នាក់ប្រើ Tacnom ឈ្មោះ Anzu បាននិយាយថាគាត់​ជួប​ជុំផឹកអនឡាញជាមួយមិត្តភក្តិ ៨ នាក់ទៀតដែល​​មាន​ចំណូល​ចិត្ត​លើ​សម្លៀកបំពាក់។ ដើមឡើយពួកគេគ្រោងណាត់ជួបគ្នានៅខារ៉ាអូខេប៉ុន្តែគ្រប់កន្លែងសុទ្ធតែបិទ​ដូច្នេះ​ពួកគេប្តូរទៅផឹកតាមរយៈកម្មវិធី Tacnom វិញ។

រូបភាព https://www.itmedia.co.jp/

បច្ចុប្បន្នរដ្ឋាភិបាលបានលុបបទបញ្ជាប្រអាកាសអាសន្ននៅតាមខេត្តក្រុងមួយចំនួន​ ប៉ុន្តែទីក្រុងធំៗនៅតែបន្តគោរព​តាម​សេចក្តីថ្លែងការណ៍របស់រដ្ឋាភិបាលកាត់បន្ថយចេញក្រៅ និងប្រមូលផ្តុំនៅតាមទីសាធារណៈ។ នៅផ្ទះមិន​មែនមានន័យថាឃ្លាតឆ្ងាយគ្នាទេ។

AD