ហេតុអ្វីបានជាសត្វចចកនៅប្រទេសជប៉ុនផុតពូជ?

ថ្ងៃព្រហស្បតិ៍ 21/05/2020 | 15:33 ល្ងាច

សត្វចចកភាគច្រើនបង្ហាញខ្លួនក្នុងរឿងនិទានឬត្រូវគេគោរពបូជានៅក្នុងប្រាសាទជប៉ុន ប៉ុន្តែគួរអោយសោកស្តាយសត្វចចកនៅជប៉ុនផុតពូជមិនយូរប៉ុន្មានទេ។ សត្វចចកចុងក្រោយដែលស្លាប់នៅជប៉ុនឆ្នាំ ១៩០៥ ប្រហែលជាង ១០០ ឆ្នាំមុន។ តើមូលហេតុអ្វីបណ្តាលអោយសត្វចចកផុតពូជ?

នៅប្រទេសជប៉ុនមានចចកពីរប្រភេទគឺចចក Honshu និងចចក Hokkaido ឬគេហៅថាចចក Ezo ។ ពូជចចក Honshu មានតែនៅក្នុងប្រទេសជប៉ុនប៉ុណ្ណោះ។ ផ្ទុយទៅវិញពូជចចក Hokkaido ត្រូវគេរកឃើញនៅ Sakhalin និងប្រទេសរុស្ស៊ី។ ប្រភេទចចកជប៉ុនមានទំហំតូចជាងសត្វចចកពណ៌ប្រផេះដែលគេរកឃើញនៅអាមេរិកខាងជើង។

សត្វចចកដែលផុតពូជនៅប្រទេសជប៉ុន

សត្វចចករស់នៅដោយសន្តិភាពជាមួយមនុស្សអស់រយៈពេលច្រើនសតវត្សរ៍មកហើយ។ កសិករជប៉ុនយល់ថាវត្តមានរបស់ចចកលូជួយអោយយើងដឹងសត្វដទៃមកបំផ្លាញដំណាំ។ ប៉ុន្តែចាប់ពីទសវត្សឆ្នាំ ១៧០០ ជំងឺឆ្កែឆ្កួតដែលមកពីប្រទេសចិនចាប់ផ្តើមកើតឡើងនៅប្រទេសជប៉ុន។ សត្វចចកជាច្រើនឆ្លង ចាប់តាំងពីពេលនោះមកសត្វចចកកាន់តែអាក្រក់។ ការសម្លាប់សត្វចចកបានក្លាយជាគោលនយោបាយជាតិក្នុងសម័យ Meiji បញ្ហានេះធ្វើអោយចចក Hokkaido ត្រូវផុតពូជ។

View this post on Instagram
P20「疾駆」部分。#狼 #日本狼 #狼信仰#三峰神社#ペン画#絵#wolf #art
A post shared by 玉川麻衣 (@mai.tamagawa0508) on Feb 5, 2017 at 7:02pm PST

បញ្ហាសត្វចចកផុតពូជនៅជប៉ុនជារឿងគួរអោយស្តាយក្នុងប្រវត្តិសាស្ត្ររដែលបង្ហាញពីជម្លោះរវាងមនុស្ស និងសត្វព្រៃ។ រឿងនេះក៏រំលឹកប្រជាជនជប៉ុនអ្វីដែលបាត់បង់មិនអាចត្រឡប់មកវិញបានទេ។ ដូច្នេះហើយនៅភូមិ Higashiyoshino មានកន្លែងរំលឹកប្រភេទសត្វនេះនៅ Nara ជាមួយកំណាព្យ Haiku របស់ Toshio Mihashi ។ ខ្លឹមសារដូចខាងក្រោម៖

ខ្ញុំដើរលេង

ជាមួយចចកនោះ

វាមិនមានទៀតទេ

សម្រាប់អ្នកដែលចង់ស្វែងយល់បន្ថែមអំពីជីវិតរបស់សត្វចចកនៅប្រទេសជប៉ុន អ្នកអាចពិនិត្យមើលគំរូឆ្អឹងក្នុងសារមន្ទីរ។ មានគំរូឆ្អឹងចចក Hokkaido នៅសារមន្ទីរសាកលវិទ្យាល័យ Hokkaido និងគ្រោងឆ្អឹងប្រភេទសត្វនេះក្នុងឧទ្យាន Ueno ទីក្រុងតូក្យូ។