ថែរក្សាសុខភាព និងទទួលទានមុខម្ហូបកាន់តែឆ្ងាញ់ជាមួយនឹងសម្ភារៈដែក Nanbu

Iwate ជាតំបន់ធំមួយនៅភាគឦសានប្រទេសជប៉ុន (Tohoku) មានប្រវត្តិវប្បធម៌ម្ហូបប្រមាណ ៤០០ ឆ្នាំមកហើយ។ ក្រៅ​ពី​នេះ​ក៏ជាប្រភពនៃ Nanbu Tekki (សម្ភារៈដែក Nanbu) ប្លែកៗផងដែរ។

រូបភាព https://ja.wikipedia.org/wiki/南部鉄器

នេះជាកំសៀវទឹកដែលគេធ្វើពីដែក ប្រភេទដែក Nanbu តែងតែមានពណ៌ខ្មៅ។

Iwate ជាតំបន់សម្បូរទៅដោយធនធានដែកមានគុណភាពខ្ពស់ ប្រជាជនក្នុងតំបន់ច្រើនតែផលិតឧបករណ៍ប្រើប្រាស់​ក្នុង​ផ្ទះ។ តើកំសៀវដែកមានអ្វីពិសេស? ទឹកដែលពុះក្នុងកំសៀវដែក Nanbu មានរសជាតិពិសេស ហើយមានប្រសិទ្ធភាព​ក្នុងការការពារជំងឺខ្វះឈាម។

ជាតិដែកដែល​មាន​ក្នុងកំសៀវរលាយចូលពេលទឹកពុះជ្រាបចូលរាងកាយ។ កង្វះជាតិដែកបណ្តាលឲ្យ​ស្លេកស្លាំងហើយ​វិល​មុខ។ យើងអាចការពារជំងឺនេះដោយប្រើកំសៀវដែក Nanbu ។ 

គេនិយាយថា កំសៀវអាចបំបាត់ក្លិនមិនល្អរបស់ក្លរីនដែលគេប្រើក្នុងទឹកម៉ាសុីន។

ទោះជាយ៉ាងណា គុណវិបត្តរបស់កំសៀវដែកមានទម្ងន់ធ្ងន់ ប៉ុន្តែគុណសម្បតិ្តរបស់កំសៀវនេះមិន​ត្រឹម​តែ​ត្រូវ​បានទទួល​​​ស្គាល់​ក្នុងប្រទេសប៉ុណ្ណោះទេ ថែមទាំងនៅលើពិភពលោកទៀតផង។

ក្រៅពីកំសៀវដែកមានទាំងឆ្នាំងដែក Nanbu ផងដែរ។

រូបភាព https://paypaymall.yahoo.co.jp/store/citygas/item/la18-0007/

និងបន្ទះអាំង

រូបភាព http://umasoul.blog81.fc2.com/blog-entry-1661.html

ព្រោះតែទម្ងន់ធ្ងន់យើងអាចដឹងថាបរិមាណដែកខ្ពស់ ដូច្នេះសរុបមកគុណសម្បត្តិនៅតែច្រើនជាងគុណវិបត្តិ។

ឆ្នាំងដែលស្រាលមិន​អាចរក្សាកំដៅបានល្អនោះទេ នៅពេលបន្ថែមគ្រឿងផ្សំក្នុងឆ្នាំងសីតុណ្ហាភាពនឹងថយចុះដោយ​​សារ​ម្តៅរបស់គ្រឿងផ្សំ។ ដូច្នេះពេលបិទចង្ក្រានឆ្នាំងថយកម្តៅលឿនណាស់។

ឆ្នាំងដែក Tekki ដែលគេផលិតចេញពីដែកក្រាស់អាចរក្សាកម្តៅបានល្អ ដូច្នេះ​អ្នកមិន​ចាំបាច់បារម្ភទៅលើកម្តៅក្នុង​ពេល​ចម្អិន​ម្ហូបទេ។

ដូចជានៅពេលអាំងសាច់រយៈពេលអាំងខ្លីកុំឲ្យ​សាច់ខ្លោច។ ប្រសិន​បើប្រើ​បន្ទះអាំងសាច់ស្តើងពេលដាក់សាច់លើ​បន្ទះ​អាំង​នឹង​ថយ​កម្តៅត្រូវរង់ចាំបន្ទះអាំងក្តៅ។ រឿងនេះនឹង​មិនកើតឡើងឡើយ ប្រសិនបើអ្នកប្រើបន្ទះអាំង Nanbu ។

ក្រៅពីនេះជាតិដែក​ក្នុងបន្ទះអាំងសាច់ជ្រាបចូលគ្រឿងផ្សំជួយឲ្យ​រាងកាយស្រូបយកបានល្អ។

ម្យ៉ាងវិញទៀត ដែក Nanbu មានភាពធន់អ្នកអាចប្រើជាង ១០០ ឆ្នាំ។

សម្រាប់អ្នកដែលតែងតែវិលមុខដោយសារខ្វះឈាម ខ្ញុំសូមណែនាំឲ្យ​ចម្អិនម្ហូបជាមួយសម្ភារៈដែក Nanbu នេះ។ គ្រាន់​​តែ​យក​ចិត្តទុកដាក់ចំពោះសុខភាពរបស់អ្នកពេលប្រើសម្ភារៈចម្អិន អ្នក​អាចទទួលទាន​ម្ហូបឆ្ងាញ់ និងល្អសម្រាប់​សុខ​ភាព។ នេះជាវិធីសាស្ត្របង្ការដែលមានប្រសិទ្ធភាពជាជាងផឹកថ្នាំ។ 

Kengo Abe