កន្ទេល Tatami ជាផ្នែកមួយនៃវប្បធម៌ប្រពៃណីជប៉ុន – ហេតុអ្វីបានជាអ្នកមិនអាចជាន់លើគែមកន្ទេល Tatami ?

កន្ទេល Tatami គឺជាផ្នែកមួយនៃវប្បធម៌ប្រពៃណីរបស់ជប៉ុន។

រូបភាព https://halmek.co.jp/qa/626

គេត្បាញកន្ទេលចេញពីរុក្ខជាតិដែលមានឈ្មោះថា Igusa យឺតល្អ និងស្រូបយកសំណើម។ ប្រជាជនជប៉ុននៅតែនិយម​ប្រើ​កន្ទេល​បែបបុរាណនេះព្រោះវាទន់ សព្វថ្ងៃគេប្រើជំនួសគ្រែគេង។ លើសពីនេះ ឱសថ​មាន​ក្លិន​ពិសេសនាំ​មក​នូវ​អារម្មណ៍លក់ស្រួល។ ប្រសិន​បើ​អ្នក​ចង់គេងថ្ងៃគ្រាន់តែដេកលើកន្ទេលនេះ។

យ៉ាងណាមិញ មានច្បាប់ទម្លាប់មួយដែលអ្នកប្រើ Tatami សូម្បីតែក្មេងក៏ត្រូវដឹងនោះគឺ “កុំជាន់លើគែមកន្ទេល “Tatami” ។ គែមកន្ទេលមានពណ៌ខៀវព័ទ្ធជុំវិញដូចក្នុងរូបខាងលើ។

ហេតុ​អ្វី​ត្រូវ​ធ្វើដូច្នេះ? ចូរយើងស្វែងយល់ពីមូលហេតុទាំងអស់គ្នា។

ដើម្បីពន្យល់យើងត្រូវនិយាយអំពីប្រវត្តិរបស់កន្ទេល Tatami ។

កន្ទេល Tatami មានប្រវត្តិយូរអង្វែង ដែលគេផ្តើមប្រើនៅសម័យ Nara ប្រហែល ១៣០០ ឆ្នាំមុន។ នៅពេលនោះ Tatami មានតម្លៃថ្លៃណាស់ មានតែវណ្ណៈអភិជនទើបប្រើ ហើយគេក្រាលតែមួយផ្នែកក្នុងផ្ទះប៉ុណ្ណោះ។ រហូតប្រហែល ៨០០ ឆ្នាំក្រោយមកទើបគេក្រាលកន្ទេល Tatami ក្នុងផ្ទះ ហើយក៏ជាពេល Seiza – របៀបអង្គុយបែបជប៉ុនផ្តើមមាន។

រូបភាព https://shikitari.net/kurasi-mana/dailymanners/manners/1992/

ដោយសារកន្ទេល Tatami ទន់ទើបប្រជាជនជប៉ុនអាចអង្គុយបែប Seiza រយៈពេលយូរ។ ក្រៅពីនេះ Tatami ត្រូវ​បាន​​គេ​​ប្រើ​សម្រាប់​ក្រាល Kendo ឬ Judo ។ រយៈ​ពេល ៤០០ ឆ្នាំ ទើបកន្ទេល Tatami កាន់តែពេញនិយម ហើយសូម្បី​​តែ​ប្រជាជនធម្មតាក៏អាចប្រើបាន។

មូលហេតុ​កុំជាន់លើគែមកន្ទេល Tatami មានដូចជា៖

១. និមិត្តសញ្ញាគ្រួសារ

កាលពីមុនគ្រួសារអភិជន ឬសាមូរ៉ៃជប៉ុនសុទ្ធតែមាននិមិត្តសញ្ញាគ្រួសារគេហៅថា 家紋 (Kamon) ។ និមិត្តសញ្ញាពិសេសនេះគេគូរតាមគែមកន្ទេល Tatami ។ ហេតុនេះជាន់លើគែមកន្ទេលដូចជាជាន់លើនិមិត្តសញ្ញាជាទង្វើខ្វះការ​គោរព។

២. ការពារកន្ទេល

ដោយដឹងថា កន្ទេល Tatami កាលពីមុនមិនធន់ដូចជាកន្ទេល Tatami សព្វថ្ងៃទេ។ លើសពីនេះចំពោះកន្ទេលដែលថ្លៃគេប៉ាក់ដោយប្រើអំបោះមាស ឬប្រាក់ ដូច្នេះ​ដើម្បីរក្សារូបគំនូរដ៏មានតម្លៃ។

៣. សាមូរ៉ៃ

មូលហេតុ​ចុងក្រោយទាក់ទងនឹងសាមូរ៉ៃ។ កាលពីបុរាណសាមូរ៉ៃច្រើនតែត្រូវគំរាមធ្វើឃាតដោយ Ninja ។ ភាគច្រើន Ninja ស្ទាក់លើដំបូលផ្ទះ ឬចាក់កាំបិតក្រោមកន្ទេល Tatami ។ ប៉ុន្តែដោយសារ Tatami ក្រាស់ពេកទើប Ninja មានទំនោរចាក់កាំបិតនៅចន្លោះគែម។ ដូច្នេះហើយទើបមនុស្សសម័យមុនហាមមិន​អោយជាន់លើគែមកន្ទេល​ ព្រោះអាចប៉ះកាំបិតពុលរបស់ Ninja ។

ពណ៌គែមកន្ទេលអាស្រ័យលើវណ្ណៈក្នុងសង្គមផងដែរ។ គែមកន្ទេលដែលក្រាលក្នុងបន្ទប់របស់ស្តេចមាន​ពណ៌​ឆើត​ឆាយ និងថ្លៃថ្នូរ។ គែមពណ៌ស្វាយសម្រាប់ព្រះសង្ឃហើយចំណែកសាមូរ៉ៃគែមមានពណ៌លឿង។ ចំណែកកន្ទេលរបស់ប្រជា​ជន​សាមញ្ញ​មិន​អាចធ្វើគែមទេ។

នេះក៏ជាលក្ខណៈវប្បធម៌ចម្លែកនៅពេលកន្ទេល Tatami សព្វថ្ងៃយើងអាចប្រើបាន។

សព្វថ្ងៃនេះមានកន្ទេល Tatami ដែលមានតំលៃថោកច្រើន ប៉ុន្តែមិន​ធ្វើចេញពីឱសថទេគេផលិតចេញពីផ្លាស្ទិចដូច្នេះ​គ្មានក្លិនក្រអូប និងមិនស្រូបសំណើម។

ដូច្នេះប្រសិនបើអ្នកចង់ស្វែងយល់អំពីវប្បធម៌ជប៉ុនសូមជ្រើសរើសផ្ទះសំណាក់បែបជប៉ុនដែលប្រើកន្ទេល Tatami ពិត។ អ្នក​នឹងគេងលក់ស្រួលលើកន្ទេល Tatami ពិតហើយកុំជាន់គែមកន្ទេលអោយសោះ។ 

Kengo Abe