ប្រភេទកង់ដែលគេនិយមប្រើនៅប្រទេសជប៉ុន

មនុស្សមួយចំនួន​ចូលចិត្តជិះកង់ដើរលេងកំសាន្តគ្រប់ទីកន្លែង។ ប្រសិនបើអ្នកគាំទ្ររឿង Manga, Anime អ្នកប្រហែលជាចង់​វិល​ត្រឡប់​ទៅ​រក​អារម្មណ៍ជិះកង់ទៅសាលារៀន នៅពេលឃើញតួអង្គជិះកង់ទៅសាលាឆ្លងកាត់ផ្លូវស្ងាត់​ខ្សល់បក់ត្រជាក់។

រូបភាព https://www.wallpaperflare.com/city-bicycle-anime-girls-natsu-no-sora-railway-crossing-real-people-wallpaper-tpqma

រូបភាព https://www.wallpaperflare.com/anime-your-lie-in-april-bicycle-kaori-miyazono-kousei-arima-wallpaper-psxsr

ប្រជាជនជប៉ុនច្រើនតែជិះកង់តាមតំបន់ជនបទ និងទីប្រជុំជនផងដែរ។ អ្នកអាចមើលឃើញ​សេវាកម្មជួលកង់តាម​ដងផ្លូវ។

ហេតុ​អ្វីបានជានៅប្រទេសជប៉ុននៅតែនិយមប្រើកង់?

នៅប្រទេសជប៉ុនកង់មានតាំងពីទសវត្សឆ្នាំ ១៩៥០ ម៉ូដែល Mamachari ដែលល្បី។ ក្នុងអំឡុងទសវត្ស ១៩៧០ ក្រុមហ៊ុន​ផលិត​របស់ជប៉ុននាំចេញកង់ប្រហែល ១ លានគ្រឿងទៅសហរដ្ឋអាមេរិកជារៀងរាល់ឆ្នាំ។

រូបភាព https://www.pinterest.com/pin/571605377699290889/

ជនជាតិ​ជប៉ុនប្រើកង់ធ្វើដំណើរទៅសាលា ទៅផ្សារទំនើប ហាងលក់ទំនិញឬស្ថានីយ៍រថភ្លើង។ តាមពិតហេដ្ឋារចនាសម្ព័ន្ធនៅប្រទេស​ជប៉ុន​មិន​​ឆ្ងាយ​ទេ អ្នក​គ្រាន់តែដើរឬអាចជិះកង់ក៏បាន។ ប្រសិន​បើ​អ្នក​ជិះ​កង់ក្នុងទីក្រុងដែលមានមនុស្ស​ច្រើន​ដូចជាតូក្យូមិនត្រឹមតែថ្លៃទេថែមទាំងត្រូវចំណាយច្រើនផង។

កង់ទាំង ៤ ប្រភេទដែលគេនិយមប្រើនៅជប៉ុនមានដូចជា៖

១. Mamachari

រូបភាព http://www.tokyobybike.com/2009/06/introducing-mamachari.html

កង់ប្រភេទនេះភាគច្រើនឃើញក្នុងរឿង Anime និង Manga ។ មូលហេតុ​ដែលគេហៅថា Mamachari ព្រោះអ្នកម្តាយអាចដឹកកូនៗរបស់ពួកគេបានយ៉ាងងាយស្រួល។ ប្រភេទកង់មានកន្រ្តកធំអាចផ្ទុករបស់របរបានច្រើន ប៉ុន្តែ​ប្រាកដ​ជា​ពិបាកប្រសិនបើអ្នកចង់ជិះឡើង​ទួលខ្ពស់។

២. ទម្រង់កង់បត់

រូបភាព https://bicyclebuysell.com/user/item/418546/japan-folding-bicycle

នេះជាប្រភេទកង់ដែលងាយស្រួលបំផុតអាចឡើងទួលខ្ពស់យ៉ាងល្អ។ ជាពិសេសអ្នកអាចបត់វារួចយកតាមខ្លួនទៅគ្រប់ទីកន្លែង។ ដោយសារការរចនាផ្តោតទៅលើមុខងារបត់ដូច្នេះវាមិន​អាចផ្ទុករបស់របរបានច្រើនទេ។

៣. កង់កីឡា

រូបភាព https://aminoapps.com/c/japan/page/blog/bicycles-in-japan/aBs0_ugzQr2Z0ZJpNNN7VW3qEkrqJk

កីឡាករប្រណាំងកង់និយមប្រើកង់ប្រភេទនេះ គ្រាន់តែយកទឹកមួយដបតាមអ្នកអាចជិះទៅគ្រប់ទីកន្លែង។

៤. កង់អគ្គិសនី

ប្រសិនបើអ្នកមិន​ចង់ជិះកង់ធម្មតា អ្នក​អាចសាកល្បងជិះកង់អគ្គិសនី។ ឈ្នាន់មានថ្មសាកជួយអោយអ្នកប្រើជិះឡើង​ទួល​បានយ៉ាងស្រួល។

រូបភាព https://www.greenprophet.com/2014/02/an-electric-bike-getaway-car-used-by-israeli-bomber/

តម្លៃកង់ថ្មីនៅជប៉ុនប្រហែលជាថ្លៃប៉ុន្តែអ្នកអាចទិញកង់ជជុះឬកង់ second-hand ដែលមានគុណភាព​​ល្អ។ ប្រសិន​បើ​អ្នកធ្លាប់​ជិះ​កង់​ជប៉ុន​អ្នក​ប្រាកដ​ជា​យល់​ពី​មូលហេតុ​។

ម្ចាស់កម្មសិទ្ធិកង់នៅប្រទេសជប៉ុន

នៅកម្ពុជាគ្រាន់តែទិញកង់នៅហាងអ្នកអាចជិះទៅគ្រប់ទីកន្លែង ប៉ុន្តែនៅប្រទេសជប៉ុនមិន​ដូចគ្នាទេ។ អ្នក​ត្រូវ​យកកង់ទៅចុះឈ្មោះ បន្ទាប់មកកង់របស់អ្នកមាន sticker សម្រាប់បិទ។ ហេតុ​អ្វី​បានជាត្រូវ​ចុះឈ្មោះកង់សម្រាប់ប្រើក្នុងករណីកង់ត្រូវគេលួច។

រូបភាព https://aminoapps.com/c/japan/page/blog/bicycles-in-japan/aBs0_ugzQr2Z0ZJpNNN7VW3qEkrqJk

ក្រៅពីនេះកត់សម្គាល់ច្បាប់មួយពេលប្រើប្រាស់កងដូចជា៖

• ជិះប្រកាន់ឆ្វេងជានិច្ច
• ជិះក្នុងគំនូសផ្លូវសម្រាប់កង់
• នៅពេលឆ្លងកាត់ផ្លូវសម្រាប់អ្នកដំណើរអ្នកជិះកង់ត្រូវផ្តល់អទិភាពអ្នកថ្មើរជើង
• មិន​ដឹកទំនិញច្រើន
• មិន​អាចយកកង់ឡើងរថភ្លើងលើកលែងតែកង់ប្រភេទបត់។

ប្រសិនបើអ្នកជាជនបរទេសដែលធ្លាប់ទិញកង់ជិះហើយមិនដឹងថាត្រូវធ្វើយ៉ាងណាកុំបោះចោល។ ព្រោះជនជាតិជប៉ុន​​ប្រាកដ​ជា​រកឃើញ​ម្ចាស់​កង់ ហើយអ្នកត្រូវបង់ប្រាក់ពិន័យបើអ្នកទៅជប៉ុនលើកក្រោយ។ កុំបោះចោលអ្នក​អាច​ដាក់​លក់​ក្នុងហាងដែលគេប្រើរួច។

Sacchan