កីឡាករចំបាប់ Sumo ជប៉ុនទទួលមរណៈភាពដោយសារឆ្លងជំងឺកូវីដ-១៩

កីឡាករចំបាប់ Shobushi ឈ្មោះពិតហៅថា Kiyotaka Suetake អាយុ ២៨ ឆ្នាំ​ត្រូវ​បានប្រកាសថាស្លាប់ក្នុងកំឡុង​ពេល ១ ខែប្រយុទ្ធជាមួយ​ជំងឺកូវីដ-១៩ គាត់គឺជាកីឡាករ Sumo ជប៉ុនដំបូងដែល​ទទួលមរណៈដោយសារតែជំងឺ​កូវីដ-១៩។ យោងតាមព័ត៌មានបានអោយដឹងថា Shobushi ត្រូវបញ្ចូនចូលមន្ទីរពេទ្យកាលពីខែមេសាបន្ទាប់ពី​គេធ្វើ​តេស្ត៍​រក​ឃើញវីរុស​នេះ ហើយនៅខែមេសាសមាគម Sumo ជប៉ុន​ប្រកាស​ថាមានកីឡាករចំនួន ៥ នាក់ឆ្លង​មេ​រោគ​កូវីដ-១៩ នៅ Takadagawa ។

រូបភាព https://ione.net/tin-tuc/nhip-song/vo-si-sumo-dau-tien-o-nhat-chet-vi-ncov-4098876.html

កីឡាករ Shobushi ចាប់ផ្តើមចូលរួមប្រកួតអាជីពនៅឆ្នាំ ២០០៧ នៅ Takadagawa -heya ។ រហូតមកដល់ពេលនេះ​គាត់​ទទួលបានសមិទ្ធិផលខ្ពស់ៗជាច្រើន ហើយជាប់ចំណាត់ថ្នាក់លេខ ១១ នៃចំណាត់ថ្នាក់ Sandanme ក្នុងប្រព័ន្ធ​សមាគម។

* Sumo ត្រូវបានបែងចែកជា ៦ កម្រិតរួមមាន៖

+Makuuchi (អ្នកចំបាប់យ៉ាងច្រើន ៤២ នាក់)

+ Jūryō (អ្នកចំបាប់ថេរ ២៨ នាក់)

+Makushita (អ្នកចំបាប់ថេរ ១២០ នាក់)

+Sandanme (អ្នកចំបាប់ថេរ ២០០ នាក់)

+Jonidan (អ្នកចំបាប់ប្រមាណ ២០០ នាក់)

+Jonokuchi (អ្នកចំបាប់ប្រមាណ ២០០ នាក់)

កីឡាករចំបាប់កម្រិតនីមួយៗទទួលបានប្រាក់ខែ សិទ្ធិ និងកេរ្តិ៍ឈ្មោះខុសគ្នា។

រូបភាព https://thanhnien.vn/the-thao/toan-canh-the-thao/the-thao-nhat-ban-soc-khi-do-vat-sumo-tu-vong-do-nhiem-covid-19-115142.html

កីឡាករ Shobushi ទទួលមរណភាពនៅអាយុ ២៨ ឆ្នាំជាវេលាដែលឧបសគ្គ និងកិត្តិនាមជាច្រើនកំពុងរងចាំ។  នេះ​​ជា​​ករណី​​ស្លាប់ដ៏កម្រមួយក្នុងវ័យ ២០ ឆ្នាំនៅប្រទេសជប៉ុន។ មុននេះអ្នកជំងឺក្មេងបំផុតស្លាប់នៅប្រទេសជប៉ុនអាយុ ៣០ ឆ្នាំ។

រូបភាព https://zingnews.vn/vo-si-sumo-dau-tien-tu-vong-vi-covid-19-tai-nhat-ban-post1084232.html

សមាគមន៍ Sumo របស់ប្រទេសជប៉ុនប្រកាសថាការប្រកួតរដូវក្តៅចាប់ពីថ្ងៃទី ២៤ ខែឧសភាដល់ថ្ងៃទី ៧ ខែមិថុនា​​នៅ​ទីក្រុងតូក្យូត្រូវ​លុបចោលដោយសារជំងឺកូវីដ-១៩។ នៅ Osaka ការប្រកួតនិទាឃរដូវដែលប្រារព្ធធ្វើឡើង​នា​ខែ​មីនា​នៅពហុកីឡដ្ឋានក៏គ្មានអ្នកទស្សនាដែរ។ សមាគម Sumo និយាយថាមិនអាចប្រារព្ធរៀបចំការប្រកួតរដូវក្តៅ​ទេ បន្ទាប់ពីរដ្ឋាភិបាលជប៉ុនចេញសេចក្តីប្រកាសបន្ទាន់ទូទាំងប្រទេស។ ផែនការជាច្រើនក្នុងឆ្នាំ ២០២០ របស់បណ្តា​ប្រទេស​ដែលរួមមានព្រឹត្តិការណ៍គួរអោយកត់សម្គាល់បំផុតនៅក្នុងប្រទេសជប៉ុនដូចជាកីឡាអូឡាំពិកក៏ត្រូវ​​ពន្យារ​ពេល។ ពិតជាគួរអោយសោកស្តាយចំពោះវិស័យកីឡាជប៉ុន។

AD