“កំពូលបុរសសង្ហា Geisha” បង្ហាញរូបថតមុនកែសម្ផស្សរបស់ខ្លួន

ថ្ងៃចន្ទ 04/05/2020 | 9:36 ព្រឹក

បុរសម្នាក់ឈ្មោះ Roland ត្រូវគេស្គាល់ថាជា Host នាំមុខគេនៅជប៉ុន។ ជាមួយនឹងទម្រង់មុខល្អឥតខ្ចោះបុរសរូបនេះត្រូវឆ្លងកាត់ការវះកាត់កែសម្ផស្សជាច្រើនដងទើបមានមុខមាត់បែបនេះ។ Roland មានទំនុកចិត្ត និងមិនខ្មាសអៀនចំពោះរូបភាពពីមុនរបស់ខ្លួនឡើយ។

ប៉ុន្មានឆ្នាំនេះបុរសទទួលភ្ញៀវក្នុងក្លឹបរាត្រីមិនមែនជាការងារដែលចម្លែកទៀតទេ តួនាទីរបស់ពួកគេដូចជាជជែកលេង ច្រៀង រាំ ហើយគ្មានអំពើពេស្យាចារទេ។ ពួកគេប្រើជំនាញផ្ទាល់ខ្លួនជជែកកំសាន្តធ្វើយ៉ាងណាអោយភ្ញៀវមានអារម្មណ៍សប្បាយរីករាយ។

រូបភាព https://masyu-maro.com/?p=4941

នៅក្នុងអាជីពនេះគេដាក់រហ័សនាមគាត់ថា “កំពូលបុរស Geisha” គាត់ទទួលបានជោគជ័យពឹងទៅលើរូបរាង និងបុគ្គលិកលក្ខណៈរបស់ខ្លួន ហើយក៏ទទួលស្គាល់ថាខ្លួនធ្លាប់រវះកាត់កែសម្ផស្សដើម្បីអោយមានរូបរាងទាក់ទាញដូចសព្វថ្ងៃ។ នៅក្នុងបទសម្ភាសន៍តាមទូរទស្សន៍គាត់ធ្លាប់បង្ហាញរូបថតមុនពេលវះកាត់របស់ខ្លួនដល់សាធារណៈជនតាំងពីនៅរៀនវិទ្យាល័យសាលា Teikyo ។

រូបភាពរបស់ Roland កាលពីនៅរៀនមើលទៅសាមញ្ញធម្មតាខុសពីរូបរាងបច្ចុប្បន្នជាបុរសសង្ហា។ បើប្រៀបធៀបយើងអាចឃើញក្រសែភ្នែក ទម្រង់មុខ និងច្រមុះធ្លាប់ឆ្លងកាត់ការវះកាត់។ គាត់និយាយថាខ្លួនចំណាយប្រហែល ១០ លានយ៉េនសម្រាប់កែត្របកភ្នែក ច្រមុះ ចាក់ថ្នាំ Botox និងប្រាក់មួយចំនួនផ្សេងទៀតចំណាយប្រចាំខែ។

រូបភាព https://geronag.com/talent/1563/

ទ្រព្យសម្បត្ដិរបស់ Roland មានដូចជាឡានទំនើប ទំនិញម៉ាកល្បី -ល- ។ ក្រៅពីការងារធ្វើជាបុរសទទួលភ្ញៀវដ៏ល្បីឈ្មោះនៅជប៉ុន គាត់ថែមធ្វើជាតារាបង្ហាញម៉ូដ និងធ្វើជាអ្នកតំណាងអោយម៉ាកល្បីៗជាច្រើន។ នៅលើទំព័រផ្ទាល់ខ្លួនរបស់ Roland មានអ្នកតាមដានជាង ១០០,០០០ នាក់។ Roland សប្បាយរីករាយចំពោះការខិតខំ និងលទ្ធផលការងាររបស់ខ្លួន ជារៀងរាល់ថ្ងៃគាត់ទទួលបានការគាំទ្រពីយុវជន និងអ្នករួមអាជីព។ គាត់និយាយថា “មានបុរសពីរប្រភេទលើពិភពលោកគឺខ្ញុំ និងបុរសដទៃទៀត”។

ប្រភព Teepr