សេចក្តីថ្លែងការណ៍ “មិនគោរពស្ត្រី” របស់អភិបាលក្រុង Osaka ត្រូវបណ្តេញចេញ

លោក Ichiro Matsui អភិបាលក្រុង Osaka ថ្មីៗនេះធ្វើអោយប្រជាជនមិនពេញចិត្តព្រោះនិយាយបង្អាប់ស្រ្តីដោយនិយាយ​ថា​បុរស​គួរ​តែទៅផ្សារក្នុងកំឡុងពេលមានជំងឺរាតត្បាតព្រោះស្ត្រីទៅផ្សារខាតពេល។

បច្ចុប្បន្ននេះប្រទេសជប៉ុនកំពុងស្ថិតក្នុងភាពអាសន្នព្រោះ Covid-19 ប្រជាជននៅតំបន់មួយចំនួនមិន​ត្រូវ​បានអនុញ្ញាត​អោយ​ចេញក្រៅដើរទិញឥវ៉ាន់ប្រចាំទេ មានតែមនុស្សម្នាក់ប៉ុណ្ណោះដែលចេញទៅទិញរបស់របរចាំបាច់។

ក្នុងសន្និសីទកាសែតនៅថ្ងៃទី ២៣ ខែមេសាលោក Matsui មានប្រសាសន៍ថា “បុរសគួរតែទទួលតួនាទីដើរ​ទិញ​ឥវ៉ាន់​​ពី​ព្រោះ​ស្ត្រី​យឺតយ៉ាវ គិតគូរពិចារណា លើកឡើងដាក់ចុះច្រើនដងទម្រាំតែសម្រេចចិត្តទិញ ចំណែកបុរសទិញរបស់​របរ​ដែលចាំបាច់បានលឿនហើយត្រលប់ទៅផ្ទះវិញ ដូច្នេះខ្ញុំគិតថាទុកអោយបុរសដើរផ្សារជំនួសស្រ្តីក្នុងកំឡុង​ពេល​​នេះ។”

រូបភាព https://www.newsweek.com/japanese-mayor-says-women-take-longer-grocery-shop-men-1500085

នៅពេលនោះបុរសអ្នកយកព័ត៌មានបានសាកសួរគាត់អំពីផែនការកាត់បន្ថយចំនួនអ្នកដែលទិញរបស់ចាំបាច់នៅផ្សារទំនើបដើម្បីកាត់បន្ថយការរីករាលដាលនៃវីរុស។ ទោះបីជាមានការជម្រុញអោយប្រជាជនគោរពតាមសំណើ​​របស់​រដ្ឋាភិបាលដើម្បីការពារសុខភាពរបស់ពួកគេក៏សេចក្តីថ្លែងការណ៍របស់លោក Matsui ស្តីពីស្ត្រីបង្កអោយ​​មាន​មតិផ្ទុយលើបណ្តាញសង្គមហើយត្រូវគេរិះគន់យ៉ាងខ្លាំង។

អ្នកប្រើបណ្តាញសង្គម Twitter ម្នាក់បាននិយាយថាសេចក្តីថ្លែងការណ៍នេះ “មិនគោរពស្ត្រី” ។

មនុស្សជាច្រើនផ្សេងទៀតលើកឡើងថាអភិបាលក្រុងមាន “ការរើសអើងចំពោះស្រ្តី”  ហើយបដិសេធថាស្ត្រីមិន​មែន​​យឺត​យ៉ាវ​ព្រោះនៅតែមាន “បុរសម៉ឺងម៉ាត់” និង​ “ស្រ្តីទន់ខ្សោយ” ។

យោបល់ផ្សេងទៀតនិយាយថា “តើគាត់គិតថាអ្នកជាម្តាយ និងភរិយាចូលចិត្តចំណាយពេលនៅផ្សារមែនទេ? តាមពិត​ពួក​គេ​ត្រូវ​រកវិធីធ្វើយ៉ាងណាអោយមានតុល្យភាពរវាងម្ហូប និងការចំណាយប្រចាំថ្ងៃ។”

បន្ទាប់ពីសេចក្តីថ្លែងការណ៍បង្កអោយមានមតិរិះគន់ជាច្រើនអភិបាលក្រុង Osaka ត្រូវបណ្តេញចេញ។

លោកក៏បានទទួលស្គាល់ថាការគិតរបស់គាត់គ្រាន់តែជាគំនិតភាគីម្ខាង ប៉ុន្តែគាត់បានសង្កត់ធ្ងន់ថាវាស្ថានភាពជាក់​ស្តែង​ក្នុងគ្រួសាររបស់គាត់។

ទោះបីជានៅជប៉ុន​ស្រ្តីមានចំនួន ៦៥% នៃចំនួនប្រជាជន និងទទួលបានការអប់រំខ្ពស់ ប៉ុន្តែប្រទេសជប៉ុនស្ថិតក្នុង​ចំណាត់ថ្នាក់ ១២១/១៥៣ ក្នុងបញ្ជីចំណាត់ថ្នាក់សមភាពយេនឌ័រនៃវេទិកាសេដ្ឋកិច្ចពិភពលោក។ ស្ត្រីនៅតែទទួល​​បន្ទុក​​មើលថែរក្សាកូន និងគ្រប់គ្រងការងារក្នុងផ្ទះសូម្បីតែពេលចេញទៅធ្វើការក៏ដោយ។

AD