រឿងព្រេងនិទានជប៉ុន “បុរសក្រីក្រក្លាយជាអ្នកមានដោយសារចំបើង”

រឿងព្រេងនិទានរបស់ប្រជាជនជប៉ុន “សេដ្ឋីចំបើង” និយាយពីបុរសក្រីក្រម្នាក់ស្រាប់តែក្លាយជាអ្នកមានដោយ​សារ​តែ​ចំបើង។ ក្លាយជាអ្នកមានដោយសារចំបើងឬ? ពិតជាមិនគួរអោយជឿទេ។

កាលពីព្រេងនាយមានបុរសកសិករឧស្សាហ៍ព្យាយាមម្នាក់ប៉ុន្តែនៅតែក្រីក្រ គាត់ចង់រួចផុតពីជីវិតក្រលំបាកហើយ​ក៏​ទៅ​សំពះព្រះម៉ែសន្តោសមេត្តា។ ព្រះមែ៉ប្រាប់គាត់ថា “ចេញពីវិហារយករបស់ដែលអ្នកប៉ះដំបូងលើដីហើយដើរទៅ​ទិស​ខាង​លិច” គាត់ធ្វើតាមចេញពីវិហារជំពប់ជើងដួល នៅពេលដួលដៃរបស់គាត់ប៉ះចំបើងលើដី។ គាត់​ក្រោក​ឈរ​ហើយបន្តធ្វើដំណើរតាមផ្លូវដៃកាន់​ចំបើង។

រំពេចនោះមានសត្វអណ្តើកមាសហោះតោងមុខររបស់គាត់ដេញយ៉ាងណាក៏មិន​ព្រមចេញ ទ្រាំមិនបានគាត់ចងវាជាប់ចំបើង ហើយក៏បន្តធ្វើដំណើរទៅទិសខាងលិចដៃកាន់ចំបើងរួមទាំងអណ្តើកមាស។ ដើរតាមផ្លូវឃើញម្តាយកូន​ពីរ​នាក់ កូនរបស់នាងយំយ៉ាងខ្លាំងមិន​ព្រមបាត់។ នៅពេលក្មេងឃើញគាត់កាន់ចំបើងក៏ឈប់យំម្តាយឃើញដូច្នោះ​សុំចំបើងអោយកូន។

គាត់ស្ទាក់ស្ទើរមួយសន្ទុះហើយក៏យល់ព្រមនឹងអ្នក​ម្តាយនោះប្រើចំបើងប្តូរយកក្រូចប៉ុន្មានផ្លែ បន្ទាប់មកគាត់ក៏បន្តដំណើរតាមផ្លូវគាត់ចង់បកក្រូចហូបតែឃើញឈ្មួញម្នាក់ធ្វើដំណើរកំសត់ព្រោះស្រេកទឹក។ ឈ្មួញម្នាក់នោះចរចាជាមួយ​គាត់ថា “សូមប្តូរក្រូចនោះខ្ញុំនឹងអោយអ្នកក្រណាត់មានតម្លៃ” ហើយគាត់បានយល់ព្រម។ លើកនេះគាត់​ជួប​សាមូរ៉ៃ​ម្នាក់​ចង់​សម្លាប់សេះព្រោះតែវាឈឺឃើញដូច្នេះគាត់អាណិតយកក្រណាត់សុំប្តូរសេះមួយក្បាល។ ក្រោយ​មក​គាត់ថែទាំសេះរហូតដល់ជាសះស្បើយមានសុខភាពរួចបន្តដំណើរទៅមុខទៀត។

គាត់ឆ្លងកាត់វិមានដ៏ធំមួយស្រាប់តែម្ចាស់វិមានចង់ធ្វើដំណើរផ្សងព្រេងតែមិនទាន់ត្រៀមសេះ។ ឃើញគាត់ជិះសេះល្អ​រួចសួរថា “អោយខ្ញុំខ្ចីសេះជាថ្នូរអ្នកអាចមើលថែវិមានជំនួសខ្ញុំ” បើ ៣ ឆ្នាំក្រោយមិនឃើញខ្ញុំត្រឡប់មកវិញទេវិមាន​​នេះ​​ជារបស់លោក”។

ដូច្នេះគាត់ក៏យល់ព្រមក្រោយរយៈពេល ៣ ឆ្នាំមិនឃើញម្ចាស់ត្រឡបមកវិញ រហូតដល់ ៥ ឆ្នាំបានកន្លងផុតទៅហើយមិនឃើញម្ចាស់វិមានគាត់ក៏ក្លាយជាម្ចាស់។ ហើយដូច្នេះបុរសក្រីក្រម្នាក់ក្លាយជាអ្នក​មានដោយសារចំបើង។

ព្រះវិហារពុទ្ធសាសនាដែលគាត់ធ្លាប់បួងសួងនៅពេលនោះគឺប្រា​សាទវិហារ Hasedera ស្ថិតនៅខេត្ត Nara ។ វត្តនេះត្រូវ​បាន​​កសាង​​ឡើង​នៅដើមសតវត្សរ៍ទី ៨ សាល​ធំ​សម្រាប់​គោរពបូជារូបសំណាកព្រះមែ៉ “Juichimen Kannon” ដែល​ត្រូវ​បាន​ទទួល​​ស្គាល់ជាសម្បត្តិជាតិ។

AD