ជីវិតក្លាយជាគ្រូបង្រៀនរៀបផ្កា Ikebana របស់ស្រ្តីជនជាតិជប៉ុនម្នាក់
ប្រទេសជប៉ុនជាដែនដីដែលល្បីល្បាញចំពោះវប្បធម៌រៀបផ្កា នេះជារឿងជីវិតពិតរបស់ស្រ្តីរៀបផ្កា Ikebana ជនជាតិជប៉ុនម្នាក់។
រូបភាព https://afamily.vn/
Hananofu Shuho (花士 珠寳) មកពីទីក្រុង Kobe ។ បន្ទាប់ពីរញ្ជួយដី Hanshin គាត់មានឱកាសជួបជាមួយនឹងលោក Okada Kozo ដែលជាអ្នកណែនាំគាត់អោយស្គាល់សិល្បៈរៀបផ្កាបុរាណ។ ចាប់តាំងពីពេលនោះគាត់ទៅរស់នៅប្រាសាទ Ginkaku នៅ Kyoto ។ ប្រាសាទនេះត្រូវបានទទួលស្គាល់ជាបេតិកភ័ណ្ឌវប្បធម៌កសាងឡើងនៅឆ្នាំ ១៤៩២ មានអាយុកាល ៥០០ ឆ្នាំក្នុងប្រវត្តិសាស្ត្រក្លាយជាសម្បត្តិវប្បធម៌ជាតិរបស់ជប៉ុន។
រូបភាព https://afamily.vn/
ដោយសារតែការយកចិត្តទុកដាក់របស់គាត់ រួមជាមួយនឹងចំណូលចិត្តចំពោះផ្កា គាត់ផ្តើមបង្ហាញស្នាដៃផ្ទាល់ខ្លួន។ ចាប់តាំងពីបានជួបលោកគ្រូ ជីវិតរបស់គាត់ក៏ផ្លាស់ប្តូរទាំងស្រុង គាត់ស្លៀកពាក់សាមញ្ញ និងមិនផាត់មុខក្រាសនោះទេ។ គាត់ផ្តោតសំខាន់ទៅលើផ្កា រុក្ខជាតិធម្មជាតិជាដើម។ គាត់តែងតែបង្ហាញស្នាដៃរៀបផ្កា Ikebana ដោយខ្លួនឯង។
សម្រាប់គាត់ថូផ្កាស្រស់ស្អាតមិនត្រឹមតែបង្ហាញអំពីការរៀបចំ និងអត្ថន័យប៉ុណ្ណោះទេ ប៉ុន្តែថូផ្កាបង្ហាញអំពីតម្លៃធម្មជាតិ សាមញ្ញ និងល្អបំផុត។
ជារៀងរាល់ថ្ងៃ គាត់ទៅគោរពព្រះពុទ្ធ និងអរគុណចំពោះការប្រទានជីវិត។ បន្ទាប់មកគាត់ចាប់ផ្តើមទម្លាប់បោសសម្អាត ហើយបន្ទាប់មកគាត់ទៅខាងក្រោយភ្នំប្រមូលយកផ្កា។ នៅថ្ងៃបង្រៀន Ikebana គាត់រៀបចំផ្កា និងណែនាំអ្នកទាំងអស់គ្នា។
https://www.instagram.com/p/B9d0zaIFAKK/?utm_source=ig_embed
នៅឆ្នាំ ២០០៤ គាត់បានក្លាយជា Hanakata ដំបូងគេនៃប្រាសាទ Ginkakuji និងទទួលបន្ទុកសាលផ្កាដែលជាកន្លែងបើកបង្រៀន Zazen (អង្គុយធ្វើសមាធិ)។ រហូតដល់ឆ្នាំ ២០០៨ គាត់ប្រារព្ធធ្វើ workshop នៅ International Exchange ផ្តើមនៅប្រទេសបារាំង និងហុងកុងឆ្នាំ ២០១០ ។ នៅខែមេសាឆ្នាំ ២០១១ អ្នកស្រី Shuho ក្លាយជាសាស្រ្តាចារ្យ Hanakata ក្រោមស្មារតី Isshodoujin (一視同仁: យុត្តិធម៌មិនលំអៀង) ។ នៅអាយុ ៤០ ឆ្នាំអ្នកស្រីរៀន និងមានបទពិសោធផ្នែករៀបផ្កា Ikebana ហើយសរសេរសៀវភៅណែនាំលម្អិតអំពីទម្រង់សិល្បៈប្លែកៗទាំងនេះ។
អ្នកអាចតាមដានព័ត៌មានថ្មីៗនៅលើ Blog និង Instagram របស់គាត់។
Blog https://www.hananofu.jp/index.html
Instagram https://www.instagram.com/shuho_hananofu/?hl=ja
AD