សក្តានុពលសាជីវកម្មជប៉ុន Shimadzu មានអាយុកាល ១៤៥ ឆ្នាំមកហើយ

បច្ចុប្បន្ន​បញ្ហាធ្វើតេស្តរកកូវីដ-១៩ កំពុងក្លាយជាប្រធានបទជជែកវែកញែកនៅក្នុងប្រទេសជប៉ុន។ លើសពីនេះវិធី​សាស្រ្ត​ធ្វើ​តេស្តនៅប្រទេសជាច្រើនក៏មានបញ្ហាលើរយៈ​ពេលនៃការធ្វើតេស្ត ផ្ទុយទៅវិញបើមិន​ធ្វើតេស្តវាពិបាកក្នុងការគ្រប់គ្រងការរីករាលដាល។ ក្នុងស្ថាន​ភាព​នេះ​ក្រុម​ហ៊ុន​ជប៉ុន Shimadzu បានផលិតឧបករណ៍ធ្វើតេស្តដែល​​អាចផ្តល់លទ្ធផលត្រឹមត្រូវ។

រូបភាព https://www.shimadzu.co.jp/news/press/zfdyn69049lnnr8r.html

បច្ចុប្បន្ន​នេះ​វិធី​សាស្រ្តធ្វើតេស្តដែលគេទទួល​ស្គាល់គឺ PCR ប៉ុន្តែវិធីធ្វើតេស្តស្មុគស្មាញតម្រូវ​អោយ​មានវេជ្ជបណ្ឌិតទើបធ្វើបាន។ ក្នុងស្ថានភាពកង្វះកម្លាំងពលកម្មដូចប្រទេសជប៉ុនវាពិតជាពិបាកណាស់ ម៉្យាងទៀតពេលវេលាធ្វើតេស្តពី ២ ទៅ ៣ ម៉ោង ដូច្នេះមិនអាចបង្កើនចំនួននៃការធ្វើតេស្ត។

ចំពោះផលិតផល​ថ្មីដែល​ផលិតដោយក្រុមហ៊ុន Shimadzu មិនចាំបាច់​ត្រូវ​ការគ្រូពេទ្យឯកទេសទេ ហើយចំណាយ​ពេល​​ធ្វើ​តេស្តត្រឹម​តែមួយ​ម៉ោងលទ្ធផល​ធ្វើតេស្តស្រដៀងវិធីសាស្ត្រ PCR ដែរ។ នៅថ្ងៃទៅ ២០ ខែមេសាផលិតផល​ត្រូវ​បាន​ដាក់លក់លើទីផ្សារ ហើយគេរំពឹងថាចាប់ពីខែឧសភានឹងនាំចេញឧបករណ៍ទៅបរទេស។

ក្រុមហ៊ុន Shimadzu Co., Ltd., ស្ថិតនៅ Kyoto ដំណើរការអស់រយៈពេល ១៤៥ ឆ្នាំមកហើយ។ ក្រុមហ៊ុននេះផលិតមេកានិកដែលមានភាពជាក់លាក់ខ្ពស់ ឧបករណ៍វាស់ ឧបករណ៍វេជ្ជសាស្រ្ត និងឧបករណ៍អាកាសចរណ៍។ ក្រុមហ៊ុនក៏ទទួល​​ខុស​​ត្រូវក្នុងការជួសជុល និងផលិតឧបករណ៍យន្តហោះប្រយុទ្ធ JASDF ផងដែរ។ ក្រុមហ៊ុនវិនិយោគទឹកប្រាក់យ៉ាង​ច្រើន​ក្នុង​ការស្រាវជ្រាវ និងបង្កើតថ្មី -ល- ។ ប្រសិនបើប្រាក់ចំណូលឈានដល់ ៣៥០ ពាន់លានយ៉េនថ្លៃដើមឧបករណ៍មានចំនួន ៧០ ពាន់លានយ៉េន ចំណែកការស្រាវជ្រាវបង្កើតថ្មីចំនួន ១៧,៥ ពាន់លានយ៉េន ដូច្នេះការវិនិយោគសរុបប្រហែល ៨៧,៥ ពាន់លានយ៉េន។

ខណៈដែលក្រុមហ៊ុនផ្សេងទៀតមិនវិនិយោគច្រើនដូចជាក្រុមហ៊ុន Nipro មានប្រាក់ចំណូលចំនួន ៣៧៥ ពាន់​លាន​​យ៉េន​ចំណែកប្រាក់ចំណាយស្រាវជ្រាវមានតែ ១០ ពាន់លានយ៉េនប៉ុណ្ណោះ។

ដូច្នេះ​ឃើញថាការប្តេជ្ញាចិត្តរបស់សាជីវកម្មចំពោះការសម្រេចផលិតឧបករណ៍អ្វីមួយ។ តាំងពីមុន​មកស្មារតីនេះត្រូវ​បាន​បន្តជាច្រើនជំនាន់។ លោក Koichi Tanaka ទទួលជ័យលាភីរង្វាន់ណូបែលក៏មកពីក្រុមហ៊ុននេះដែរ។

ព័ត៌មានផ្សេងទៀតនិយាយថាសាជីវកម្ម Shimadzu ជាកូនចៅជំនាន់ចុងក្រោយរបស់សម័យសាមូរ៉ៃ។ ដោយសារ logo របស់ក្រុមហ៊ុនដូចត្រកូល Shimazu នៅ Kagoshima នៃ Satsuma (薩摩藩) ដែលខ្លាំងបំផុតនៃសម័យ Tokugawa ។

ទោះយ៉ាងណាជាក់ស្តែងសាជីវកម្ម Shimadzu មិន​ជាប់ខ្សែស្រឡាយជាមួយ Satsuma ទេ។ គ្រាន់តែដោយសារពួក​គេ​​បាន​​ចូល​រួមចំណែកក្នុងការស្រាវជ្រាវទើបត្រូវ​បានអនុញ្ញាតឱ្យប្រើឈ្មោះ Shimadzu ។

ក្រឡេកមកមើលរយៈពេល ១៤៥ ឆ្នាំនៃការបង្កើត និងអភិវឌ្ឍន៍។ ក្រុមហ៊ុនដែលមានអាយុកាលយូរបែបនេះគឺ​ជា​មែក​ធាងដ៏អស្ចារ្យ​ដែលគាំទ្រដល់ការអភិវឌ្ឍសង្គមជប៉ុន។

Kengo Abe