រីករាយជាមួយវីដេអូចម្រៀងប្លែកៗក្នុងរដូវដេកផ្ទះរបស់ព្រះសង្ឃជប៉ុន

ថ្ងៃ​ចន្ទ 27/04/2020 | 14:25 ល្ងាច

ប្រទេសជប៉ុននៅតែខំប្រឹងទប់ស្កាត់ចំពោះវីរុសកូវីដ-១៩ ដែលកំពុងរាតត្បាតទូទាំងពិភពលោក។ ប្រជាពលរដ្ឋគ្រប់រូបត្រូវបាន​លើកទឹកចិត្តអោយនៅផ្ទះកាត់​បន្ថយទំនាក់ទំនងសង្គម។ ប៉ុន្តែ​រយៈពេល​នៅផ្ទះយូរ​ពេក​ធ្វើអោយមនុស្សមានអារម្មណ៍​ធុញ​ថប់ មនុស្សមួយ​ចំនួន​រៀនធ្វើម្ហូប របស់ធ្វើដោយដៃ ចុះចំណែក​ព្រះ​សង្ឃវិញ?

ព្រះសង្ឃមួយអង្គនៅខេត្ត Akita ផ្ញើវីដេអូគាំទ្រស្មារតីអ្នកទាំងអស់គ្នា ហើយបង្ហោះលើគណនី Twitter (@namagusaeishin) ។ ព្រះ​សង្ឃរូបនេះចង់អោយមនុស្សគ្រប់គ្នាដឹងថាពេលវេលាដ៏សែនអាប់អួនាពេលបច្ចុប្បន្ននឹង​កន្លង​ផុតទៅ ព្រះអង្គមិនមែនធ្វើធម្មទេសនាដូចរាល់ដងទេតែធ្វើតាមរយៈបទចំរៀង Reggae របស់ Bob Marley មានចំណង​ជើង​ថា “Three Little Birds” ជាមួយ​នឹង​បន្ទរដូចខាងក្រោមនេះ។

“កុំបារម្ភអ្វីគ្រប់យ៉ាងនឹងល្អឡើងវិញ”។

វីដេអូរួមទាំងវីដេអូទាំង ៦ ផ្សេងគ្នាដែល​ព្រសង្ឃបានថត។ អ្វីដែលប្លែកក្រៅពីហ្គីតា និង​ឧបករណ៍ដែលអ្នកធ្លាប់ស្គាល់ វីដេអូផ្សេងទៀតរបស់ព្រះសង្ឃប្រើឧបករណ៍ប្លែកៗពីវប្បធម៌ព្រះពុទ្ធសាសនា។

តើអ្នកដឹងទេថាជួង និងស្គរនៅក្នុងវត្តក៏រួមចំណែកបង្កើតជាតន្រ្តីសម័យទំនើបនេះដែរ វិធីប្លែកបំផុតគឺការប្រើគ្រាប់ផ្គាំដើម្បីបន្ថែមជាចង្វាក់ចម្រៀង។

នេះមិនមែនជាលើកទីមួយដែលព្រះសង្ឃសម្តែង Cover ចម្រៀង Reggae ទេ តាមពិតគាត់គឺជាប្រធានក្រុមចម្រៀង Reggae ព្រះពុទ្ធសាសនាគេហៅថា  英心 & The Meditationalies ។

ថ្មីៗនេះគាត់ថែមទាំងបង្ហោះការសម្តែង solo ជាមួយនឹង​បទចម្រៀងថ្មីដែលទើបតែបញ្ចប់មានឈ្មោះថា “Kaban” ។

សង្ឃឹមថាវីដេអូនឹងផ្តល់អោយយើងនូវភាពក្លាហានរួមគ្នាដើម្បីជំនះជំងឺរាតត្បាតនេះ។

Sacchan

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: