អ្នកដឹងទេ​ថា​អាហារពេល​ព្រឹក​សំខាន់​ណាស់ មក​មើល​ម្ហូប​ប៊ូហ្វេ​​ព្រឹក​របស់​ជន​ជាតិ​ជប៉ុន

មនុស្សមួយចំនួនតែងតែ​រំលងអាហារពេលព្រឹក ប៉ុន្តែនោះជាអាហារដែលសំខាន់បំផុត ហើយវាអាចប៉ះពាល់ដល់អារម្មណ៍របស់អ្នកពេញមួយ​ថ្ងៃ។

នេះជាមូលហេតុ​មិន​ថា​ប្រញាប់យ៉ាងណាយើងគួរទទួល​ទានអាហារពេល​ព្រឹក។ ប្រសិន​បើ​អ្នក​ធ្វើដំណើរកម្សាន្តនៅប្រទេសជប៉ុនប្រាកដជាឃើញភោជនីយដ្ឋានល្បីៗជាមួ​យ​នឹង​ឈុតអាហារជាច្រើនខាងក្រោម​នេះ។

Hotel Clubby Sapporo (Sapporo, Hokkaido)

រូបភាព https://www.tripadvisor.jp/Hotel_Review-g298560-d1082462-Reviews-Hotel_Clubby_Sapporo-Sapporo_Hokkaido.html

ភោជនីយដ្ឋាននេះផ្តោតសំខាន់លើអាហារពេលព្រឹកប្រកបដោយគុណភាពអស់រយៈពេលជាច្រើនឆ្នាំហើយត្រូវ​បានទទួល​ស្គាល់ជាភោជនីយដ្ឋានដែលបម្រើអាហារពេលព្រឹកស្តង់ដារ។ សំណាងស្ថិត​នៅតំបន់មានប្រភពអាហារធម្មជាតិស្រស់ៗ នំប៉័ងដែលធ្វើក្នុងភោជនីយដ្ឋានក៏ត្រូវចម្អិនចេញពីម្សៅហុកកៃដូ ១០០% ផងដែរ។ ក្រៅពីម្ហូបឆ្ងាញ់នៅក្នុងតំបន់ អាហារពេល​ព្រឹក​រួម​មាន​ឈុត​ម្ហូបបែបជប៉ុន និងអឺរ៉ុបផងដែរ។

Hotel Piena Kobe (Kobe, Hyogo)

រូបភាព https://www.piena.co.jp/breakfast/

រូបភាព https://kobe-journal.com/archives/0931963326.html

មិន​ត្រឹម​តែផ្តោតសំខាន់លើអាហារពេលព្រឹក​ប៉ុណ្ណោះទេ ភោជនីយដ្ឋាននេះមានគោលបំណងចង់ក្លាយជាភោជនីយ​ដ្ឋាន​​អាហារ​ពេល​ព្រឹក​ល្អ​បំផុត​ក្នុង​ប្រទេស។ ជារៀងរាល់ថ្ងៃម្ហូបផ្លាស់ប្តូរច្រើនមុខ ដូច្នេះភ្ញៀវទេសចរណ៍ប្រាកដ​ជា​មិន​ទ្រលាន់​ទេ។ ក្រៅពីឈុតម្ហូបបារាំង អ្នកក៏អាចរីករាយនឹងម្ហូបបែបប្រពៃណីជប៉ុនផងដែរ។ មិន​មែន​ភោជនីយដ្ឋាន​ទាំងអស់សុទ្ធតែមានសាច់គោឆ្ងាញ់បំផុតពេលព្រឹកដូចនៅទីនេះទេ។ លើសពីនេះបង្អែមត្រូវបាន​ផ្គត់​ផ្គង់ពីហាងនំក្នុងតំបន់ល្បីៗទាំងអស់។

La Vista Hakodate Bay (Hakodate, Hokkaido)

រូបភាព https://www.jalan.net/yad313464/

ពេល​ទៅដល់កោះហុកកៃដូមិន​គួររំលងអាហារសមុទ្រទេ នៅភោជនីយដ្ឋាននេះអ្នកអាចធ្វើបាយសមុទ្រដោយខ្លួន​ឯង​តាម​ដែលអ្នកចូលចិត្ត។ ដូចជាមឹក ពងត្រីសាម៉ុង បង្គាស្រស់ និងគ្រឿងសមុទ្រតាមរដូវផ្សេងៗទៀតគឺសុទ្ធតែ ជា Tabehoudai (ទទួល​ទានលក្ខណៈ​បែបប៊ូហ្វេ)។ ទទួលទានបែប Tabehoudai អ្នកគ្រាន់តែត្រូវយកបាយ ១/៣ បន្ទាប់​មក​យកអាហារសមុទ្រតាមដែលអាចញ៉ាំអស់។

Vessel Inn Sapporo Nakajima Koen

រូបភាព https://www.jalan.net/yad382870/

រូបភាព https://travel-hack.jp/hotels-review/hotel-japan/sapporo/vessel-inn-sapporo-b ERIC.html

ដូចជាភោជនីយដ្ឋាននៅខាងលើនេះអ្នក​អាចធ្វើបាយអាហារសមុទ្រដោយខ្លួនឯងបានដែរ។ តោះមករីករាយជា​មួយ​​នឹង​​បាយម្ហូបសមុទ្រដែលអ្នកចូលចិត្ត តម្លៃអាហារសម្រាប់ពេលព្រឹករបស់អ្នកគឺ ២៧០០ យ៉េន។ ដោយសារទី​នេះ​ជា​ភោជនីយដ្ឋានលំដាប់ខ្ពស់ ដូច្នេះអ្នកអាចជ្រើស​រើស​ស្នាក់​នៅ​សណ្ឋាគារ​ដែល​មាន​តម្លៃ​ថោក បន្ទាប់​មក​ទៅទទួល​ទាន​អាហារពេល​នៅកន្លែងនេះ​អោយស្គាល់ “រសជាតិស្តង់ដារសម្បូរបែប” តែម្តង។

សណ្ឋាគារអន្តរជាតិ Hakodate (Hakodate, Hokkaido)

រូបភាព https://bestaraga.exblog.jp/24088034/

ភោជនីយដ្ឋានចុងក្រោយក៏ស្ថិតនៅហុកកៃដូផងដែរ។ ទទួល​ទានអាហារពេល​ព្រឹកលក្ខណៈ Tabehoudai អ្នក​អាចតំរៀបពងត្រីសាម៉ុងលើសាច់ត្រី និង​អាហារសមុទ្រជាច្រើនផ្សេងទៀតមិនចាំបាច់ហូបបាយក៏បាន។

ភោជនីយដ្ឋានដែលបានរៀបរាប់ខាងលើគឺជាសណ្ឋាគារលំដាប់កំពូល គ្រឿងសង្ហារឹមល្អ​ប្រណីត តម្លៃ​សមរម្យ។ រីក​រាយ​នឹង​ដំណើរ​របស់​អ្នក​ដោយ​គ្រាន់​តែទ​ទួលទានអាហារពេល​ព្រឹកស្តង់ដារ។

តោះបរិភោគអោយឆ្ងាញ់មាត់ម្តងណា!!!

Kengo Abe