ជីវិតអភ័ព្វរបស់ភរិយាអ្នកនិពន្ធល្បីៗដែលមានទេពកោសល្យ

មនុស្សតែងតែមានចំំណុចល្អ និងចំណុចមិន​ល្អ សិល្បករដែលមានទេពកោសល្យច្រើនដ៏ដូច្នេះដែរ។ ដោយសារពួក​គេ​មាន​ទេពកោសល្យឬមកពីហ្វឹកហាត់ច្រើនពេកធ្វើអោយគំនិត និងរបៀបរស់នៅរបស់ពួកគេក៏ខុសពីមនុស្ស​ធម្ម​តា​ផងដែរ។ យើងមើលឃើញស្នាដៃរបស់សិល្បករ ប៉ុន្តែអ្នកដែលត្រូវស៊ូទ្រាំជាសាច់ញាតិរបស់ពួកគេ។

នៅថ្ងៃនេះយើងនឹងក្រឡេកមើលភរិយារបស់អ្នកនិពន្ធដ៏ល្បីមានជីវភាពលំបាកយ៉ាងណាជាមួយ​ស្វាមី។

Natsume Soseki

រូបភាព https://ja.wikipedia.org/wiki/Souseki Natsume

ស្នាដៃដ៏ល្បីល្បាញរបស់ Natsume Soseki មានដូចជា “Bocchan” ឬ “ខ្ញុំគឺជាឆ្មា” ។ តួអង្គនេះមាននៅលើក្រដាសប្រាក់របស់ជប៉ុន ភរិយារបស់គាត់ឈ្មោះ Kyouko ។

បន្ទាប់ពីរៀបការរួចគាត់និយាយប្រាប់ភរិយាថា “ខ្ញុំត្រូវ​និពន្ធដូច្នេះ​គ្មានពេល​វេលាច្រើនសម្រាប់ប្រពន្ធទេ” ប៉ុន្តែគាត់មានកូនចំនួន ៨ នាក់។ ច្បាស់ជាមានពេលវេលាគ្រាន់តែធ្វើមិនដឹង។

រឿងខ្លះទៀតនិយាយថាអ្នកនិពន្ធល្បីឈ្មោះម្នាក់នេះប្រាប់ប្រពន្ធថា “បើមានអគ្គិភ័យ​វុិច​សៀវភៅ ៥០ ក្បាលរត់ទៅ” តាមត្រូវ​គួរប្រាប់ប្រពន្ធអោយរត់ភ្លាមដើម្បីរក្សាជីវិត។ ប្រើពេលខ្ចប់សៀវភៅ ៥០ ក្បាល​ប្រហែលរត់មិនទាន់ទេពេលនោះទាំងប្រពន្ធ និងសៀវភៅសុទ្ធតែមិនអាចការពារ។

ចំណែករឿងមួយ​ទៀតគឺថាអ្នកនិពន្ធចូលចិត្តប្រលោមលោកដែលបោះពុម្ពលើកាសែត ប៉ុន្តែដោយសារគាត់ត្រូវទៅធ្វើការនៅជនបទមិនអាចអានបាន។ គាត់ហៅប្រពន្ធផ្ញើកាសែតអោយគាត់ជារៀងរាល់ថ្ងៃតែដោយសារមានការ​លំបាកខ្លះប្រពន្ធគាត់ ៣ ថ្ងៃផ្ញើម្តង។ រឿងនេះធ្វើអោយអ្នកនិពន្ធខឹងខ្លាំងណាស់។

នៅពេលខ្លះ Natsume Soseki ក៏ល្អចំពោះប្រពន្ធដែរ មានម្តងលោកស្រី Kyouko រលូតកូនគាត់អស់សង្ឃឹម​ខ្លាំងរហូតចង់ធ្វើអត្តឃាត។ ដើម្បីការពារប្រពន្ធមិន​អោយធ្វើរឿងល្ងង់ខ្លៅគាត់ចងដៃខ្លួន​ និង​ប្រពន្ធដោយប្រើខ្សែ។

Ango Sakaguchi

រូបភាព https://www.shunyodo.co.jp/blog/ango_18/

អ្នកនិពន្ធរូបនេះមានភាពល្បីល្បាញប៉ុន្តែមានទម្លាប់ផឹកស្រា។ ជាច្រើនដងគាត់ត្រូវ​ប៉ូលីសចាប់ខ្លួនព្រោះបំពានគេពេលស្រវឹង។ ភរិយារបស់គាត់ឈ្មោះ Miyoko និយាយថា “Sakaguchi មិន​មែនជាមនុស្សអាក្រក់​ទេ” លើកលែងតែពេលដែលគាត់ស្រវឹងហើយត្រូវបណ្តេញចេញ។

ម៉ាទឹកកកដែលលក់នៅពេលនោះមានមុខងាររំញោច និងបង្កើនកម្លាំង។ ប៉ុន្តែវាជាសារធាតុគ្រោះថ្នាក់អាច​ធ្វើអោយអ្នកប្រើរវើរវាយ។

Kikuchi Kan

រូបភាព https://www.ikunas.com/editors/知れば知るほど好きになる%E3%80%82香川県出身の作家･/

គាត់គឺជាមនុស្សដែលទទួល​បានជោគជ័យផ្នែកសិល្បៈប៉ុន្តែជាស្វាមីមិនល្អតែងតែចែចង់ និងផិតក្បត់។

ភរិយារបស់គាត់ប្រហែលជាមិនអាចទ្រាំបានជាច្រើនដងត្អូញត្អែរប៉ុន្តែគាត់បែរនិយាយថា “សុំទោសពេលអាយុ ៦០ ឆ្នាំខ្ញុំ​នឹងធ្វើជាមនុស្សល្អវិញ” ។

ពាក្យសុំទោសគ្មានចិត្តទាល់តែសោះ ចៃដន្យអ្នកនិពន្ធស្លាប់នៅអាយុ ៥៩ ឆ្នាំមានន័យថាគាត់គ្មានឱកាសចាប់ផ្តើមរស់នៅអោយល្អឡើយ។

Kyoka Izumi

រូបភាព https://www.sankei.com/life/news/180924/lif1809240017-n1.html

កាលពីនៅក្មេងអ្នកនិពន្ធចូលចិត្ត Suzu គឺជា Geisha ប៉ុន្តែត្រូវជំទាស់ ដោយសារលោកគ្រូស្នេហារបស់អ្នកនិពន្ធត្រូវបញ្ចប់។ ក្រោយពេលលោកគ្រូរបស់គាត់ចែកឋានទៅគាត់រៀបការជាមួយ​ Geisha ។ អ្នកនិពន្ធដើរជាមួយភរិយារបស់គាត់ជារៀងរាល់យប់។ 

បើនិយាយត្រឹមនឹងហាក់ដូចជារ៉ូមែនទិកប៉ុន្តែបើសួរថាហេតុអ្វីបានជាគាត់ចង់ដើរជាមួយប្រពន្ធរបស់គាត់រាល់​យប់​ចម្លើយរបស់អ្នកនិពន្ធរៀងចម្លែកបន្តិច។

“ខ្ញុំពិតជាស្អប់សត្វឆ្កែដូច្នេះដើម្បីកុំអោយឆ្កែដេញតាមខ្ញុំត្រូវ​នាំស្រីបម្រើតាម។ ប៉ុន្តែបើដើរជាមួយ​ស្រី​បម្រើត្រូវ​គេរើសអើង ដូច្នេះខ្ញុំសម្រេចចិត្តដើរជាមួយប្រពន្ធ”។

ស្មានថាជាទង្វើរ៉ូមែនទិកតាមពិតគ្រាន់តែជាគំនិតអាត្មានិយមប៉ុណ្ណោះ។

Osamu Dazai

រូបភាព https://arinoheitai.com/dazai-osamu/

គេនិយាយថាស្នាដៃរបស់គាត់ឆ្លុះបញ្ចាំងពីបុគ្គលិកលក្ខណៈរបស់អ្នកនិពន្ធ គាត់ធ្លាប់ធ្វើអត្តឃាតនៅអាយុ ២០ ២១ ២៧ និង ២៩ ឆ្នាំជាច្រើនដងមិនសម្រេច។ មូលហេតុ​ដោយសារទំនាក់ទំនងជាមួយ​ស្រីមិន​សម្រេច។

អ្នកនិពន្ធរៀបការនៅអាយុ ៣០ ឆ្នាំតែរហូតដល់អាយុ ៣៩ ឆ្នាំគាត់មានស្រីខាងក្រៅថែមទាំងមានកូនផងដែរ។ តែអ្វីដែលអាក្រក់ជាងនេះនៅពេលកូនរបស់គាត់កើតមកនៅឆ្នាំដដែលនោះ Dazai សម្លាប់ខ្លួនជាមួយ​ស្រីកំណាន់ម្នាក់ទៀត។

Dazai សរសេរសំបុត្របណ្តាំជូនភរិយាលោកស្រី Miwako ថា “សូម្បីតែបណ្តាំក៏ខ្ញុំកុហកឯងពិតជាសប្បាយចិត្ត​ណាស់” ។

នៅពេលអ្នកអានរឿងទាំងនេះតើអ្នកមានអារម្មណ៍យ៉ាងណា? ក្រឡេកមើលជុំវិញខ្លួនអ្នកតើនរណាម្នាក់មានបុគ្គលិក​​លក្ខណៈចម្លែកបែបនេះទេ?

Kengo Abe