កូវីដ-១៩ ប្រែទៅជា “អំពើផិតក្បត់” និង “ការលែងលះ” នៅប្រទេសជប៉ុនដូចម្តេច?

ដោយសារតែការកើនឡើងនៃករណីឆ្លងវីរុសកូវីដ-១៩ នៅក្នុងប្រទេសជប៉ុន ប្រទេសនេះនៅតែបន្តលើកទឹកចិត្តបុគ្គលិក​ធ្វើការនៅផ្ទះជាជាងទៅការិយាល័យ។ ទោះយ៉ាងណាចំពោះប្រជាជនការងារនៅប្រទេសជប៉ុនពិបាកជា​ជាង​ការ​ជិះរថភ្លើងដែលមានមនុស្សច្រើនទៅទៀត។

ជនជាតិ​ជប៉ុន​យល់ថា​នៅផ្ទះជាពេលវេលាសម្រាក ពួកគេទម្លាប់គេងលើសាឡុង ញ៉ាំអាហារសម្រន់ ផឹកស៊ី និងលេងល្បែង​ផ្សេងៗ -ល- ។ ពិតជាពិបាកចាត់ទុកផ្ទះដូចកន្លែងធ្វើការព្រោះវាពោពេញទៅដោយការល្បួងជាច្រើន។ មិន​ត្រឹម​​តែ​​ប៉ុណ្ណឹង​ចំពោះអ្នកដែល​មានកូនប្រាកដជារំខាន។

ដូច្នេះហើយមានសណ្ឋាគារជាច្រើនបើកសេវាកម្មការិយាល័យថោកៗពេលថ្ងៃសម្រាប់អ្នកដែលចង់ធ្វើការពីចម្ងាយ។

ទោះបីជាកន្លែងធ្វើការខុសពីការិយាល័យរបស់អ្នកប៉ុន្តែយ៉ាងហោចណាស់ក៏មិនមានការល្បួងច្រើនដូចនៅផ្ទះដែរ។ ក្រៅពីនេះអ្នកមិនចាំបាច់ព្រួយបារម្ភខ្វះឧបករណ៍ធ្វើការតាមអុីនធឺណេតដូចជា Skype ឬ Zoom ទេ។

ចំពោះរឿងនេះបង្កអោយមានបញ្ហាជាច្រើនកើតឡើង។ ដំបូងមានមនុស្សមួយចំនួនកុហកប្រពន្ធកូនទៅធ្វើការនៅការិយាល័យខណៈដែល​ក្រុម​ហ៊ុន​បាន​អនុញ្ញាតអោយបុគ្គលិក​ធ្វើការនៅផ្ទះ។ ទិសដៅរបស់បុរសទាំងនេះគឺ​សណ្ឋាគារ​​មិនមែន​មកដើម្បីធ្វើការទេប៉ុន្តែលួចផិតក្បត់ប្រពន្ធ។

រូបភាព https://www.msn.com/ja-jp/news/opinion/ Business Hotel Telework Plan-Corona Affair-Daraku / ar-BB12Ta2G? ocid = ob-fb-jajp-782

ព្រោះតែនៅទីនោះជាសណ្ឋាគារពួកគេអាចមកជាមួយ​នារីផ្សេងហើយអាចមកទាំងថ្ងៃ។ ជាការពិតណាស់​មានគ្រែ និងបន្ទប់ទឹកគ្រប់គ្រាន់សម្រាប់តម្រូវការ។

តាំងពីព្រឹករហូតដល់ប្រលប់បន្ទប់សណ្ឋាគាររក្សាតម្លៃចាប់ពី ៣០០០ យ៉េន។ អាស្រ័យលើក្រុមហ៊ុនខ្លះចេញទាំងថ្លៃឈ្នួល​សម្រាប់បុគ្គិលក។

ដោយសារតែប្រពន្ធនៅផ្ទះគិតថាប្តីរបស់នាងទៅសណ្ឋាគាររកកន្លែងស្ងាត់ធ្វើការដូច្នេះគ្មានការសង្ស័យប្តីលួច​ចែ​ចង់​ជួប​ស្រីនៅខាងក្រៅកណ្តាលថ្ងៃត្រង់ទេ។

លើសពីនេះចំនួនសណ្ឋាគារនៅក្នុងប្រទេសជប៉ុនកើនឡើងគួរអោយកត់សម្គាល់ ដំបូងគ្រោងប្រើក្នុងព្រឹត្តិការណ៍អូឡាំពិកទីក្រុងតូក្យូ។ ដូច្នេះដើម្បីទូទាត់ចំពោះការខាតបង់សណ្ឋាគារនៅតែបើកដំណើរការ។

ប្រហែលដោយសារបុរសជាប្តីមានសញ្ញាគួរអោយសង្ស័យធ្វើអោយប្រពន្ធជួលអ្នកស៊ើបអង្កេតឯកជនតាមដាន។ ស្ថាន​ភាពតឹងតែងកាន់តែខ្លាំងឡើង។

ខ្ញុំសង្ឃឹមថាវីរុសនេះមិនប្រែទៅជា “អំពើផិតក្បត់” ឬ “ការលែងលះ” ឡើយ។

Kengo Abe