ត្រីដូហ្វីនដែលឯកោបំផុតបានស្លាប់បន្ទាប់ពីត្រូវគេបោះបង់ចោលអស់រយៈពេល ២ ឆ្នាំ

អង្គការគម្រោងការពារត្រីដូហ្វីនបានបញ្ជាក់ថាត្រីដូហ្វីនញីមួយ​ក្បាលដែល​មានឈ្មោះហៅថា Honey បានស្លាប់កាលពីថ្ងៃទី ២៩ ខែមីនានៅឯអាងចិញ្ចឹមត្រីទុកចោលនៅប្រទេសជប៉ុន។

រូបភាព https://nextshark.com/dolphin-project-loneliest-dolphin-dies/

ត្រីដូហ្វីនឈ្មោះ Honey ត្រូវ​គេចាប់បាននៅជិត Taiji ក្នុងឆ្នាំ ២០០៥ ហើយចាប់ផ្តើមល្បីលើពិភពលោកនៅឆ្នាំ ២០១៨ ជាមួយនឹងព័ត៌មានផ្សាយថាត្រីដូហ្វីនត្រូវគេគេបោះបង់ចោលនៅអាងចិញ្ចឹមត្រី Choshi ។

រយៈពេល ២ ឆ្នាំកន្លងមកមិត្តភក្តិរបស់ត្រីដូហ្វីនដ៏គួរអោយអាណិតមានតែបក្សីភេនឃ្វីន ៤៦ ក្បាល ត្រី និងសត្វល្មូនបន្ទាប់ពីកន្លែងនេះ​ត្រូវ​បិទទ្វារនាខែមករាឆ្នាំ ២០១៨ ដោយសារគ្មានភ្ញៀវ។

ទោះបីជាកន្លែងនេះត្រូវ​បិទទ្វារតែរបាយការណ៍បង្ហាញថាបុគ្គលិកនៅតែមកអោយចំណីសត្វ។ ប៉ុន្តែមិន​ច្បាស់ពីប្រភពស្បៀង និងបរិមាណចំណីដែល​ផ្តល់អោយ​ប៉ុន្មានទេ។

វីដេអូផ្សាយឡើងវិញម្តងទៀតក្នុងខែមីនាឆ្នាំ ២០១៨ បង្ហាញពីត្រីដូហ្វីនទុកចោលក្នុងអាងចិញ្ចឹម​ត្រីតូច​មួយ​។ រូបភាពទាំងនេះ​ក៏បង្ហាញអំពីបក្សីភេនឃ្វីនដើរនៅជ្រុងម្ខាង។ ក្រុមការពារសត្វជាច្រើនបានស្នើសុំមណ្ឌលសុខភាពខេត្ត Chiba ផ្តល់ការថែរក្សានៅឯអាងចិញ្ចឹមត្រី។

គម្រោងការពារត្រីដូហ្វីនបាន​ខំប្រឹងយ៉ាងខ្លាំងក្នុងការស្វែងរកកន្លែងថ្មីសម្រាប់ត្រីដូហ្វីន Honey និងសត្វផ្សេងទៀតដែលត្រូវគេបោះបង់ចោល។ អង្គការគម្រោងការពារបានអោយដឹង “នៅក្នុងខែវិច្ឆិកាឆ្នាំ ២០១៨ យោងតាម​ប្រភពព័ត៌មាន​អាងចិញ្ចឹមត្រីជំពាក់បំណុលហើយកំពុងស្វែងរកអ្នកទិញបន្ត។ ហើយនៅឆ្នាំ ២០១៩ យើងទទួល​ព័ត៌មាន​អាងចិញ្ចឹមត្រីត្រូវ​បានលក់រួមទាំងត្រីដូហ្វីន​ Honey និង​សត្វផ្សេងទៀត។ ការលក់អាងចិញ្ចឹមត្រីត្រូវបានបញ្ជាក់ដោយមជ្ឍមណ្ឌលសុខភាព Kaisou គ្រប់គ្រងសុខភាពសត្វនៅអាងចិញ្ចឹមត្រី Inubosaki” ។

នៅក្នុងខែកុម្ភៈ Dolphin Rescue ស្វែងរក​មធ្យោបាយទិញ​ត្រី​ដូហ្វីន​ Honey ប៉ុន្តែការចរចារបានបញ្ចប់នៅដើម​ខែ​មីនា​ព្រោះសុខភាពរបស់ត្រី​ដូហ្វីនមិន​ធានាថាអាចរស់។ បន្ទាប់មកនៅថ្ងៃ២៩ ខែមីនា​ត្រី​ដូហ្វីន​ Honey បាន​ស្លាប់។

ប្រភព Dolphin Project

Sacchan