រសជាតិមុខម្ហូបបែបប្រពៃណីជប៉ុន

ថ្ងៃពុធ 22/04/2020 | 15:23 ល្ងាច

នៅពេលយើងនិយាយពីប្រទេសជប៉ុនអ្នកប្រហែលជាស្គាល់ Doraemon ភ្នំហ្វូជី សាម៉ូរ៉ៃ ឬមុខម្ហូបដែលមានរសជាតិឆ្ងាញ់ដូចជា Sushi, Udon, Sake -ល- ។ ពិតណាស់ក្រៅពីសម្រស់ធម្មជាតិ វប្បធម៌ និងប្រវត្តិសាស្ត្រប្រទេសជប៉ុនល្បីទូទាំងពិភពលោកជាមួយនឹងមុខម្ហូបពិសេសដូចជា Sushi Sashimi មី Udon មី Soba Mochi -ល- ។

ម្ហូបជប៉ុនមានទំនាក់ទំនងជាមួយនឹងរសជាតិម្ហូបចិន និងប្រទេសលោកខាងលិចដែលតំណាងដោយមុខម្ហូបដូចជាមី Ramen គាវ និងមុខម្ហូបធ្វើពីមីអុីតាលី ការី Hamburger ។ ក្រៅពីនេះមុខម្ហូបមានរសជាតិឈ្ងុយឆ្ងាញ់ផ្តោតសំខាន់ទៅលើការរំលេចនូវអាហារស្រស់ដូចជា Sushi និង Sashimi ។ តោះយើងនឹងស្វែងយល់មុខម្ហូបល្បីខាងក្រោម។

Sushi

មើលទៅគ្រឿងផ្សំសាមញ្ញដូចជាបាយលាយទឹកខ្មេះជាមួយចំណិតត្រីឬគ្រឿងសមុទ្រស្រស់ៗផ្សេងទៀត ហើយញ៉ាំជាមួយខ្ញីជ្រក់ ទឹកស៊ីអុីវ និង Wasabi ។ ប៉ុន្តែក្នុងដំណាក់កាលរៀបចំគ្រឿងផ្សំ និងធ្វើ Sushi បានក្លាយជាមុខម្ហូបពិសេស។

Sashimi

មិនដូចជា Sushi ឡើយ Sashimi គ្រាន់តែគឺជាត្រីឬអាហារសមុទ្រស្រស់ៗដែលហាន់ជាចំណិតស្តើងយ៉ាងប៉ិនប្រសប់ ញ៉ាំជាមួយមើមហាន់ជាសរសៃស្តើងរួមទាំងទឹកជ្រលក់ដូចជាទឹកសុីអុីវ ខ្ញី និង Wasabi ។

មី Udon

មី Udon អ្នកអាចរកទិញនៅហាង និងភោជនីយដ្ឋានតាមដងផ្លូវនានារបស់ជប៉ុន មី Udon ជាមួយនឹងគ្រឿងសាមញ្ញធ្វើពីម្សៅ ទឹក និងអំបិលដើម្បីអោយសរសៃមីធំមានរសជាតិបែបជប៉ុន។ មី Udon ត្រូវញ៉ាំទាន់នៅក្តៅ សរសៃមីស្វិត និងទឹកសុ៊បផ្អែមអាចលាយជាមួយទឹកសុីអុីវ ស្រា Mirin និង Dashi ។

មី Ramen

មី Ramen គឺជាមុខម្ហូបល្បីរបស់ជប៉ុនសរសៃមីតូច ចំណុចពិសេសស្ថិតលើទឹកសុ៊បដែលស្ងោរជាមួយឆ្អឹងសាច់ជ្រូកឬសាច់មាន់យ៉ាងហោចណាស់ ១០ ម៉ោងដើម្បីអោយរសជាតិឈ្ងុយឆ្ងាញ់។ ជាទូទៅមី Ramen ញ៉ាំជាមួយចំណិតសាច់ជ្រូក សារាយសមុទ្រ សុ៊ត ប្រហិតត្រី ពោត និងស្ពៃក្តោប។

Tempura

Tempura គឺម្ហូបប្រពៃណីជប៉ុននាំមកនូវរសជាតិពិសេសឆ្ងាញ់នៅចុងអណ្តាត បង្គាបំពងម្សៅ តៅហ៊ូ សារាយសមុទ្រ ក្រចាប់ -ល- ។ បន្ទាប់ពីប្រឡាក់រួចលាយជាមួយម្សៅបំពង ហើយញ៉ាំទាន់ក្តៅជាមួយទឹកសុ៊ប។

នំ Mochi

ក្រៅពីមុខម្ហូបដែលមានរសជាតិឈ្ងុយឆ្ងាញ់បែបជប៉ុន ជាមួយនឹងនំផ្អែមអ្នកប្រហែលជាស្គាល់ នំ Mochi ជាមួយនឹងស្រទាប់នំទន់ល្មើយ មានស្នូលផ្អែមដូចជាសណ្តែកក្រហម សណ្តែកខៀវ ការ៉េម -ល- ។ ក្រៅពីនេះនំ Mochi ក៏ជាម្ហូបប្រពៃណីដែលគេទទួលទានក្នុងឳកាសចូលឆ្នាំថ្មីក្នុងបំណងសុំសំណាង និងសុភមង្គល។

ស្រា Sake

វត្ថុធាតុដើមដូចជាអង្ករ និងទឹកដែលគេចាត់ទុកជាភេសជ្ជៈមានជាតិអាល់កុលតាំងពីបុរាណមកម្ល៉េះ។ ស្រា Sake ផឹកកម្តៅខ្លួនក្នុងរដូវរងារ។ ប្រសិនបើផឹកត្រជាក់រសជាតិស្រដៀង Wine មានគុណភាពខ្ពស់។