កីឡាករការ៉ាតេដូលោក Oyama Masutatsu ល្បីក្នុងប្រវត្តិសាស្រ្តយកឈ្នះគោចំនួន ៤៧ ក្បាលដោយដៃទទេ

កីឡា “ជាតិ​” របស់ជនជាតិជប៉ុនគឺ Sumo ក្រៅពីនេះ​នៅមាន​កីឡាជាច្រើនផ្សេងទៀត។ មួយ​ក្នុងចំណោម​នោះគឺការ៉ាតេដូដែល​មនុស្សភាគច្រើនបានដឹង។

មនុស្សជាច្រើនយល់ថាលោក Oyama Masutatsu ជាកីឡាករការ៉ាតេដូខ្លាំងបំផុតក្នុងប្រវត្តិសាស្ត្រ។

រូបភាព https://ja.wikipedia.org/wiki/大山倍達

លោក​កើតឆ្នាំ ១៩២៣ នៅលើឧបទ្វីបកូរ៉េនាពេលនោះក្រោម​ការគ្រប់គ្រងរបស់ជប៉ុន។ កីឡាការ៉ាតេដូដែលអ្នកប្រ​ដាល់​រូបនេះបង្កើតឡើងមានឈ្មោះថា Kyokushin Karate ខុសពីការ៉ាតេដូក្នុងព្រឹត្តិការណ៍ផ្លូវការនាពេលបច្ចុប្បន្ន​វាដូច​ព្រឹត្តិការណ៍អូឡាំពិកជាដើម។

កីឡាការ៉ាតេដូពីមុន​គ្រាន់តែប្រើដៃដាល់ចូលមុខ​គូប្រកួត ប៉ុន្តែត្រូវ​ឈប់មុនពេលកណ្តាប់ដៃចូលមុខ ប្រសិន​បើ​​អ្នក​ដាល់កណ្តាប់ដៃចំមុខនឹងត្រូវ​ដកពិន្ទុ។ ជាក់ស្តែងនៅតែមានកីឡាករដាល់ចំមុខប៉ុន្តែវាគ្រាន់តែជាច្បាប់មូល​ដ្ឋាន។

លោក Oyama Masutatsu ប្រឆាំងនឹងច្បាប់នេះសម្រាប់គាត់ត្រូវប្រយ័ត្នពេលបញ្ចេញកណ្តាប់ដៃ។ ហើយកណ្តាប់​ដៃ​យក​ឈ្នះ​គូ​ប្រ​កួត​ពេល​នោះឈ្នះចាញ់ប្រាកដជាច្បាស់។

ក្រោយសង្គ្រាមលោកលើកទី ២ លោក Oyama ត្រឡប់ទៅជប៉ុនវិញ។ នៅពេលនោះសម្ព័ន្ធមិត្ត (GHQ) ទទួលខុសត្រូវ​​លើ​ប្រទេស​ជប៉ុន។ ប៉ូលីសជប៉ុនមិន​អាចធ្វើអ្វី​បានទោះបីសម្ព័ន្ធមិត្តប្រព្រឹត្តខុសក៏ដោយ។ ទាហានសម្ព័ន្ធមិត្តមួយ​ចំនួន​ចាប់ផ្តើមលួចប្លន់ និងចាប់រំលោភប្រជាជន។ លោក Oyama ម្នាក់ឯងកម្ចាត់ពួកសម្ព័ន្ធមិត្តដែល​ប្រ​ព្រឹត្ត​អំពើ​អាក្រក់ ប៉ុន្តែក្រោយមកបែរជាត្រូវគេតាមចាប់ខ្លួន។

អំឡុងពេលនោះលោក Oyama បន្ដហ្វឹកហាត់ការ៉ាតេដូ ហើយឈ្នះខ្សែក្រវាត់ខ្មៅក្នុងរយៈពេល ១ ឆ្នាំកន្លះ។ ខ្សែ​ក្រ​វាត់​ខ្មៅគឺជាកម្រិតដែលអ្នកអាចបង្រៀនការ៉ាតេដូបាន។ ក្រោយមក ដោយសារគាត់មិន​អាចរក​អ្នក​បង្រៀនបន្តលោក Oyama សម្រេច​ចាក​ចេញឡើងភ្នំដើម្បីហាត់ក្បាច់គុន។ គាត់ហាត់​ប្រើដៃឡើងភ្នំ និងក្បាច់ការ៉ាតេដូដែល​ពិបាកជាច្រើនទៀត។

បន្ទាប់មក លោក Oyama ចូលរួមការប្រកួតការ៉ាតេដូលើកដំបូងដែលប្រារព្ធធ្វើឡើងក្រោយសង្គ្រាមឆ្នាំ ១៩៧៤ និង​​យក​​ឈ្នះ​ជើងឯក។ គាត់ទៅសហរដ្ឋអាមេរិកដើម្បីចូលរួមក្នុងការប្រកួតជាច្រើនផ្សេងទៀត ហើយប្រយុទ្ធជាមួយកី​ឡា​ករ​អាជីព​ជា​ច្រើនទៀត។ អាចនិយាយបាន​ថា​គ្មាន​នរណា​ម្នាក់ក្លាយជាគូប្រកួតរបស់លោក Oyama នាពេលនោះទេ។

លោក Oyama ត្រឡប់ទៅប្រទេសជប៉ុនម្តងទៀតដោយសារគ្មានគូប្រកួត ហើយគាត់ក៏សម្រេចចិត្តប្រយុទ្ធជាមួយ​គោវិញម្តង។

រូបភាព https://ja.wikipedia.org/wiki/Baita Oyama

អ្វីដែលគួរអោយចម្លែកលោក Oyama យកឈ្នះគោចំនួន ៤៧ ក្បាលដោយដៃទទេ ក្នុងចំណោម​គោ ៤៧ ក្បាលមាន ៤ ក្បាលស្លាប់។

មានពាក្យចចាមអារាមថាលោក Oyama មិនអាចថតកាំរស្មី X បានទេពីព្រោះគាត់មានសាច់ដុំច្រើនពេក។

នៅមានរឿងជាច្រើនទៀតនិយាយអំពីក្បាច់គុនដ៏អស្ចារ្យរបស់គាត់ អ្នកខ្លះនិយាយថាកម្លាំងដៃរបស់គាត់ស្មើ​ទម្ងន់ ១៣០ គីឡូ។ តួលេខចំពោះបុរសធម្មតាម្នាក់ប្រហែល ៤៥​ គីឡូមាន​ន័យ​ថា លោក Oyama ស្មើ​មនុស្ស ៣ នាក់។

លោក Oyama ថែមទាំងអាចបំបែកកាក់ ១០ យ៉េនដោយដៃទទេរបស់គាត់ផងដែរ។

បច្ចុប្បន្នការប្រកួតការ៉ាតេដូបន្តឆន្ទៈរបស់លោក Oyama ទោះបីជាក្បាច់ប្រដាល់កណ្តាលមុខគូប្រកួតត្រូវ​ហាមឃាត់ ប៉ុន្តែអ្នក​​នៅ​តែ​អាច​យកឈ្នះ​ដោយប្រើរន្ទះជើង។

Kengo Abe