ឧបករណ៍ភ្លេងបុរាណជប៉ុនដែលសំឡេងពីរោះ

ប្រទេសជប៉ុនអភិវឌ្ឍវប្បធម៌របស់ខ្លួនដោយឯករាជ្យរយៈពេល​យូរណាស់មកហើយ ជាពិសេសកំឡុងពេលបិទផ្លូវ​​ចេញ​ចូល​គ្មាន​ទំនាក់ទំនងជាមួយ​បរទេស។ ចំណុច​លេចធ្លោគឺថា ឧបករណ៍ភ្លេងប្រពៃណីបុរាណជប៉ុន​មាន​លក្ខណៈ​ពិសេស។

ថ្វីត្បិតតែធ្លាប់ត្រូវ​គេ​បំភ្លេចចោលជាយូរមកហើយ ប៉ុន្តែសព្វថ្ងៃនេះចំនួនយុវជនរៀនឧបករណ៍ភ្លេងបុរាណកាន់​តែ​កើន​ឡើង។ អ្នក​​ខ្លះ​​ប្រើឧបករណ៍ភ្លេងបុរាណលេងទំនុកចម្រៀងសម័យសព្វថ្ងៃ បង្កើតជាអារម្មណ៍ប្លែកពិសេស។ នៅ​​ក្នុង​អត្តបទ​​ថ្ងៃ​នេះ យើងនឹង​ស្តាប់​សម្លេងភ្លេងប្រគំតន្រ្តីចេញពីឧបករណ៍ប្រពៃណីជប៉ុន។

Shakuhachi

រូបភាព http://www.billboard-japan.com/d_news/detail/41625/2

Shakuhachi គឺជាប្រភេទ​ខ្លុយបុរាណ ដែល​ធ្វើឡើងដោយខួងរន្ធនៅលើបំពង់ឫស្សី។ មានរន្ធចំនួន ៤ នៅផ្នែកខាងមុខ និងរន្ធ ១ នៅខាងក្រោយសម្រាប់​បង្កើតជាសំឡេង។ ក្នុងពេលជាមួយគ្នានេះ សិល្បករត្រូវសម្រួលដង្ហើមត្រង់កឡើង​ចុះ​ដើម្បី​បង្កើតជាចង្វាក់ភ្លេង។

Koto

រូបភាព https://wa-gokoro.jp/wagakki/moth/

ឧបករណ៍ភ្លេង Koto មាន ៧ ខ្សែភ្ជាប់លើដងត្រី​កោណពណ៌ស ដើម្បីលេងឧបករណ៍​ភ្លេងនេះ​សិល្បការនីត្រូវពាក់ក្រ​ចក នេះ​គឺ​ជា​សម្លេងដែល​ចេញមកពីឧបករណ៍ភ្លេង Koto ខាងក្រោម។

Shamisen

រូបភាព https://www.atpress.ne.jp/news/174545

ប្រសិនបើអ្នកចាប់អារម្មណ៍នឹងវប្បធម៌ជប៉ុនអ្នក​ប្រហែលជាស្គាល់ប្រភេទឧបករណ៍ភ្លេងដែល​ពេញនិយមនេះ។ ឧបករណ៍​ភ្លេង​ធ្វើអំ​ពី​ឈើ គ្របស្បែក​សត្វ ហើយមាន ៣ ខ្សែ។ អ្នកដែល​និយម​ប្រើឧបករណ៍​ភ្លេងនេះគឺបងប្អូនរបស់ Yoshida ។ តោះមកស្តាប់ការប្រគំតន្ត្រី Shamisen ទាំងអស់គ្នា។

Tsutsumi

រូបភាព https://www.miura-taikoudo.com/gallery/index5.html

នេះគឺជាប្រភេទស្គរសម្រាប់​ប្រគំក្នុងតន្រ្តីបុរាណជប៉ុន ស្គរមានច្រើនប្រភេទអាស្រ័យទៅលើទំហំរបស់វា ហើយប្រភេទ​ដែល​ពេញនិយមបំផុតគឺ Taiko ។ ចំណែក​ស្គរដែលគេវាយ​បង្កើតជាសម្លេងគេហៅថា Oozutsumi ចំណែឯប្រភេទតូច​ជាងមានឈ្មោះថា Kozutsumi ។

ចំណុចដែលគួរអោយចាប់អារម្មណ៍គឺថាស្គរធំបង្កើតជាសម្លេងខ្ពស់ជាងផ្ទុយទៅនឹងឧបករណ៍ភ្លេងប្រទេសលោកខាង​លិច។

ប្រភេទស្គរនេះភាគច្រើនគេប្រើនៅក្នុង Noh និង Kabuki ។

បទចម្រៀងនេះគេសម្តែងរួមបញ្ចូលជាមួយឧបករណ៍ប្រពៃណីជប៉ុន។

មនុស្សជាច្រើនប្រាកដជាស្គាល់បទនេះមានឈ្មោះថា Senbonzakura ។ សម្លេងត្រូវបានភ្ជាប់ជាមួយកម្មវិធីលើ​កុំព្យូទ័រ​ដោយ​រួម​បញ្ចូល​ឧបករណ៍ប្រពៃណីជាមួយឧបករណ៍ទំនើបដូចជាហ្គីតា និងស្គរ។

អ្នក​អាចនឹងមើលឃើញការសម្តែងបែបនេះជាច្រើននៅក្នុងទីក្រុង Tomioka ។ 

ក្រៅពីនេះ​តើអ្នក​ធ្លាប់ឮបទ Smooth Criminal – គឺជាបទចំរៀងល្បីរបស់ Michael Jackson សម្តែងដោយប្រើឧបករណ៍​ភ្លេងបុរាណរបស់ជប៉ុន។

បច្ចុប្បន្នឧបករណ៍ភ្លេងបញ្ចេញសម្លេងកាន់តែពីរោះ ហើយសម្លេងភ្លេងដែលឧបករណ៍តន្រ្តីនេះនាំមកគ្មានអ្វីអាចជំនួសបានទេ។ ខ្ញុំពិតជាសប្បាយចិត្តដែល​យុវជនសព្វថ្ងៃនៅតែរៀនឧបករណ៍ភ្លេងបុរាណជប៉ុនដោយចិត្តអំណត់ ហើយ​ធ្វើ​អោយ​តន្រ្តីភ្លេង​បុរាណ​ពេញ​និយម​ឡើង​វិញ។

Kengo Abe