ចូលរួមសោកស្តាយចំពោះមរណៈភាពរបស់តារាបញ្ចូលសម្លេងរឿងគំនូរជីវចល Shin – Crayon Shin-chan

កាលពីថ្ងៃទី ១២ ខែមេសាតារាបញ្ចូលសម្លេងលោក Fujiwara Keiji បានទទួលមរណភាពដោយសារជំងឺមហារីកនៅអាយុ ៥៥ ឆ្នាំ។ ព័ត៌មាននេះត្រូវបានចុះផ្សាយលើគេហទំព័ររបស់ក្រុមហ៊ុនដែលតារាបញ្ចូលសម្លេងរូបនេះទទួលតំណែងជាតំណាងនាយកនៅថ្ងៃទី ១៦ ខែមេសា។

រូបភាព https://www.sponichi.co.jp/entertainment/news/2020/04/16/kiji/20200416s00041000267000c.html

លោក Fujiwara Keiji មានកេរ្តិ៍ឈ្មោះល្បីពេលចូលតួធ្វើជាឪពុករបស់ Shin – Crayon Shin-chan គឺលោក Nohara Hiroshi និងតួសម្តែងជាច្រើនផ្សេងទៀត។ នៅឆ្នាំ ២០១៦ គាត់​ធ្លាប់ត្រូវ​បញ្ចូនទៅបន្ទីរពេទ្យ​ម្តង ហើយបន្ទាប់មកជាសះស្បើយឡើងវិញនៅឆ្នាំ ២០១៧ ។ ប៉ុន្តែរហូត​មកដល់ឆ្នាំនេះគាត់មិនអាចឆ្លងផុតពីជំងឺមហារីក ហើយបន្សល់ទុក​នូវ​ភាពសោកសៅសម្រាប់អ្នកគាំទ្រជាច្រើនចំពោះរឿង Anime Shin – Crayon Shin-chan ។

“លោក Fujiwara Keiji គឺជាតំណាងនាយក និងតារាបញ្ចូលសម្លេងរបស់យើងបានទទួលមរណៈភាពនៅអាយុ ៥៥ ឆ្នាំក្រោយរយៈប្រយុទ្ធ​ជា​មួយ​ជំងឺ​មហា​រីក។ យើងសូមថ្លែងអំណរគុណយ៉ាងជ្រាលជ្រៅចំពោះអ្នកទាំងអស់គ្នាដែលតែងតែគាំទ្រលោក។

ពិធីបុណ្យសពធ្វើឡើងក្នុងចំណោមសាច់ញាតិរបស់អ្នក​ស្លាប់តែប៉ុណ្ណោះ

យើងសូមបដិសេធដោយស្មោះចំពោះការផ្ញើជូនផ្កា”។

ឆ្នាំ ២០២០ ប្រហែលជាឆ្នាំដែល​បាត់បង់ច្រើនបំផុតនៅពេលដែលសិល្បករជប៉ុនល្បីឈ្មោះពីររូបទទួល​មរណៈភាព។ សង្ឃឹមថាក្រោម​ស្ថាន​ភាពវីរុសកូរ៉ូណាកំពុងរីករាលដាល យើងទាំងអស់គ្នានឹងមិន​ទទួល​ដំណឺងអាក្រក់បន្ថែមទៀតឡើយ។

Chee