ទូកនេសាទក្តាមនៅលើដែនទឹកដែលមានជម្លោះរវាងជប៉ុន និងរុស្ស៊ី

ឧស្សាហកម្មជលផលនេសាទក្តាមនាំមកនូវប្រាក់ចំណូលច្រើនរហូតដល់ទៅ ៣០០,០០០,០០០ យ៉េន។

តើអ្នកដឹងទេថាហេតុអ្វីបានជាពួកគេទទួល​បានប្រាក់ចំណូលច្រើនបែបនេះ? ដោយសារតែអ្នកនេសាទត្រូវ​ប្រ​ថុយ​ជីវិត​របស់​ខ្លួន។

ភាគខាងជើងប្រទេសជប៉ុន ហួសកោះហុកកៃដូជាតំបន់ទឹកដីរវាងជប៉ុន និងរុស្ស៊ី ដែលគេហៅថាកោះ Kuril ។ បន្ទាប់​​ពី​សង្គ្រាមលោកលើកទី ២ កម្មសិទ្ធិគ្រប់គ្រងតំបន់នេះជារបស់កងទ័ពសូវៀត។ ក្រោមយុទ្ធសាស្ត្រជាច្រើនរបស់រដ្ឋាភិបាលជប៉ុន ដើម្បីដណ្តើមកាន់កាប់ទឹកដីភាគខាងជើង រហូតមកដល់ពេលនេះ ប្រទេសរុស្ស៊ីនៅមិន​ទាន់​ឆ្លើយ​តបនឹង​ជប៉ុនឡើយ ដូច្នេះកម្មសិទ្ធិគ្រប់គ្រងគឺប្រទេស​រុស្ស៊ី។

តំបន់សមុទ្រនៅកន្លែងនេះធម្មជាតិ សម្បូរប្រភពក្តាមសមុទ្រច្រើនក្រៃលែងដែលជាកន្លែងល្អសម្រាប់អ្នកនេ​សាទ។

រូបភាព http://www.azabu-wamon.com/fcblog/2019/11/20/大きいタラバガニ

មូលហេតុដែលតំបន់នេះមានការដណ្តើមកាន់កាប់ព្រោះវាទាក់ទងនឹងធនធានសេដ្ឋកិច្ច។

កាលពីមុនប្រទេសរុស្ស៊ី ឬគេហៅថាសហភាពសូវៀតជាប្រទេសតឹងរឹងចំពោះបញ្ហាព្រំដែន។ ករណីចាប់ខ្លួន និងបាញ់​ពន្លិច​ទូកនេសាទជាបញ្ហាទូទៅ។ ក្រោមស្ថានភាពនោះរដ្ឋាភិបាលជប៉ុនក៏បានរឹតបន្តឹងសន្តិសុខសម្រាប់ដែនទឹករបស់ខ្លួនផងដែរ។ ទូកនេសាទធម្មតា​បើក​ទៅ​មក​នឹងត្រូវគេចាប់ភ្លាមៗ ប៉ុន្តែបើដំឡើងទៅជាទូកល្បឿន​លឿន​ងាយ​​ស្រួលរត់គេចខ្លួន។ ទូកនេសាទក្តាមគេហៅថា 特攻船 (Tokuko Bune) ។

រូបភាព https://shanti.naturum.ne.jp/e2988045.html

ដើម្បីគេចពីការតាមប្រមាញ់របស់ប៉ូលីស ត្រូវ​ប្រើទូកប្រភេទតូចដែលបំពាក់ដោយម៉ាស៊ីនមានម្លាំងរហូតដល់ ១០០០ (horse power) ។

ទូកធម្មតាប្រើប្រេងធ្ងន់ ចំណែកទូកប្រភេទនេះប្រើប្រេងសាំងកម្រិតខ្ពស់ ដែលគេហៅថា “សាំង octan” ។ ឡានទំនើប​ទើបប្រើសាំងប្រភេទនេះ ប៉ុន្តែក្នុងរយៈពេលកន្លងមកគេរកឃើញថា ការលក់កើនឡើងខ្ពស់នៅតំបន់ក្បែរកំពង់ផែនេសាទ Nemuro ។ ប្រេងសាំងត្រូវ​បានអ្នក​នេសាទទិញ និង​ប្រើសម្រាប់ទូកនេសាទពិសេស។

នៅពេល​ទូកធ្វើដំណើរក្នុងល្បឿនលឿនវាអាចនឹងបណ្តាលឲ្យ​ក្រឡាប់មានន័យថា អ្នក​នេសាទត្រូវ​ប្រថុយជីវិតរបស់ពួកគេរាល់ការធ្វើដំណើរម្តងៗ។ ជាការតបស្នងវិញ ក្រោយពេលពីរបីខែចេញនេសាទពួកគេនឹង​ទទួល​បានប្រាក់ចំណូល ៣០០.០០០.០០០ យ៉េន។ មនុស្សជាច្រើននិយាយថា អ្នកនេសាទចូលរួមជាមួយ Yakuza ដើម្បីតម្លើងតម្លៃអាចរកប្រាក់រហូតដល់ទៅ ១ ពាន់លានយ៉េន។

ប៉ុន្តែបន្ទាប់ពីសហភាពសូវៀតដួលរលំឈានចូលទសវត្សឆ្នាំ ២០០០ ក្រោមការដឹកនាំរបស់ប្រធានាធិបតី Putin ទូក​នេសាទមិន​អាចបន្តដោយសារតែការវាយប្រហារយ៉ាងខ្លាំងរបស់រដ្ឋាភិបាលប្រទេសនេះ។

បន្ទាប់ពីបាញ់កាំភ្លើងគំរាម ពួកគេភ្ជង់កាំភ្លើងបាញ់រះទូកនេសាទ។ មានប្រហែលជា ២០ កន្លែងលើទូកត្រូវវាយប្រហារ វាដូចជាសមរភូមិអ្នក​នេសាទប្រាកដជាមិន​អាចឆ្លងផុតឡើយ។

ក្តាមមានរសជាតិឈ្ងុយឆ្ងាញ់ ប៉ុន្តែប្រសិនបើអ្នកត្រូវប្រថុយជីវិតរបស់អ្នកដូចនេះតើវាសមទេ?

Kengo Abe